BMW C400GT: భారత మార్కెట్లోకి బీఎమ్‌డబ్ల్యూ కొత్త స్కూటర్.. ధరెంతో తెలిస్తే షాక్‌ అవ్వాల్సిందే..
BMW C400GT: ప్రపంచవ్యాప్తంగా ఎంతో పేరు సంపాదించుకున్న ప్రముఖ ఆటో మొబైల్‌ సంస్థ బీఎమ్‌డబ్ల్యూ తాజాగా భారత మార్కెట్లోకి కొత్త స్కూటర్‌ను తీసుకొచ్చింది. బీఎమ్‌డబ్ల్యూ సీ400 జీటీ పేరుతో లాంచ్‌ చేసిన ఈ స్కూటర్ ధర ఎంతో తెలిస్తే..
ప్రముఖ అంతర్జాతీయ ఆటోమొబైల్‌ సంస్థ బీఎమ్‌డబ్ల్యూ తాజాగా భారత మార్కెట్లోకి కొత్త స్కూటర్‌ను తీసుకొచ్చింది. బీఎమ్‌డబ్ల్యూ సీ400 జీటీ పేరుతో తీసుకొచ్చిన ఈ స్కూటర్‌లో అత్యాధునిక ఫీచర్లను అందించారు.
ఈ స్కూటర్ ఢిల్లీ ఎక్స్‌ షోరూమ్‌ ధర అక్షరాల రూ. 9.95 లక్షలు. అంటే ఈ స్కూటర్ ధరతో ఏకంగా ఓ కారునే కొనుగోలు చేసేయొచ్చమన్నమాట.
పూర్తిగా విదేశాల్లోనే తయారయ్యే ఈ స్కూటర్‌ను బుక్‌ చేసుకున్న వారి కోసం ప్రత్యేకంగా తెప్పిస్తారు. 350 సీసీ ఇంజన్‌, వాటర్‌ కూల్డ్‌, సిలిండర్‌, ఫోర్‌ స్ట్రోక్‌, ఫ్యూయల్‌ ఇంజెక్టెడ్‌ ఇంజిన్‌ ఈ స్కూటర్ ప్రత్యేకతలు.
7,500 ఆర్‌పీఎం దగ్గర 34 PS పవర్‌, 5,750 ఆర్‌పీఎం దగ్గర 35 Nm అత్యుత్తమ టార్క్‌ను ఇది ఉత్పత్తి చేసే ఈ స్కూటర్ గరిష్టంగా గంటకు 139 కిలోమీటర్ల వేగంతో దూసుకుపోతుంది.
ఇక ఈ స్కూటర్‌లో LED హెడ్‌లైట్‌, LED టెయిల్‌ లైట్‌, LED టర్న్‌ ఇండికేటర్లు ప్రత్యేక ఆకర్షణగా చెప్పవచ్చు. 6.5 అంగుళాల కలర్‌ డిస్‌ప్లే, USB ఛార్జింగ్‌ సాకెట్‌తో పాటు ఆప్షనల్‌గా హీటెడ్‌ గ్రిప్స్స్‌, సీట్‌ అందించారు.