Smart Phone Tips: మొబైల్ డేటా త్వరగా అయిపోతుందా? ఈ సింపుల్‌ డేటా సేవింగ్ టిప్స్‌ మీకోసమే
ప్రస్తుతం ఇంటర్నెట్ ధరలు భారీగా పెరుగుతున్నాయి. అయినప్పటికీ దీని వినియోగం మాత్రం బాగా పెరుగుతోంది. కానీ కొన్ని కారణాల వల్ల మనం ఉపయోగించే మొబైల్ డేటా చాలా త్వరగా అయిపోతుంది. మీకు కూడా ఇలా జరుగుతుంటే అసలు చింతించకండి. ఈ సింపుల్‌ డేటా సేవింగ్ టిప్స్‌ పాటించి సమస్యను పరిష్కరించుకోండి.
ప్రస్తుతం ఇంటర్నెట్ ధరలు భారీగా పెరుగుతున్నాయి. అయినప్పటికీ దీని వినియోగం మాత్రం బాగా పెరుగుతోంది. కానీ కొన్ని కారణాల వల్ల మనం ఉపయోగించే మొబైల్ డేటా చాలా త్వరగా అయిపోతుంది. మీకు కూడా ఇలా జరుగుతుంటే అసలు చింతించకండి. ఈ సింపుల్‌ డేటా సేవింగ్ టిప్స్‌ పాటించి సమస్యను పరిష్కరించుకోండి.
స్మార్ట్‌ఫోన్‌లలోని కొన్ని యాప్‌లు ఆటోమేటిక్‌గా అప్‌డేట్ అవుతాయి. దీని కారణంగా ఇంటర్నెట్ డేటా చాలా త్వరగా అయిపోతుంది. అందుకే యాప్ సెట్టింగ్స్‌లోకి వెళ్లి ఆటోమేటిక్ డౌన్‌లోడ్ ఆప్షన్‌ను ఆఫ్ చేయండి. WiFiని ఉపయోగిస్తున్నప్పుడు మాత్రమే యాప్‌లను అప్‌డేట్ చేయడం మంచిది.
ఆండ్రాయిడ్ ఫోన్లలో డేటా సేవింగ్ మోడ్ అనే ప్రత్యేక ఫీచర్ ఉంటుంది. ఈ ఆప్షన్ ఉన్నవారు ఎనేబుల్ చేస్తే డేటాను సేవ్ చేసుకోవచ్చు. డేటా సేవింగ్ మోడ్ ఫీచర్ సహాయంతో, వీలైనంత ఎక్కువ డేటాను సేవ్ చేయడానికి అవకాశం ఉంది.
ఇటీవల గూగుల్ మ్యాప్ వినియోగం బాగా పెరిగింది. ఇవి చాలా డేటాను కూడా వినియోగిస్తాయి. కానీ, అలాంటి యాప్‌లను ఆన్‌లైన్ మోడ్‌లో కాకుండా ఆఫ్‌లైన్ మోడ్‌లో ఉపయోగించాలి. ఇది ఇంటర్నెట్ డేటాను వీలైనంత వరకు ఆదా చేస్తుంది.
వాట్సాప్‌లో కనిపించే ఫోటోలు, వీడియోలు ఆటోమెటిక్‌గా డౌన్‌లోడ్ అవ్వడం డేటా అయిపోవడానికి మరో ప్రధాన కారణం. ఆటోమేటిక్ డౌన్‌లోడ్ ఎంపిక నుండి వీడియోలు, ఫోటోలను తీసివేయండి. లేదంటే డేటా వేగంగా అయిపోతుంది.
సాధారణంగా ప్రయాణాల సమయంలో OTT ప్లాట్‌ఫారమ్‌లు లేదా YouTubeలో వీడియోలను చూస్తుంటారు. అలా కాకుండా, ఎక్కడైనా WiFi అందుబాటులో ఉన్నప్పుడు కొన్ని వీడియోలను డౌన్‌లోడ్ చేయడం ద్వారా మొబైల్ ఫోన్ డేటాను సేవ్ చేయవచ్చు. వాటిని ఖాళీ సమయాల్లో ఆఫ్‌లైన్ మోడ్‌లో చూడవచ్చు.