Tata EV Battery Factory: టాటా కంపెనీ కీలక నిర్ణయం.. అక్కడ ఎలక్ట్రిక్ వాహనాల బ్యాటరీ తయారీ ప్లాంట్‌!
టాటా మోటార్స్‌తో పోటీపడే కంపెనీ భారతదేశంలో లేదు. టాటా నెక్సాన్ EV, టియాగో EV, టిగోర్ EV ఆధారంగా భారతదేశంలో అతిపెద్ద ఎలక్ట్రిక్ కార్లను విక్రయించే కంపెనీ టాటా. ఇప్పుడు మరో అడుగు ముందుకు వేయాలని టాటా ప్లాన్ వేసింది.
టాటా మోటార్స్‌తో పోటీపడే కంపెనీ భారతదేశంలో లేదు. టాటా నెక్సాన్ EV, టియాగో EV, టిగోర్ EV ఆధారంగా భారతదేశంలో అతిపెద్ద ఎలక్ట్రిక్ కార్లను విక్రయించే కంపెనీ టాటా. ఇప్పుడు మరో అడుగు ముందుకు వేయాలని టాటా ప్లాన్ వేసింది.
ఇండియన్ బిజినెస్ గ్రూప్ విదేశాల్లో పెద్ద ఎత్తున దూసుకెళ్లేందుకు సన్నాహాలు చేసింది. యూకేలో ఈవీ బ్యాటరీ తయారీ కర్మాగారాన్ని ప్రారంభిస్తున్నట్లు టాటా ప్రకటించింది.
టాటా మోటార్స్, జాగ్వార్ ల్యాండ్ రోవర్‌లను కలిగి ఉన్న టాటా గ్రూప్ ఒక పెద్ద ప్రకటన చేసింది. యునైటెడ్ కింగ్‌డమ్‌లో ఎలక్ట్రిక్ వాహనాల కోసం బ్యాటరీలను తయారు చేసే ఫ్యాక్టరీని ఏర్పాటు చేయనున్నట్లు గ్రూప్ తెలిపింది. ప్రస్తుతం టాటా గ్రూప్ యూకేలో జాగ్వార్, ల్యాండ్ రోవర్ లగ్జరీ కార్లు, ఎస్‌యూవీలను తయారు చేస్తోంది. ఇప్పుడు కంపెనీ ఎలక్ట్రిక్ సెగ్మెంట్లో కూడా ముందుకు సాగుతున్నట్లు కనిపిస్తోంది.
టాటా గ్రూప్ యూకేలో ఈవీ బ్యాటరీల ఉత్పత్తిని ప్రారంభించనుంది. ప్రారంభంలో ఇది జాగ్వార్, ల్యాండ్ రోవర్ డిమాండ్‌ను తీరుస్తుంది. ఇందుకోసం కంపెనీ 4 బిలియన్ పౌండ్ల (దాదాపు రూ. 42,389 కోట్లు) పెట్టుబడి పెట్టనుంది.
టాటా గిగాఫ్యాక్టరీ అధిక-నాణ్యత, అధిక-పనితీరు, మన్నికైన బ్యాటరీ సెల్‌లను తయారు చేస్తుంది. రాబోయే కర్మాగారం పునరుత్పాదక శక్తిపై ఆధారపడేలా చేస్తుంది. ఇందుకోసం 100% క్లీన్ పవర్‌తో పనిచేసేందుకు కృషి చేస్తామని చెబుతోంది కంపెనీ