Tulasi Astro Tips: తులసి మొక్క ఇలా కనిపిస్తే.. భవిష్యత్తులో రానున్న సమస్యలను ముందే హెచ్చరిస్తుందా
హిందూ మతంలో తులసి మొక్క కేవలం ఒక మొక్క మాత్రమే కాదు.. లక్ష్మీదేవి రూపంగా పరిగణించబడుతుంది. విష్ణు ప్రియ తులసి మొక్క ఆధ్యాత్మికంగా అత్యంత ప్రాముఖ్యత ఉంది. ఔషధగుణాలున్నాయి. అయితే తులసి మొక్కను ఇంట్లో పెంచుకునే విషయంలో వాస్తు శాస్త్రంలో, జ్యోతిషశాస్త్రంలో కూడా కొన్ని నియమాలున్నాయి. ఇంట్లో పెంచుకునే తులసి భవిష్యతలో రానున్న ఇబ్బందుల గురించి సంకేతాన్ని ఇస్తుందని చెబుతారు. తులసి రాబోయే ఇబ్బందుల గురించి ముందుగానే హెచ్చరిస్తుందని నమ్ముతారు.
ఇంటి ప్రాంగణంలోని తులసి మొక్క అకస్మాత్తుగా ఎండిపోవడం ప్రారంభించినా లేదా దాని ఆకులు వేగంగా రాలిపోవడం ప్రారంభించినా అది ఇంటిలో ఆర్థిక సమస్యలు రానున్నాయనడానికి లేదా కుటుంబ సభ్యుడి ఆరోగ్యం క్షీణిస్తోందనడానికి సంకేతంగా పరిగణించబడుతుంది. జ్యోతిష్యం ప్రకారం ఇది ఇంట్లోకి ప్రతికూల శక్తి ప్రవేశిస్తోందనడానికి సూచిక కావచ్చు.
తులసి ఆకులు నల్లగా మారితే లేదా వాడిపోయినట్లు కనిపిస్తే.. అది ఇంట్లోని ప్రతికూల శక్తుల ప్రభావానికి సంకేతం కావచ్చు లేదా ఇంట్లో ఎవరిపైనైనా చెడు దృష్టి ఉండవచ్చు. అలా జరిగితే ఇంటి యజమాని పెద్ద సంక్షోభాన్ని ఎదుర్కోవలసి ఉంటుందని కూడా నమ్ముతారు.
తులసి కుండీ చుట్టూ లేదా మొక్క మీద చీమలు అకస్మాత్తుగా కనిపించడం ప్రారంభిస్తే.. అది ఇంట్లో దొంగతనం లేదా డబ్బు నష్టానికి సంకేతం కావచ్చు. ఒక రహస్య శత్రువు మీకు హాని కలిగించడానికి ప్రయత్నిస్తున్నాడని కూడా నమ్ముతారు.
తులసి మొక్క పెరగడం ఆగిపోతే లేదా కొత్త ఆకులు రాకపోతే.. అది ఇంటి పురోగతిలో అడ్డంకిగా పరిగణించబడుతుంది. ఇది వ్యాపారంలో నష్టానికి లేదా పిల్లలకు సంబంధించిన చింతలకు కూడా కారణం కావచ్చు.
తులసి ఆకుపచ్చ రంగు మసకబారడం ప్రారంభిస్తే లేదా పసుపు రంగులోకి మారడం ప్రారంభిస్తే.. అది కుటుంబంలో కలహాలు లేదా సైద్ధాంతిక విభేదాలకు సంకేతంగా పరిగణించబడుతుంది. ఇది కుటుంబ శాంతికి విఘాతం కలిగిస్తుందని సూచిస్తుంది.
వాస్తు శాస్త్రం ప్రకారం తులసి మొక్కని సరైన దిశలో అంటే ఇంటికి ఉత్తరం, తూర్పు లేదా ఈశాన్య దిశల్లో నాటడం శుభప్రదం. తులసి మొక్కని తప్పు దిశలో నాటితే , నిరంతరం సమస్యలు కలిగిస్తుంది. అంతేకాదు అది కుటుంబ సభ్యులకు నిరంతరం ఇబ్బందులు, సమస్యలను కలిగిస్తుంది.