5G Phones under 20K: 5జీ ఫోన్ కొనే ప్లాన్‌లో ఉన్నారా.? రూ. 20 వేలలోపు, సూపర్‌ ఫీచర్స్‌తో ఉన్న ఫోన్‌లు ఇవే..
దేశవ్యాప్తంగా 5జీ నెట్‌వర్క్‌ సేవలు విస్తరిస్తున్న తరుణంలో కంపెనీలన్నీ 5జీ స్మార్ట్‌ఫోన్స్‌ను లాంచ్‌ చేస్తున్నాయి. మీరు కూడా 5జీ ఫోన్‌ను కొనుగోలు చేసే ప్లాన్‌లో ఉన్నారా.? మీ బడ్జెట్‌ రూ. 20 వేల లోపా.? అయితే మీ బడ్జెట్‌లో మంచి ఫీచర్లతో మార్కెట్లో అందుబాటులో ఉన్న కొన్ని స్మార్ట్ ఫోన్స్‌, వాటి ఫీచర్లపై ఓ లుక్కేయండి..
iQOO Z7 5G: రూ. 20 వేలలోపు అందుబాటులో ఉన్న బెస్ట్‌ 5జీ స్మార్ట్‌ఫోన్స్‌లో ఐకూ జెడ్‌7 ఫోన్ ఒకటి. ఈ ఫోన్ ధర రూ. 18,999గా ఉంది. ఇందులో 6.38 ఇంచెస్‌ డిస్‌ప్లేను ఇచ్చారు. 6 జీబీ ర్యామ్‌, 128 జీబీ స్టోరేజ్‌ ఉన్న ఈ ఫోన్‌లో 64 ఎంపీ రెయిర్ కెమెరాతోపాటు, సెల్ఫీల కోసం రూ. 16 ఎంపీ ఫ్రంట్‌ కెమెరాను అందించారు.
Moto G82 5G: మోటోరోలాకు చెందిన ఈ స్మార్ట్ ఫోన్ ధర రూ. 19,999గా ఉంది. ఈ ఫోన్‌లో 6.60 ఇంచెస్‌ డిస్‌ప్లేను ఇచ్చారు. క్వాల్కమ్‌ స్నాప్‌డ్రాగన్‌ 965 ప్రాసెసర్‌తో పనిచేసే ఈ ఫోన్‌లో 6 జీబీ ర్యామ్‌, 128 జీబీ స్టోరేజ్‌ను ఇచ్చారు. 5000 ఎమ్‌ఏహెచ్‌ బ్యాటరీ ఈ ఫోన్ సొంతం. ఇందులో 50 ఎంపీ రెయిర్ కెమెరా, 16 ఎంపీ ఫ్రంట్‌ కెమెరాను అందించారు.
OnePlus Nord CE 2 Lite 5G: రూ. 20 వేలలోపు అందుబాటులో ఉన్న బెస్ట్‌ 5జీ ఫోన్స్‌లో వన్‌ప్లస్‌ నార్డ్‌ సీఈ2 లైట్‌ ఒకటి. ఈ స్మార్ట్ ఫోన్‌లో 6.59 ఇంచెస్‌ డిస్‌ప్లేను అందించారు. క్వాల్కమ్‌ స్నాప్‌ డ్రాగన్‌ ప్రాసెసర్‌తో పని చేసే ఈ ఫోన్‌లో 8 జీబీ ర్యామ్‌, 128 జీబీ స్టోరేజ్‌ను ఇచ్చారు. ఇక కెమెరా విషయానికొస్తే ఇందులో 64 ఎంపీ రెయిర్ కెమెరాతో పాటు, 16 ఎంపీ ఫ్రంట్‌ కెమెరాను అందించారు. ధర విషయానికొస్తే రూ. 18,499గా ఉంది.
OnePlus Nord CE 3 Lite 5G: వన్‌ప్లస్‌ నుంచి వచ్చిన ఈ స్మార్ట్ ఫోన్ ధర రూ. 19,999గా ఉంది. ఈ 5జీ స్మార్ట్‌ఫోన్‌లో 6.72 ఇంచెస్‌ డిస్‌ప్లేను అందించారు. క్వాల్కమ్‌ స్నాప్‌డ్రాగన్‌ 695 ప్రాసెసర్‌తో పనిచేసే ఈ ఫోన్‌లో 8 జీబీ ర్యామ్‌, 256 జీబీ స్టోరేజ్‌ను ఇచ్చారు. కెమెరా విషయానికొస్తే ఇందులో 108 ఎంపీ రెయిర్ కెమెరాతో పాటు, 16 ఎంపీ ఫ్రంట్‌ కెమెరాను అందించారు.
Vivo T2 5G: రూ. 20 వేలలోపు అందుబాటులో ఉన్న 5జీ స్మార్ట్‌ఫోన్స్‌లో వివో టీ2 స్మార్ట్ ఫోన్ ఒకటి. ఈ ఫోన్ ధర రూ. 18,999గా ఉంది. ఫోన్ ఫీచర్ల విషయానికొస్తే ఇందులో 6.38 ఇంచెస్‌ డిస్‌ప్లేను అందించారు. క్వాల్కమ్‌ స్నాప్‌డ్రాగన్‌ 695 ప్రాసెసర్‌ను ఇచ్చారు. 6 జీబీ ర్యామ్‌, 128 జీబీ స్టోరేజ్‌ ఈ ఫోన్ సొంతం. కెమెరా విషయానికొస్తే ఇందులో 64 ఎంపీ రెయిర్ కెమెరా, 16 ఎంపీ సెల్ఫీ కెమెరాను అందించారు.