Smart watch: స్మార్ట్‌వాచ్‌ కొనే ప్లాన్‌లో ఉన్నారా.? ముందు ఈ విషయాలు తెలుసుకోండి
ప్రస్తుతం స్మార్ట్‌వాచ్‌ల వినియోగం భారీగా పెరిగింది. ఒకప్పుడు వాచ్‌ అంటే కేవలం సమయం తెలుసుకోవడానికి ఉపయోగించే ఓ గ్యాడ్జెట్‌ కానీ ప్రస్తుతం ఫోన్‌ చేసే అన్ని పనులను స్మార్ట్‌ వాచ్‌ చేస్తోంది. అయితే స్మార్ట్‌వాచ్‌ కొనుగోలు చేసే ముందు కొన్ని విషయాలు పరిగణలోకి తీసుకోవాలని నిపుణులు చెబుతున్నారు. అవేంటో ఇప్పుడు చూద్దాం..
స్మార్ట్‌వాచ్‌ కొనుగోలు చేసే ముందు కచ్చితంగా పరిగణలోకి తీసుకోవాల్సిన అంశాల్లో డిస్‌ప్లే ప్రధానమైంది. సన్‌లైట్‌లో కూడా స్క్రీన్‌ బ్రైట్‌గా, స్పష్టంగా కనిపించాలంటే ఎల్‌సీడీ డిస్‌ప్లేకు బదులుగా ఓఎల్‌ఈడీ లేదా అమోఎల్‌ఈడీ డిస్‌ప్లే మోడల్స్‌కు ప్రాధాన్యత ఇవ్వాలి. దీంతో మీరు స్క్రీన్‌ను స్పష్టంగా చూసే వీలు లభిస్తుంది.
ఇక స్మార్ట్‌ వాచ్‌ లుక్స్‌తో పాటు వేగం కూడా ముఖ్యమైన అంశంగా చెప్పొచ్చు. వాచ్‌ వేగాన్ని నిర్ణయించేది ఆపరేటింగ్ సిస్టమ్‌. అందుకే ఆపరేటింగ్ సిస్టమ్‌ విషయంలో కూడా జాగ్రత్త తీసుకోవాలి. గూగుల్‌ వేర్‌ ఆపరేటివ్‌ సిస్టమ్‌ సమర్థవంతంగా పనిచేస్తుందని టెక్‌ నిపుణులు సూచిస్తున్నారు.
స్మార్ట్‌వాచ్‌ కొనుగోలు చేసే ముందు దాని రక్షణ విషయాన్ని కూడా పరిగణలోకి తీసుకోవాలి. పొరపాటు చేతి నుంచి జారి కింద పడితే స్క్రీన్‌ డ్యామేజ్‌ కాకుండా ఉండాలి. కాబట్టి గొరెల్లా ప్రొటెక్షన్ ఉన్న మోడల్స్‌కు ప్రాధాన్యత ఇవ్వాలి. వీటివల్ల ఫోన్‌ డ్యామేజ్‌ కాకుండా చూసుకోవచ్చు.
ఇక స్మార్ట్‌ వాచ్‌లో బ్యాటరీకి కూడా అధిక ప్రాధాన్యత ఉంటుంది. ఎక్కువ కాలం ఛార్జింగ్ ఇచ్చే వాచ్‌లకు ప్రాధాన్యత ఇవ్వాలి. అందుకే వాచ్‌ కొనుగోలు చేసే సమయంలో బ్యాటరీ సామర్థ్యాన్ని కూడా పరిగణలోకి తీసుకోవాలి. వీలైనంత వరకు ఎక్కువ ఎంఏహెచ్‌ ఉన్న బ్యాటరీని కొనుగోలు చేయాలి.
అలాగే స్మార్ట్‌ వాచ్‌లో చూడాల్సిన మరో ప్రధాన అంశం ఫిట్‌నెస్‌ ఫీచర్స్‌. ముఖ్యంగా హెల్త్‌ పరంగా అన్ని రకాల ఫీచర్లు ఉన్నాయా లేదా అన్న అంశాన్ని చూడాలి. ఎక్కువ హెల్త్‌ ఫీచర్లు ఉన్న వాచ్‌కు ప్రాధాన్యత ఇవ్వడం మంచిది.