WhatsApp Block: మీ వాట్సాప్ అకౌంట్‌ బ్లాక్ అయ్యిందా..? అన్‌బ్లాక్‌ చేసుకోవడం ఎలా?
WhatsApp Block: ప్రతి నెల వాట్సాప్ చాలా మంది ఖాతాలను బ్యాక్‌ చేస్తుంటుంది. వాట్సాప్ సంస్థ నియమ నిబంధనలు ఉల్లంఘించిన వారిపై కొరఢా ఝులిపిస్తుంటుంది. నిబంధనలు ఉల్లంఘిస్తే వాట్సాప్ అకౌంట్స్‌ను బ్లాక్ చేస్తుంటుంది. మరి అకౌంట్‌ బ్లాక్ అయితే ఏం చేయాలి..? ఎలా పరిష్కరించుకోవాలో చూద్దాం..
యూజర్ ప్రైవసీని కాపాడేందుకు వాట్సాప్ ఎప్పటికప్పుడు యాప్‌లో మార్పులు చేస్తుంది. యూజర్ల సౌకర్యార్థం వాట్సాప్ ఎప్పటికప్పుడు కొన్ని ఫీచర్లను అప్‌డేట్ చేస్తుంది. వాట్సాప్ వినియోగదారులను దుర్వినియోగం చేసిన వారి ఖాతాలను కూడా బ్లాక్ చేస్తుంది. WhatsApp పాలసీని ఉల్లంఘిస్తే, కంపెనీ ఖాతాను బ్లాక్ చేస్తుంది లేదా బ్యాన్ చేస్తుం
అయితే, చాలా సందర్భాలలో వ్యక్తుల వాట్సాప్ ఖాతాలను ఎటువంటి పొరపాటు లేకుండా నిషేధించవచ్చు. అటువంటి పరిస్థితిలో మీ ఖాతా కూడా ఎటువంటి పొరపాటు లేకుండా నిషేధించబడితే చింతించకండి. ఈ ప్రక్రియను అనుసరించి సమస్య పరిష్కారం చేసుకోవచ్చు.
మీ WhatsApp ఖాతా నిషేధించబడినప్పుడు మీకు నోటిఫికేషన్ అందుతుంది. మీ ఖాతా ఎందుకు నిషేధించబడిందో ఈ నోటీసు వివరిస్తుంది. వాట్సాప్ నిబంధనలను ఉల్లంఘించడమే ఇందుకు కారణం. సమాజంపై ప్రతికూల ప్రభావం చూపే సందేశాలను పంపడం, WhatsApp ద్వారా అభ్యంతరకరమైన సమాచారాన్ని పంచుకోవడం మొదలైన వాటి కోసం మీ ఖాతా బ్లాక్ చేయవచ్చు.
మీ వాట్సాప్ ఖాతా పొరపాటున నిషేధించబడితే మీరు వాట్సాప్ మద్దతు బృందాన్ని సంప్రదించవచ్చు. యాప్‌కి వెళ్లి, 'HELP' ఎంపికపై క్లిక్ చేయండి. మీరు ఎదుర్కొంటున్న సమస్యను ఇమెయిల్ ద్వారా నివేదించవచ్చు. మీ సంప్రదింపు నంబర్, పూర్తి వివరాలు, మీ ఖాతాను నిషేధించడానికి గల కారణాన్ని ఇమెయిల్‌లో పంపండి.
కొన్నిసార్లు వాట్సాప్ మీ ఖాతాను తాత్కాలికంగా నిషేధించవచ్చు. ఈ పరిమితిని 24 గంటల నుండి 30 రోజులలోపు పరిష్కరించవచ్చు. మీరు ఈ కాలంలో GBWhatsApp, WhatsApp Plus వంటి థర్డ్ పార్టీ వాట్సాప్‌ని ఉపయోగించకూడదు. ఈ తాత్కాలిక నిషేధానికి ఈ వేదికలు కూడా కారణం అవుతాయి.