Lord Shiva: శ్రావణ మాసంలో ఈ పువ్వులతో పూజ చేయండి ఆరోగ్యం, ఐశ్వర్యం మీ సొంతం..
కార్తీక మాసం వలెనే శివుడికి ఇష్టమైన మాసం శ్రావణ మాసం. ఈ నెలలో శివయ్యను ప్రసన్నం చేసుకోవడానికి భక్తులు అత్యంత భక్తిశ్రద్దలతో పూజలు చేస్తారు. అయితే శివయ్య అనుగ్రహం కోసం భక్తులు చేసే పూజల్లో కొన్ని పువ్వులు అత్యంత శ్రేష్టం అని అంటారు.
భోళాశంకరుడి దయ కోసం కొన్ని పువ్వులు ఉన్నాయి. వాటిని మహేశ్వరుడికి సమర్పించడం వల్ల చాలా త్వరగా అనుగ్రహం లభిస్తుంది.
సంతోషకరమైన వైవాహిక జీవితం కోసం: బిల్వ పత్రం, మారేడు కాయలు మహాదేవుడికి చాలా ఇష్టం. శ్రావణ మాసంలో శివలింగాన్ని పూజించడం వల్ల వైవాహిక జీవితంలో ఎలాంటి సమస్యలు ఉన్నా త్వరగా తీరుతాయి
మానసిక శాంతి కోసం: సోమవారం లేదా శనివారం శివలింగానికి పూలు, జమ్మి ఆకులను సమర్పించడం వలన చంచలమైన మనస్సుకు స్థిరత్వం లభిస్తుంది. ఇలా చేయడం వల్ల మోక్షం లభిస్తుందని విశ్వాసం.
ఆరోగ్యం కోసం: శ్రావణ మాసంలో అంజూర చెట్లను ఇంటి బయట నాటితే శుభప్రదంగా భావిస్తారు. శ్రావణ మాసంలో శివుని పూజించడం, రుద్రస్వరూపాలను పూజిస్తూ పారాయణం చేయడం వల్ల సర్వరోగాలు నశిస్తాయి. ఆరోగ్యం చేకూరుతుందని విశ్వాసం.
ఆర్థిక ప్రయోజనాల కోసం: లక్ష్మీదేవి, శ్రీ హరివిష్ణువుతో పాటు శివుని ఆశీర్వాదం కోసం శ్రావణ మాసంలో శివలింగానికి అవిసె పువ్వులను సమర్పించండి. రోగాలను దూరం చేయడంతో పాటు ఆర్థికాభివృద్ధి కలుగుతుంది.
సమస్యల నుంచి బయటపడేందుకు: రుద్రావతారమైన సంకట మోచన హనుమంతుడిని మల్లెపూల నూనె, మల్లెపువ్వులతో పూజించండి. ఈ పువ్వులంటే హనుమంతుడికి చాలా ఇష్టం. అలాగే ఈ పువ్వులతో పూజ చేయడం వలన సమస్యల నుంచి బయటపడతారని విశ్వాసం.
సంతానం కోసం: ఉమ్మెత్త పువ్వు శివునికి చాలా ప్రీతికరమైనది. ఈ పుష్పంతో శివలింగానికి పూజ చేస్తే శివుని అనుగ్రహం లభిస్తుంది, సంతానం కలుగుతుంది.