Lava Blaze Pro 5G: లావా నుంచి కొత్త ఫోన్‌ వచ్చేస్తోంది.. రూ. 15వేలకే సూపర్ ఫీచర్స్‌
భారత్‌కు చెందిన ప్రముఖ స్మార్ట్ ఫోన్‌ దిగ్గజ సంస్థ లావా మార్కెట్లోకి కొత్త స్మార్ట్ ఫోన్‌ను లాంచ్‌ చేసింది. తక్కువ బడ్జెట్‌లో మంచి ఫీచర్లతో కూడిన ఫోన్‌లను తీసుకురావడంతో ముందు వరుసలో ఉండే ఈ సంస్థ మరో కొత్త ఫోన్‌ను తీసుకొచ్చేందుకు సిద్ధమవుతోంది. లావా బ్లేజ్‌ ప్రో పేరుతో 5జీ స్మార్ట్ ఫోన్‌ను లాంచ్‌ చేయనున్నారు. గతేడాది 5జీ మొబైల్‌ను తీసుకొచ్చిన లావా, తాజాగా ఈ ఫోన్‌కు కొనసాగింపుగా లావా బ్లేజ్‌ ప్రో 5జీ ఫోన్‌ను తీసుకొస్తోంది. ఇంతకీ ఈ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు మీకోసం..
భారత్‌కు చెందిన ప్రముఖ మొబైల్ తయారీ సంస్థ లావా త్వరలోనే లావా బ్లేజ్‌ ప్రో పేరుతో 5జీ స్మార్ట్ ఫోన్‌ను లాంచ్‌ చేస్తోంది. ఈ స్మార్ట్ ఫోన్‌ నవంబర్‌ నెలలో భారత మార్కట్లోకి వచ్చే అవకాశాలు ఉన్నట్లు తెలుస్తోంది.
అయితే ఇప్పటి వరకు ఈ ఫోన్‌ ఫీచర్లకు సంబంధించి ఎలాంటి అధికారిక ప్రకటన చేయకపోయినప్పటికీ.. స్మార్ట్ ఫోన్‌ స్పెసిఫికేషన్స్‌కు సంబంధించి నెట్టింట కొన్ని వార్తలు లీక్‌ అవుతున్నాయి.
నెట్టింట వైరల్‌ అవుతోన్న వివరాల ప్రకారం.. ఈ స్మార్ట్ ఫోన్‌ మీడియాటెక్‌ డైమెన్సిటీ 6020 ఎస్‌ఓసీ ప్రాసెసర్‌తో పని చేస్తుంది. ఈ స్మార్ట్ ఫోన్‌ ధర రూ. 15వేల లోపు ఉండొచ్చని అంచనా వేస్తున్నారు.
ఇక కెమెరాకు అధిక ప్రాధాన్యత ఇచ్చిన ఈ స్మార్ట్ ఫోన్‌లో 50 మెగాపిక్సెల్స్‌ రెయిర్‌ కెమెరాను ఇవ్వనున్నారని సమాచారం. అలాగే మెరుగైన క్వాలిటీ ఫొటోలు, వీడియోల కోసం ఆర్టిఫిషియల్‌ ఇంటెలిజెన్స్‌ ఫీచర్‌ను అందించనున్నారు.
ఇక లావా గతేడాది విడుదల చేసిన 4జీ వెర్షన్‌ ధర రూ. 10,499గా ఉంది. ఇందులో 6.5 ఇంచెస్‌తో కూడిన 2.5 కర్వ్‌ర్డ్‌ ఐపీఎస్‌ డిస్‌ప్లేను అందించారు.90 హెచ్‌జెడ్‌ రిఫ్రెష్‌ రేట్‌ ఈ స్క్రీన్‌ ప్రత్యేకత.