Reliance Jio: ధర తక్కువ.. ప్రయోజనాలు ఎక్కువ.. జియో చీపెస్ట్ రీచార్జ్ ప్లాన్లు ఇవే..
ముఖేష్ అంబానీకి చెందిన రిలయన్స్ జియో భారతదేశంలో అతిపెద్ద టెలికాం ఆపరేటర్. దేశంలో ఒక టెలికాం విప్లవాన్ని తీసుకొచ్చిన ఘనత ఈ సంస్థదే అని చెప్పొచ్చు. నగర, పట్టణాలతో పాటు ఇంటర్నెట్ ను గ్రామీణ స్థాయికి చేర్చి.. డిజిటల్ ఇండియా స్వప్నంలో కీలకంగా వ్యవహించింది. ముఖేష్ అంబానీ తనయుడు ఆకాష్ అంబానీ నేతృత్వంలో రిలయన్స్ జియో నడుస్తోంది. అయితే ఇటీవల అన్ని టెలికం కంపెనీలు తన ప్రీపెయిడ్ ప్లాన్ల ట్యారిఫ్ లను పెంచాయి. అందులో భాగంగా జియో కూడా తన ప్లాన్ల ధరలను పెంచింది. అలాగే ప్రసిద్ధ ఓటీటీ ప్లాట్ ఫారంలు అయిన నెట్ ఫ్లిక్స్, అమెజాన్ ప్రైమ్ వంటి వాటికి యాక్సెస్ ఇచ్చిన ప్లాన్లను సైతం నిలిపివేశాయి. అయినప్పటికీ కొన్ని ప్లాన్లు సరసమైన ధరకే వినియోగదారులకు అందుబాటులో ఉన్నాయి. వాటిపై ఓ లుక్కేద్దాం రండి..
నాలుగు ప్లాన్లు.. ముఖేష్ అంబానీకి చెందిన రిలయన్స్ జియోలో సరసమైన ధరలకు పెట్టింది పేరు. అయితే ఇటీవల ప్లాన్ల రేట్లను పెంచడంతో అన్ని ప్లాన్లు అప్ డేట్ అయ్యాయి. వాటిల్లో తక్కువ ధరలకు వివిధ ప్రయోజనాలతో అందుబాటులో ఉన్న నాలుగు ప్లాన్లను మీకు అందిస్తున్నాం.
జియో రూ. 199 ప్లాన్.. ఈ ప్లాన్లో 1.5జీబీ రోజువారీ డేటా (మొత్తం 27జీబీ), అపరిమిత కాల్‌లు, 100 రోజువారీ ఎస్ఎంఎస్, జియో టీవీ, జియో సినిమా, జియో క్లౌడ్ సబ్‌స్క్రిప్షన్‌లతో 18 రోజుల వ్యాలిడిటీతో వస్తుంది.
రూ. 249 ప్లాన్.. ఈ ప్లాన్ 28 రోజుల వ్యాలిడిటీతో వస్తుంది. 1జీబీ రోజువారీ డేటా (మొత్తం 28జీబీ) అందిస్తుంది. అపరిమిత కాల్‌లు, 100 రోజువారీ ఎస్ఎంఎస్, జియో ఎంటర్‌టైన్‌మెంట్ సర్వీసెస్‌లకు యాక్సెస్ ఇస్తుంది.
రూ. 299 ప్లాన్.. ఇది 28 రోజుల వ్యాలిడిటీతో వస్తుంది. ప్రతి రోజూ 1.5జీబీ రోజువారీ డేటా (మొత్తం 42జీబీ)ని అందిస్తుంది. అపరిమిత కాల్‌లు, 100 రోజువారీ ఎస్ఎంఎస్, జియో ఎంటర్‌టైన్‌మెంట్ సర్వీసెస్‌లకు యాక్సెస్‌ను అందిస్తుంది.