Summer Beauty Care: బ్యూటీ కేర్లో కొబ్బరి నీళ్లే ‘ది బెస్ట్’, ఈ చర్మ సమస్యలన్నింటికీ చెక్ పెట్టొచ్చు..!
Summer Beauty Care: వేసవి కాలం వచ్చిందంటే చాలు చాలా మంది చర్మ సమస్యలతో సతమతం అవుతుంటారు. విపరీతమైన చెమట కారణంగా చర్మంపై ర్యాషెస్, దద్దుర్లు, మొటిమలు, చెమటకాయలు వంటి సమస్యలు వస్తుంటాయి. ఇలాంటి సమస్యలకు కొబ్బరి నీళ్లతో చెక్ పెట్టొచ్చంటున్నారు బ్యూటీషియన్స్. కొబ్బరి నీళ్లతో ఏ సమస్యలకు చెక్ పెట్టొచ్చో ఇప్పుడు తెలుసుకుందాం..
మొటిమలు: కొబ్బరి నీళ్లను తాగడం వల్ల చర్మం ఆరోగ్యంగా ఉంటుంది. అలాగే కొబ్బరి నీళ్లను మొఖంపై అప్లై చేయడం వలన మొటిమల సమస్య తొలగిపోతుంది. కొబ్బరి నీళ్లలో కాటన్ ముంచి.. ఆ కాటన్ను మొటిమలపై కాసేపు ఉంచాలి. ఆ తరువాత మంచి నీటితో ముఖాన్ని కడుక్కోవాలి.
పొడి చర్మం: వేసవిలో చాలా మంది పొడి చర్మం సమస్యతో బాధపడుతుంటారు. దీని కారణంగా ముఖం కూడా నిర్జీవంగా కనిపిస్తుంది. ఇలాంటి పరిస్థితిలో కొబ్బరి నీటిలో ఉండే యాంటీఆక్సిడెంట్లు, నాచురల్ షుగర్తో ఈ సమస్యకు చెక్ పెట్టొచ్చు. కొబ్బరి నీటిని ముఖానికి అప్లై చేసి కాసేపు అలాగే ఉంచాలి. ఆ తరువాత మంచినీటితో క్లీన్ చేసుకోవాలి.
టోనర్: సమ్మర్ స్కిన్ కేర్ కోసం టోనర్ కూడా తయారు చేసుకోవచ్చు. ఇందుకోసం కొబ్బరి నీళ్లను స్ప్రే బాటిల్లో తీసుకుని అందులో రోజ్ వాటర్ కలపాలి. ప్రతిరోజూ రాత్రి పడుకునే ముందు ఈ టోనర్ని ముఖంపై స్ప్రే చేయండి.
టానింగ్ దూరంగా: వేసవిలో చర్మశుద్ధి సమస్య ఉండటం సర్వసాధారణం. టానింగ్ లేదా సన్బర్న్ను తొలగించడానికి కొబ్బరి నీళ్లతో చేసిన ఫేస్ ప్యాక్ను ముఖానికి అప్లై చేయాలి. ఇందుకోసం ముల్తానీ మిట్టిని తీసుకుని కొబ్బరి నీళ్లను అవసరాన్ని బట్టి కలపాలి. ఫేస్కు అప్లై చేసి కాసేపు అలాగే ఉంచాలి. ఆ తరువాత సాధారణ నీటితో తొలగించండి.
కంటికింద నల్లటి వలయాలు: కంటి కింద చర్మంపై నల్లటి వలయాలను తొలగించడానికి కూడా కొబ్బరి నీళ్లు అద్భుతంగా పని చేస్తాయి. ఇందుకోసం ఒక గిన్నెలో కొబ్బరి నీళ్లు తీసుకుని అందులో కాస్త పసుపు కలపాలి. కావాలంటే గంధపు పొడిని కూడా ఇందులో వేసుకోవచ్చు. ఆ పేస్ట్ను ముఖానికి అప్లై చేసుకుని.. 10 నిమిషాలు అలాగే ఉంచాలి. ఆ తరువాత చల్లటి నీటితో కడగాలి.