Best Phones Under 20k: రూ. 20,000లోపు ధరలో బెస్ట్ 5జీ ఫోన్లు ఇవే.. టాప్ స్పెక్స్.. సూపర్ ఫీచర్స్..
ప్రస్తుతం మార్కెట్లో రూ. 20,000 లోపు బడ్జెట్లో పెద్ద సంఖ్యలో స్మార్ట్ ఫోన్లు అందుబాటులో ఉన్నాయి. అవి కూడా 5జీ సపోర్టు, బ్రైట్ డిస్ ప్లే, అత్యాధునిక ప్రాసెసర్లు, 6జీబీ ర్యామ్ కలిగినవి చాలానే అందుబాటులో ఉన్నాయి. దేశంలోని ప్రముఖ స్మార్ట్ ఫోన్ బ్రాండ్ల నుంచి పలు మోడళ్లు అందుబాటులో ఉన్నాయి. వాటిల్లో ది బెస్ట్ ఎంపిక చేసుకోవడం కష్టమైన పనే. మీరు ఒకవేళ రూ. 20,000 లోపు ధరలో బెస్ట్ 5జీ ఫోన్ కొనాలనుకుంటే ఈ కథనం మీ కోసమే. మార్కెట్లో అందుబాటులో ఉన్న టాప్ 5జీ ఫోన్ల జాబితాను మీకు అందిస్తున్నాం. అది కూడా రూ. 20,000లోపు బడ్జెట్లోనే.. ఓ లుక్కేయండి.
రియల్ మీ 10 ప్రో 5జీ.. ఈ ఫోన్ అమెజాన్ సైట్లో రూ. 19,060గా ఉంది. హెచ్ఎస్బీసీ క్రెడిట్ కార్డుపై కొనుగోలు చేస్తే రూ. 250 వరకూ తగ్గింపు లభిస్తుంది. పాత ఫోన్ నుఎక్స్ చేంజ్ చస్తే రూ. 17,800 వరకూ తగ్గవచ్చు. దీని స్పెసిఫికేషన్లు పరిశీలిస్తే.. 6.72-అంగుళాల ఎల్సీడీ ఫుల్ హెచ్ డీ ప్లస్ స్క్రీన్తో వస్తుంది. అడ్రోనో 619 జీపీయూ క్వాల్ కామ్ స్నాప్ డ్రాగన్ 695 ప్రాసెసర్ ఉంటుంది. 8జీబీ ర్యామ్, 128జీబీ స్టోరేజ్ ఉంటుంది. ఆండ్రాయిడ్ 13 ఆధారంగా పనిచేస్తుంది. వెనుకవైపు 108ఎంపీ, ముందు వైపు 16ఎంపీ కెమెరా ఉంటుంది. 5000ఎంఏహెచ్ బ్యాటరీ, 33వాట్ల ఫాస్ట్ చార్జింగ్ సపోర్టు ఉంటుంది.
ఐకూ జెడ్7.. ఈ ఫోన్ ధర రూ. 18,999గా ఉంది. ఐసీఐసీఐ బ్యాంక్ క్రెడిట్ కార్డ్ లావాదేవీపై కస్టమర్లు రూ.1000 తక్షణ తగ్గింపును పొందవచ్చు . 6.38-అంగుళాల ఫుల్ హెచ్ డీ ప్లస్ డిస్ప్లేను కలిగి ఉంది. వెనుకవైపు 64-మెగాపిక్సెల్ ప్రైమరీ సెన్సార్, ముందువైపు 16-మెగాపిక్సెల్ సెన్సార్తో అమర్చబడింది. 8జీబీ ర్యామ్, 128జీబీ మెమరీ ఉంటుంది. 4,500ఎంఏహెచ్ బ్యాటరీ, 44వాట్ల ఫాస్ట్ చార్జింగ్ సపోర్టుతో వస్తుంది.
