Nokia C21 Plus: నోకియా నుంచి అదిరిపోయే స్మార్ట్ ఫోన్ వచ్చేసింది.. రూ. 10 వేలలో సూపర్ ఫీచర్స్..
Nokia C21 Plus: నోకియా నుంచి కొత్త స్మార్ట్ ఫోన్ వచ్చేసింది. బడ్జెట్ యూజర్లను టార్గెట్ చేస్తూ తీసుకొచ్చిన ఈ స్మార్ట్ ఫోన్ రూ. 10 వేలకే లభించడం విశేషం. ధర తక్కవని ఫీచర్ల విషయంలో మాత్రం ఎలాంటి రాజీ పడలేదు కంపెనీ..
ప్రముఖ ఎలక్ట్రానిక్ దిగ్గజం నోకియా కొత్త స్మార్ట్ ఫోన్ను లాంచ్ చేసింది. నోకియా సీ 21 ప్లస్ పేరుతో లాంచ్ చేసిన ఈ స్మార్ట్ఫోన్ 3జీబీ ర్యామ్ + 32జీబీ స్టోరేజ్ మొబైల్ ధర రూ.10,299 కాగా, 4జీబీ ర్యామ్ + 64జీబీ స్టోరేజ్ మోడల్ ధర రూ.11,299గా ఉంది.
ఈ ఫోన్ ఫీచర్ల విషయానికొస్తే.. ఇందులో 60Hz రిఫ్రెష్ రేట్తో 6.5 అంగుళాల హెచ్డీ+ డిస్ప్లేను అందించారు. యూనిసోక్ SC9863A చిప్సెట్తో పనిచేస్తుంది.
కెమెరా విషయానికొస్తే ఇందులో 10 మెగా పిక్సెల్ ప్రైమరీ సెన్సార్+2 మెగాపిక్సెల్ డెప్త్ సెన్సార్ డ్యూయల్ కెమెరాను అందించారు. సెల్ఫీలు, వీడియోల కోసం 5 మెగా పిక్సెల్ ఫ్రంట్ కెమెరాను అందించారు.
ఆండ్రాయిడ్ 11గో ఆపరేటింగ్ సిస్టమ్తో పనిచేసే ఈ స్మార్ట్ ఫోన్లో 10 వాట్ ఛార్జింగ్ సపోర్ట్ చేసే 5,050ఎంఏహెచ్ బ్యాటరీని అందించారు.
మూడు రోజుల పాటు బ్యాటరీ నాన్ స్టాప్గా పనిచేస్తుంది. 3.5ఎంఎం హెడ్ఫోన్ జాక్, బ్లూటూత్ 4.2, ఫింగర్ప్రింట్ సెన్సార్, యూఎస్బీ 2.0 లాంటి ఫీచర్స్ ఉన్నాయి.