Top Smartwatches: సిమ్తో పని చేసే స్మార్ట్ వాచ్లు తెలుసా..? ఏకంగా 4జీ సిమ్తో వచ్చే సూపర్ స్మార్ట్ వాచ్లు ఇవే
ఇటీవల కాలంలో యువత అధికంగా స్మార్ట్వాచ్లను ఉపయోగిస్తున్నారు. ముఖ్యంగా మన స్మార్ట్ఫోన్కు కనెక్ట్ చేసుకుని వాడే అవకాశం ఉండడంతో ఎక్కువ మంది ఈ వాచ్ల వినియోగాన్ని ఇష్టపడుతున్నారు. ప్రతిసారి ఫోన్ ఆన్ చేసి నోటిఫికేషన్లు చూసే పని లేకుండా స్మార్ట్ వాచ్ల ద్వారానే నోటిఫికేషన్లను చూస్తున్నారు. అయితే ఏదైనా ముఖ్యమైన నోటిఫికేషన్ వస్తే ఫోన్ ద్వారా సమాధానం ఇస్తున్నారు. అయితే చాలా మంది స్మార్ట్వాచ్ వాడలంటే కచ్చితంగా స్మార్ట్ఫోన్కు కనెక్ట్ చేయాలని అనుకుంటూ ఉంటారు. కానీ కొన్ని స్మార్ట్ వాచ్లు సిమ్ వేసి డైరెక్ట్గా వాడుకునే సదుపాయం ఉంది. ఈ నేపథ్యంలో మార్కెట్లో సిమ్ వేసి వాడే అవకాశం ఉన్న టాప్ -5 స్మార్ట్ వాచ్ల గురించి ఓ సారి తెలుసుకుందాం.
ఫైర్-బోల్ట్ స్మార్ట్వాచ్లో కూడా 4 జీ సిమ్ సపోర్ట్తో వస్తుంది. ఐపీ 67 సర్టిఫికేషన్తో వచ్చే ఈ వాచ్ నీటి స్ప్లాష్ల తట్టుకుంటుంది. 400 ఎంఏహెచ్ బ్యాటరీతో వచ్చే ఈ వాచ్ స్లీప్ ప్యాటర్న్ ట్రాకింగ్ నుంచి బ్లడ్ ఆక్సిజన్ స్థాయిల వరకు విస్తృతమైన ఫిట్నెస్ మానిటరింగ్ ఫీచర్లతో వస్తుంది. ఇది చాలా మంది వినియోగదారులకు అత్యుత్తమ ఎంపికలలో ఒకటి. రన్నింగ్, యోగా, స్విమ్మింగ్ వంటి పనుల్లో పనితీరును ట్రాక్ చేసుకోవచ్చు. ఈ వాచ్లో రూపొందించిన విస్తృతమైన స్పోర్ట్స్ మోడ్లు యువతను అమితంగా ఆకట్టుకుంటాయి. ఈ ఫైర్-బోల్ట్ స్మార్ట్వాచ్ ధర రూ. 2,999.
ఎస్ఈ హబ్ ప్రీమియం ఎస్8 అల్ట్రా స్మార్ట్ వాచ్ వినియోగదారులకు ప్రీమియం అనుభవాన్ని అందిస్తుంది. ఈ డిజిటల్ టైమ్పీస్ 1.96 అంగుళాల డిస్ప్లేతో వస్తుంది. అలాగే ఎలాంటి సమస్యలు లేకుండా మీ నోటిఫికేషన్లు, సందేశాల వంటివి తనిఖీ చేయవచ్చు. 4జీ సిమ్తో పని చేసే వాచ్ అవసరమైతే ఇతర ఫోన్లకు కనెక్ట్ చేసి బ్లూటూత్ కాలింగ్ సదుపాయాన్ని కూడా ఆశ్వాదించవచ్చు. ఫిట్నెస్ ట్రాకింగ్తో వచ్చే ఈ వాచ్లో క్యాలరీలు బర్నింగ్, హృదయ స్పందన రేటు, రోజువారీ అడుగులు, ప్రయాణించిన దూరం, నిద్ర నాణ్యత వంటి వాటిని ట్రాక్ చేయవచ్చు. ఈ స్మార్ట్వాచ్ ద్వారా మీ మ్యూజిక్ ప్లేబ్యాక్ని నియంత్రించవచ్చు. ఈ స్మార్ట్ వాచ్ ధర రూ. 4,999గా ఉంటుంది.