మోటోరోలా జీ73 5జీ.. దీని ధర రూ. 18,290గా ఉంది. ఇది ఫుల్ హెచ్ డీ ప్లస్ 6.5 అంగుళాల డిస్ ప్లేతో వస్తుంది. వెనుకవైపు, 50-మెగాపిక్సెల్ ప్రైమరీ కెమెరా సెన్సార్తో పాటు 8-మెగాపిక్సెల్ అల్ట్రా-వైడ్ లెన్స్ ఉంటాయి. ముందు వైపు 16-మెగాపిక్సెల్ కెమెరా ఉంటుంది. 5000ఎంఏహెచ్ సామర్థ్యంతో బ్యాటరీ, 30 వాట్ల పవర్ చార్జింగ్ మద్దతు ఉంటుంది.
వన్ ప్లస్ నోర్డ్ సీఈ 3 లైట్ 5జీ.. ఈ స్మార్ట్ఫోన్ ప్రస్తుతం రూ.19,999 ధరతో అందుబాటులో ఉంది. ఇండస్ ఇండ్ క్రెడిట్ కార్డుపై ఈఎంఐ లావాదేవీపై 7.5శాతం తగ్గింపు రూ. 1250 వరకూ పొందవచ్చు. ఈ ఫోన్ 6.72-అంగుళాల ఎల్సీడీ డిస్ప్లేతో వస్తుంది. క్వాల్కామ్ స్నాప్ డ్రాగన్ 695 చిప్ సెట్ వస్తుంది. 8జీబీ ర్యామ్, 256 జీబీ ర్యామ్ ఇంటర్నల్ స్టోరేజ్ వస్తుంది. ఆండ్రాయిడ్ 13 ఆపరేటింగ్ సిస్టమ్ తో వస్తుంది. వెనుకవైపు 108ఎంపీ ప్రైమరీ కెమెరా, ముందు వైపు 16ఎంపీ కెమెరా ఉంటుంది. 67 వాట్ల ఫాస్ట్ చార్జింగ్ సపోర్టుతో కూడిన 5000ఎంఏహెచ్ బ్యాటరీ ఉంటుంది.
పోకో ఎక్స్5 5జీ.. ఈ ఫోన్ అమెజాన్ లో రూ. 18,299కి అందుబాటులో ఉంది. క్వాల్కామ్ స్నాప్ డ్రాగన్ 695 ప్రాసెసర్ తో పనిచేస్తుంది. 6.67 అంగుళాల ఫుల్ హెచ్ డీ ప్లస్ సూపర్ అమోల్డ్ డిస్ ప్లే ఉంటుంది. 8జీబీ ర్యామ్, 256జీబీ ఇంటర్నల్ స్టోరేజ్ ఉంటుంది. వెనుకవైపు 48ఎంపీ కెమెరా, 8ఎంపీ అల్ట్రా వైడ్, 2ఎంపీ మాక్రో సెన్సార్ ఉంటుంది. ముందు వైపు 13ఎంపీ సెల్ఫీ కెమెరా ఉంటుంది. సైడ్-మౌంటెడ్ ఫింగర్ ప్రింట్ సెన్సార్ ఉంది. ఇది 5,000mAh బ్యాటరీని కలిగి ఉంది. 33 వాట్ ఫాస్ట్ ఛార్జింగ్ అడాప్టర్తో జత చేయబడింది.
శామ్సంగ్ గెలాక్సీ ఎం34 5జీ.. ఈ ఫోన్ రూ. 18,999కి లభిస్తుంది. యాక్సిస్ బ్యాంక్ క్రెడిట్ కార్డ్ లావాదేవీపై ఫ్లాట్ రూ. 2000 తక్షణ తగ్గింపును పొందవచ్చు . హ్యాండ్సెట్ 6.6-అంగుళాల సూపర్ అమోల్డ్ డిస్ప్లేతో వస్తుంది. వెనుకవైపు 50-మెగాపిక్సెల్ ప్రైమరీ కెమెరా ఉంటుంది. ఐదేళ్ల వరకు సెక్యూరిటీ అప్డేట్లు, నాలుగు సంవత్సరాల ఆపరేటింగ్ సిస్టమ్ అప్గ్రేడ్లను అందిస్తోంది.