Amazon Great Indian: ఈ పండుగకు కొత్త ఫోన్‌ ప్లాన్‌ చేస్తున్నారా.? 15వేల లోపు స్మార్ట్‌ఫోన్‌లపై ఓ లుక్కేయండి.
Amazon Great Indian: ఈ పండుగకి కొత్త స్మార్ట్‌ ఫోన్‌ కొనుగోలు చేయాలని ప్లాన్‌ చేస్తున్నారా? ఈ బడ్జెట్‌ రూ. 15వేల లోపా.. అయితే ఓసారి ఈ స్మార్ట్‌ ఫోన్‌లపై ఓ లుక్కేయండి..
పండుగ సీజన్‌లో భాగంగా అమెజాన్‌ గ్రేట్‌ ఇండియన్‌ ఫెస్టివల్ 2021 పేరుతో సేల్‌ను తీసుకురానున్న విషయం తెలిసిందే. అక్టోబర్‌ 3 (ఆదివారం) నుంచి ప్రారంభం కానున్న ఈ సేల్‌లో పలు భారీ ఆఫర్లను అందిస్తున్నాయి. మరి ఈ సేల్‌లో రూ. 15లోపు అందుబాటులో ఉన్న కొన్ని స్మార్ట్‌ ఫోన్‌లపై ఓ లుక్కేయండి..
రెడ్‌మి నోట్‌ 10ఎస్‌: 6.43 అంగుళాల అమోలెడ్‌ డిస్‌ప్లేతో రూపొందించిన ఈ ఫోన్‌లో 6జీబీ ర్యామ్‌తో 128 జీబీ స్టోరేజ్‌ను అందించారు. 64 మెగా పిక్సెల్‌ రెయిర్‌ కెమెరా, 13 మెగా పిక్సెల్‌ సెల్ఫీ కెమెరాను అందించిన ఈ ఫోన్‌ ధర రూ. 14,999గా ఉంది.
రియల్‌మి నార్జో 30: 6.5 అంగుళాల ఐపీఎస్‌ ఎల్‌సీడీ ప్యానెల్‌తో రూపొందించిన ఈ స్మార్ట్‌ ఫోన్‌లో 6 జీజీ ర్యామ్‌, 128 జీబీ స్టోరేజ్‌ అందించారు. 48 మెగా పిక్సెల్‌ రెయిర్‌ కెమరా, 16 మెగా పిక్సెల్‌ సెల్ఫీ కెమెరాను అందించిన ఈ ఫోన్‌ రూ. 13,499కి అందుబాటులో ఉంది.
రెడ్‌ మి 10 ప్రైమ్‌: 6.54 అంగుళాల ఐపీఎస్‌ ఎల్‌సీడీ ప్యానెల్‌తో రూపొందించిన ఈ ఫోన్‌లో 6 జీబీ ర్యామ్‌, 128 జీబీ స్టోరేజ్‌ను అందించారు. ఇందులో 50 మెగా పిక్సెల్‌ రెయిర్‌ కెమెరా, 8 మెగాపిక్సెల్‌ సెల్ఫీ కెమెరా ఉంది. ధర విషయానికొస్తే రూ. 12,499కే అందుబాటులో ఉంది.
రెడ్‌మి 9 పవర్: రూ. 11,499కి అందుబాటులో ఉన్న ఈ ఫోన్‌లో 6.54 అంగుళాల ఐపీఎస్‌ ఎల్‌సీడీ ప్యానెల్‌ అందించారు. 48 మెగాపిక్సెల్స్‌ రెయిర్‌ కెమెరా, 8 మెగా పిక్సెల్‌ సెల్ఫీ కెమెరా ఈ ఫోన్‌ సొంతం. ఇందులో 6జీబీ ర్యామ్‌, 128 జీబీ స్టోరేజ్‌ను అందించారు.