Redmi 13C: రూ. 12 వేల స్మార్ట్ ఫోన్‌ రూ. 7 వేలకే.. 50ఎంపీ కెమెరాతో పాటు..
ఈకామర్స్‌ సంస్థలు భారీ డిస్కౌంట్స్‌ను అందిస్తున్నాయి. ఇకప్పుడు కేవలం సేల్స్‌ ఉన్న సమయంలోనే ఆఫర్లను అందిస్తూ వచ్చిన ఈ కామర్స్‌ సంస్థలు ప్రస్తుతం ఎలాంటి సేల్స్‌ లేకపోయినా భారీ డిస్కౌంట్స్‌ను అందిస్తున్నాయి. ఇందులో భాగంగానే తాజాగా అమెజాన్‌లో రెడ్‌మీ13 సీ స్మార్ట్ ఫోన్‌పై భారీ డిస్కౌంట్‌ను అందిస్తోంది. ఇంతకి ఈ ఫోన్‌లో ఎలాంటి ఫీచర్లు ఉన్నాయో ఇప్పుడు తెలుసుకుందాం..
ప్రముఖ ఈకామర్స్‌ సంస్థ అమెజాన్‌ రెడ్‌మీ13 సీ స్మార్ట్‌ఫోన్‌పై భారీ డిస్కౌంట్‌ను అందిస్తోంది. ఈ ఫోన్‌ 4 జీబీ ర్యామ్‌, 128 జీబీ స్టోరేజ్‌ వేరియంట్ అసలు ధర రూ. 11,999కాగా డిస్కౌంట్‌లో భాగంగా ఈ ఫోన్‌ను రూ. 7,699కే సొంతం చేసుకోవచ్చు.
అదే విధంగా ఈ స్మార్ట్ ఫోన్‌ను పలు బ్యాంకులకు చెందిన క్రెడిట్‌ కార్డులతో కొనుగోలు చేస్తే అదనంగా 10 శాతం డిస్కౌంట్ లభిస్తుంది. దీంతో ఈ ఫోన్‌ను రూ. 7వేలలోపే సొంతం చేసుకోవచ్చు. వీటితో పాటు ఈ ఫోన్‌ను ఎక్స్ఛేంజ్‌ చేసుకోవడం ద్వారా గరిష్టంగా రూ. 7,100 వరకు డిస్కౌంట్ పొందొచ్చు.
ఇక రెడ్‌మీ 13సీ స్మార్ట్ ఫోన్‌ల ఫీచర్ల విషయానికొస్తే ఇందులో మీడియాటెక్‌ హీలియో జీ85 ప్రాసెసర్‌ను అందించారు. ఆండ్రాయిడ్‌ 13 ఆపరేటింగ్ సిస్టమ్‌తో పనిచేసే ఈ ఫోన్‌ 4జీ నెట్‌వర్క్‌కి సపోర్ట్ చేస్తుంది.
ఈ ఫోన్‌లో 6.74 ఇంచెస్‌తో కూడిన హెచ్‌డీ+ డిస్‌ప్లేను అందించారు. కార్నింగ్ గొరిల్లా గ్లాస్‌ 3 ప్రొటెక్షన్‌ను అందించారు. 3.5 ఎమ్‌ఎమ్‌ ఆడియో జాక్‌ను అందించారు. 5000 ఎమ్‌ఏహెచ్‌ బ్యాటరీని ఇచ్చారు. ఈ ఫోన్‌ బరువు 196 గ్రాములుగా ఉంది.
కెమెరా విషయానికొస్తే ఈ స్మార్ట్ ఫోన్‌లో ఈ ఫోన్‌లో 50 మెగాపిక్సెల్స్‌తో కూడిన ఏఐ ట్రిపుల్ కెమెరా సెటప్‌ను అందించారు.ఈ ఫోన్‌తో పాటు పవర్‌ అడాప్టర్‌, సిమ్‌ ట్రే ఎజెక్టర్‌, యూఎస్‌బీ కేబుల్‌ను అందిస్తారు.