అధిక నాణ్యతతో వచ్చే టెక్కింగ్ స్మార్ట్ డిజిటల్ వాచ్ ఫైన్-ట్యూన్డ్ గ్లాస్తో పాటు యాక్రిలిక్ మెటీరియల్తో తయారు చేసిన కేస్తో వస్తుంది. ఈ వాచ్ ఇది వాటర్ఫ్రూఫింగ్ను కలిగి ఉంటుంది. అంటే ఈ వాచ్ స్ప్లాష్లను తట్టుకోగలదు. 0.3 ఎంపీ కెమెరాతో ఫొటోలను తీయడానికి మిమ్మల్ని అనుమతిస్తుంది. డిస్ప్లే విషయానికి వస్తే ఈ వాచ్ 1.54 అంగుళాల టీఎఫ్టీ ఎల్సీడీ స్క్రీన్తో వస్తుంది. ముఖ్యంగా సిమ్ కార్డుకు మద్దుతుతో వచ్చే ఈ వాచ్ అవసరమైతే బ్లూటూత్ కనెక్టివిటీకి కూడా సపోర్ట్ చేస్తుంది. అలాగే మెమరీ కార్డ్తో ఈ వాచ్ స్టోరేజీని 32 జీబీకు పెంచుకోవచ్చు. అయితే దాని ఇన్-బిల్ట్ మెమరీ 64 ఎంపీ మాత్రమే. ఈ టెక్కింగ్ స్మార్ట్ వాచ్ ధర రూ. 1,999గా ఉంది.
పంక్ఫంక్ 4జీ సిమ్ కార్డ్ స్మార్ట్వాచ్ పిల్లల కోసం ప్రత్యేకంగా రూపొందించారు. అధిక బ్రైట్నెస్తో అంతర్నిర్మిత టార్చ్, ఎంపీ3 ఐల్స్కు మద్దతు ఇచ్చే ఎంపీ 3 ప్లేయర్, కాలిక్యులేటర్, అనుకూలీకరించదగిన థీమ్లు, స్క్రీన్సేవర్లతో వస్తుంది. ఇంకా ఇది సెల్ఫీ-కెమెరాను కలిగి ఉంది. సౌండ్ రికార్డింగ్ను కూడా హోస్ట్ చేస్తుంది. ఈ వాచ్లోని కెమెరా ద్వారా వీడియోలు, ఫోటోలు రెండింటినీ రికార్డ్ చేయవచ్చు, ఇది గరిష్టంగా 6 గంటల వీడియో రికార్డింగ్ను అనుమతిస్తుంది. బ్యాటరీ పూర్తిగా రీఛార్జ్ చేస్తే 3-7 రోజులు లైఫ్ ఇస్తుంది. ఈ వాచ్ 2 గంటల్లో చార్జ్ అవుతుంది. ఈ స్మార్ట్ వాచ్ ధర రూ.1,299.
ఫైర్-బోల్ట్ 4జీ ప్రో వోల్టే కాలింగ్ స్మార్ట్ వాచ్ 4 జీ సిమ్ కనెక్టవిటీతో వస్తుంది. ఈ వాచ్ ద్వారా కాల్ చేయవచ్చు. అలాగే అంతర్గత సెన్సార్ ఆధారంగా పనిచేసే జీపీఎస్ కూడా ఉంటుంది. నాణ్యత పరంగా ఈ వాచ్ 2.02 అంగుళాల డిస్ప్లేతో వస్తుంది. అలాగే 240 x 290 పిక్సెల్ల రిజల్యూషన్తో ఆరోగ్య పర్యవేక్షణను ఫీచర్లు కూడా ఉంటాయి. ముఖ్యంగా హృదయ స్పందన రేటు, రక్తపోటు, నిద్ర విధానాలు వంటి ఫీచర్లు ఆకట్టుకుంటాయి. ఈ వాచ్ ధర రూ.2,999గా ఉంటుంది.