CWG 2022 Weightlifting: బర్మింగ్‌హామ్‌ బరిలో భారత తొలి ‘ఒలింపిక్ ఛాంపియన్’.. కామన్వెల్త్‌లో బంగారంపైనే ఫోకస్.. ఎవరంటే?
గత ఏడాదిన్నర కాలంగా జెరెమీ గాయాలు, కరోనాతో ఇబ్బంది పడ్డాడు. అంతకుముందు ఆసియా ఛాంపియన్‌షిప్‌లో ఎనిమిదో స్థానంలో నిలిచాడు. ఆ తర్వాత అతనికి మోకాలి సమస్య ఉన్నట్లు తేలింది.
బర్మింగ్‌హామ్‌లో కామన్వెల్త్ గేమ్స్ 2022 కోసం సన్నాహాలు పూర్తయ్యాయి. ప్రపంచంలోని 50కి పైగా దేశాలు ఇందులో పాల్గొనబోతున్నాయి. ఒలింపిక్ ఛాంపియన్ నీరజ్ చోప్రా, టోక్యో ఒలింపిక్స్‌లో అనేక మంది విజయవంతమైన అథ్లెట్లతో సహా భారతదేశం నుంచి 200 మందికి పైగా అథ్లెట్లు కూడా ఇందులో భాగమయ్యారు. ఇందులో భారత తొలి 'ఒలింపిక్ ఛాంపియన్'గా గుర్తింపు పొందిన అథ్లెట్ కూడా ఉన్నాడు. ఈ ఆటగాడు వెయిట్ లిఫ్టర్ జెరెమీ లాల్రిన్నుంగా.
అదే విధంగా 2008లో స్వర్ణం సాధించిన అభివన్ బింద్రా మొదటి ఒలింపిక్ ఛాంపియన్. నిజమే, కానీ ఈ విజయం జెరెమీ పేరుతో కూడా నమోదైంది. జెరెమీ ఈ అద్భుతమైన పనిని 2018లో చేశాడు. అది కూడా కేవలం 15 ఏళ్ల వయసులోనే. యూత్ ఒలింపిక్స్‌లో జెరెమీ ఈ విజయాన్ని సాధించి భారతదేశపు తొలి యూత్ ఒలింపిక్ ఛాంపియన్‌గా నిలిచాడు.
మిజోరం వెయిట్‌లిఫ్టర్ జెరెమీ.. 19, 2018 యూత్ ఒలింపిక్స్ తర్వాత మొదటిసారిగా ఒక ప్రధాన క్రీడా ఈవెంట్‌లో భాగం కాబోతున్నాడు. దాని కోసం పూర్తిగా సిద్ధమయ్యాడు. జెరెమీ వార్తా సంస్థ PTI తో మాట్లాడుతూ, "ఇది నా మొదటి కామన్వెల్త్ క్రీడలు, నేను గొప్పగా భావిస్తున్నాను. యూత్ ఒలింపిక్స్ తర్వాత నేను ఒలింపిక్స్‌లో పాల్గొనడంలో విఫలమయ్యాను (Tokyo 2022). కాబట్టి ఇది నాకు అతిపెద్ద పోటీ" అంటూ పేర్కొన్నాడు.
జెరెమీ 67 కేజీల విభాగంలో తన సత్తా చాటేందుకు సిద్ధమయ్యాడు. "నేను ఎత్తే బరువు సరిపోదు. కాబట్టి నేను మరింత కష్టపడవలసి ఉంటుందని అర్థం చేసుకున్నాను. జూనియర్ నుంచి సీనియర్ స్థాయి వరకు ఒలింపిక్స్ ఎంత కఠినంగా ఉందో కూడా నాకు అర్థమైంది" అని తెలిపాడు.
గత ఏడాదిన్నర కాలంగా జెరెమీ గాయాలు, కరోనాతో ఇబ్బంది పడ్డాడు. అంతకుముందు ఆసియా ఛాంపియన్‌షిప్‌లో ఎనిమిదో స్థానంలో నిలిచాడు. ఆ తర్వాత అతనికి మోకాలి సమస్య ఉన్నట్లు తేలింది.
జెరెమీ మాట్లాడుతూ, "ఇందుకోసం శస్త్రచికిత్స చేయవలసి ఉంది. నా వెన్నెముక పైభాగంలో సమస్య ఉంది. కానీ, ఇప్పటికీ నేను ప్రపంచ ఛాంపియన్‌షిప్‌లలో పాల్గొన్నాను. దీని తర్వాత, డిసెంబర్ 31న నాకు కోవిడ్-19 సోకింది. కోలుకోవడానికి నాకు సమయం పట్టింది' అని తెలిపాడు.