Oppo Reno 11A: ఒప్పో నుంచి ప్రీమియం స్మార్ట్‌ఫోన్‌.. స్టైలిష్‌ లుక్‌, అదిరిపోయే ఫీచర్స్‌
ఓవైపు బడ్జెట్‌ ఫోన్‌లను తీసుకొస్తూనే మరోవైపు ప్రీమియం స్మార్ట్ ఫోన్‌లను లాంచ్‌ చేస్తూ వస్తోంది ప్రముఖ స్మార్ట్‌ఫోన్‌ దిగ్గజం ఒప్పో. మొన్నటి వరకు బడ్జెట్‌ ఫోన్‌లను తీసుకొచ్చిన ఈ సంస్థ తాజాగా మార్కెట్లోకి ప్రీమియం ఫోన్‌ను తీసుకొచ్చే పనిలో పడింది. ఒప్పో రెనో 11ఏ పేరుతో త్వరలోనే భారత మార్కెట్లోకి కొత్త ఫోన్‌ను లాంచ్‌ చేయనుంది. ఇంతకీ ఈ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్ ఫోన్‌ దిగ్గజం ఒప్పో భారత మార్కెట్లోకి కొత్త ఫోన్‌ను లాంచ్‌ చేసేందుకు సిద్ధమవుతోంది. ఒప్పో రెనో 11ఏ పేరుతో ఈ ఫోన్‌ను తీసుకొస్తున్నారు. ప్రీమియం లుక్‌తో మంచి ఫీచర్లతో ఈ ఫోన్‌ను తీసుకొస్తున్నారు. ఇప్పటికే జపాన్‌లో లాంచ్‌ అయిన ఈ ఫోన్‌ను త్వరలోనే భారత మార్కెట్లోకి తీసుకొస్తున్నారు.
ఒప్పో రెనో 11ఏ ఫీచర్ల విషయానికొస్తే ఇందులో 67 వాట్స్‌ ఫాస్ట్ ఛార్జింగ్‌కు సపోర్ట్‌ చేసే పవర్‌ఫుల్ బ్యాటరీని అందించారు. ఆండ్రాయిడ్‌ 14 ఆపరేటింగ్‌ సిస్టమ్‌పై పనిచేసే ఈ ఫోన్‌లో సెక్యూరిటీ కోసం ఇన్‌ స్క్రీన్ ఫింగర్‌ ప్రింట్ సెన్సార్‌ను అందించారు.
ఇక ఇందులో 6.7 ఇంచెస్‌తో కూడిన ఫుల్‌ హెచ్‌డీ ప్లస్ రిజల్యూషన్‌ స్క్రీన్‌ను అందించారు. 120Hz రిఫ్రెష్ రేట్ ఈ స్క్రీన్ సొంతం. ఈ ఫోన్‌ డైమెన్సిటీ 7050 ప్రాసెసర్‌తో పనిచేస్తుంది. 8 జీబీ ర్యామ్‌, 128 జీబీ ఇంటర్నల్ స్టోరేజ్‌తో ఈ ఫోన్‌ తీసుకొచ్చారు.
కెమెరా విషయానికొస్తే ఈ స్మార్ట్‌ఫోన్‌లో 64 మెగాపిక్సెల్స్‌తో కూడిన రెయిర్‌ కెమెరాను అందించారు. 8-మెగాపిక్సెల్ అల్ట్రావైడ్ లెన్స్, 2-మెగాపిక్సెల్ మాక్రో కెమెరాలను ఇచ్చారు. సెల్ఫీలు, వీడియో కాల్స్‌ కోసం ఇందులో 32 మెగాపిక్సెల్స్‌తో కూడిన ఫ్రంట్‌ కెమెరాను అందించారు.
ఇక ధర విషయానికొస్తే ఒప్పో రెనో 11ఏ 8 జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 48,800గా ఉండొచ్చని అంచనా వేస్తున్నారు. జూన్‌ 27వ తేదీన ఈ ఫోన్‌ను మార్కెట్లోకి తీసుకొస్తున్నట్లు తెలుస్తోంది. త్వరలోనే ఈ ఫోన్‌కు సంబంధించిన పూర్తి వివరాలు అందుబాటులోకి రానున్నాయి.