Vastu Tips For Home: ఇంట్లో ఈ ఐదు వస్తువులు ఎప్పుడూ ఖాళీగా ఉండకూడదు.. ఒకవేళ ఉంటే ఆర్ధిక ఇబ్బందులు తప్పవట
ఇంటికి సంబంధించిన వాస్తు శాస్త్రంలో పేర్కొన్న విషయాలను పాటించినా కొన్ని సార్లు ఆర్ధిక ఇబ్బందులను ఎదుర్కొంటారు. ఇలాంటి సమయంలో ఇంట్లోని వస్తువుల విషయం లో తగిన జాగ్రత్తలు తీసుకుంటే ఇల్లు సంతోషకరమైన ప్రదేశంగా మారుతుందని వాస్తు శాస్త్రం చెబుతోంది. మీకు సానుకూలత, ఆర్థిక శ్రేయస్సు కావాలంటే.. కొన్ని వస్తువులను ఇంట్లోకి తీసుకురావాలని.. అదే సమయంలో కొన్ని వస్తువులకు దూరంగా ఉండాలని వాస్తు శాస్త్రం చెబుతోంది. కొన్ని విషయాలు మనకు నచ్చినవి కావచ్చు.. అయితే వాస్తుపరంగా ఇంటికి హాని కలిగిస్తాయి. అదేవిధంగా ఇంట్లో సంతోషకరమైన వాతావరణం కోసం వాస్తు సూచించే మరొక విషయం ఏమిటంటే.. కొన్ని వస్తువులను ఎప్పుడూ ఖాళీగా ఉంచకూడదు. కొన్ని రకాల వస్తువులను ఖాళీగా ఉంచడం వల్ల ఇంటికి, ఆ ఇంట్లోని కుటుంబ సభ్యులకు హాని కలుగుతుందని వాస్తు నిపుణులు పేర్కొంటున్నారు. ఈ రోజు ఇంట్లోని ఎప్పుడూ ఖాళీ ఉంచకూడని వస్తువుల గురించి ఈ రోజు తెల్సుకుందాం..
పర్స్: పర్సులు ఆర్థిక శ్రేయస్సుతో సంబంధం కలిగి ఉన్నాయని ప్రత్యేకంగా చెప్పనవసరం లేదు. వాస్తు శాస్త్రం ప్రకారం ఖాళీ పర్సు ఆర్థిక స్తబ్దతను సూచిస్తుంది. సంపద, ఆర్థిక వృద్ధిని ప్రేరేపించడానికి మీ వాలెట్లో ఎల్లప్పుడూ కొంత డబ్బును ఉంచుకోవడం అలవాటు చేసుకోండి. ఈ పద్ధతి ఆర్థిక అభివృద్ధిని సూచిస్తుంది. జీవితానికి స్థిరత్వాన్ని ఇస్తుంది.
బకెట్లు: బకెట్లు కేవలం ఉపయోగకరమైన వస్తువు మాత్రమే కాదు.. ఇంటికి శ్రేయస్సు తీసుకురావడంలో ఎక్కువ ప్రాముఖ్యతను కలిగి ఉంటాయి. వాస్తు ప్రకారం ఖాళీ బకెట్ స్తబ్దత, పురోగతి లేకపోవడాన్ని సూచిస్తుంది. సానుకూల శక్తిని ఉపయోగించుకోవడానికి, సమృద్ధి నిరంతర ప్రవాహంలా సాగడానికి ఇంటిలో ఖాళీ బకెట్లు ఉండకుండా చూడాలని.. వాటిని నీరు లేదా తృణధాన్యాలతో నింపండి.
మొక్కల కుండీలు: ఇంట్లోఇండోర్ ప్లాంట్స్ గా మొక్కల కుండీలను ఉపయోగిస్తారు. అంతేకాదు అలంకార కోసం అంటూ గిన్నెలో రకరకాల పువ్వులతో అలంకరించడం దాదాపు ప్రతి ఇంటిలో సాధారణ దృశ్యం. వాస్తులో ఖాళీ పాత్ర భావోద్వేగ కనెక్షన్లో నెరవేరని సంబంధాన్ని, శూన్యాలను సూచిస్తుంది. ఏదైనా సందర్భంలో మీ ఇంట్లో కుండీలు ఖాళీగా ఉంటే మీ కుటుంబంలో సానుకూలత, ప్రేమ, బలమైన సంబంధాలను కొనసాగించడానికి వీలైనంత త్వరగా ఆ ఖాళీ కుండీల్లో మొక్కలను నాటండి.
పూజగదిలో పంచ పాత్ర: ప్రతి ఇంట్లో పూజ గదిలేదా పూజ స్థలం ఉంటుంది. పూజకు సంబంధించిన వస్తువులన్నీ ఆ పూజ స్థలంలో ఉంచుతారు. అయితే వాస్తు శాస్త్రం ప్రకారం.. పూజ గదిలోని పంచ పాత్రను ఎప్పుడూ ఖాళీగా ఉంచవద్దు. దేవుడికి పూజ చేసే సమయంలో పంచ పాత్రలో శుభ్రమైన నీరు పోసి అందులో తులసి ఆకులు, పువ్వుని వేసి ఉంచాలి. ఇలా ఎప్పుడూ పంచపాత్రను నిండుగా ఉంచాలి.. నీరు లేకుండా ఖాళీగా ఉంచరాదు. ఇలా ఖాళీ పాత్ర ఉంచడం వలన ఆ ఇంటిలోని సభ్యుల జీవితంపై ప్రతికూల ప్రభావాన్ని చూపిస్తుంది. అంతేకాదు ఆర్ధిక కష్టాలు, నష్టాలు ఎదుర్కోవాలి.
బియ్యం ఉంచే పాత్ర: ప్రతి ఇంట్లో బియ్యం నిల్వ చేసుకోవడానికి ఒక పాత్రను ఉంచుకుంటారు. అయితే వాస్తు వాస్తు శాస్త్రం ప్రకారం ఈ పాత్రను ఎప్పుడూ ఖాళీ చేయరాదు. కనీసం కొంత మొత్తంలోనైనా బియ్యం గింజలు ఉంచాలని పెద్దలు మాత్రమే కాదు వాస్తు శాస్త్రం కూడా పేర్కొంది. ధాన్యం లేదా బియ్యం నిల్వ చేసుకునే పాత్రలు జీవితానికి శక్తిని శ్రేయస్సుని తెస్తుందని విశ్వాసం. అందుకనే అవి ఎప్పుడూ ఖాళీగా ఉంచరాదు. రోజూ అన్నపూర్ణ దేవిని తినే ముందు తప్పనిసరిగా ధ్యానించాలని చెబుతారు.