Puja Mandir Vastu Tips: ఈ సంఖ్యలో విగ్రహాలు ఉంచితే ఇంట్లో శుభలక్ష్మి వసిస్తుంది..!
Puja Mandir Vastu: హిందూ సాంప్రదాయంలో ఆలయాలలో పూజకు ఉన్న ప్రాధాన్యమే ఇంటిలోని పూజాకు ఇంది. అందుకే అన్ని ఇళ్లల్లో చిన్నదో, పెద్దదో పూజా గది మాత్రం ఉంటుంది. కొందరు తమకు అనుకూలంగా పూజా గదిని ఏర్పాటు చేసుకుంటారు. అయితే, పూజా గదిలో ఎన్ని విగ్రహాలు ఉండాలో చాలా మందికి తెలియదు. పూజా మందిరంలో ఎన్ని విగ్రహాలు ఉంటే శుభప్రదమో ఇప్పుడు తెలుసుకుందాం.
Home Temple Idols: హిందూ సంప్రదాయంలో రోజువారీ పూజకు ఎంతో ప్రాముఖ్యత ఉంది. భక్తులు దేవాలయాలకు వెళ్లి దర్శనం చేసుకోవడమే కాకుండా.. తమ ఇంట్లోని పూజా గదిలో కూడా భక్తిశ్రద్ధలతో ఆరాధన చేస్తారు. ఇంటి గుడిని సానుకూల శక్తి, మానసిక ప్రశాంతతకు కేంద్రంగా భావిస్తారు. అందువల్ల, ఆ ప్రదేశాన్ని ఎల్లప్పుడూ శుభ్రంగా, క్రమబద్ధంగా ఉంచడం అవసరం. విరిగిన లేదా పనికిరాని వస్తువులను పూజా స్థలంలో ఉంచకూడదు.
పూజా గదికి సంబంధించిన కొన్ని ముఖ్యమైన నియమాలు ఉన్నాయి. వాటిలో ఒకటి.. ఇంటి గుడిలో ఎన్ని విగ్రహాలు ఉంచాలి అన్నది. వాస్తు శాస్త్రం, సంప్రదాయాల ప్రకారం.. గుడిలో విగ్రహాలను అధికంగా ఉంచడం మంచిది కాదు. పరిమిత సంఖ్యలో విగ్రహాలు ఉంటే.. మనస్సు ఏకాగ్రతగా ఉండి, పూజను శ్రద్ధగా చేయగలుగుతారు. సాధారణంగా 2 నుంచి 5 విగ్రహాలు ఉంచడం అనుకూలంగా భావిస్తారు. ఇది శుభ్రతను కాపాడటానికి కూడా సులభంగా ఉంటుంది.
విగ్రహాల ఎంపికలో కూడా జాగ్రత్త అవసరం. ఇంటి గుడిలో శాంత స్వభావం కలిగిన దేవతల విగ్రహాలను ఉంచడం శ్రేయస్కరం. ఉగ్రరూపాలను చూపించే విగ్రహాలను సాధారణంగా నివారించడం మంచిది. ముఖ్యంగా కాళీదేవి, కాలభైరవుడు, శని, రాహు-కేతువుల ఉగ్ర రూపాలు లేదా నటరాజ స్వామి యొక్క తాండవ రూపాన్ని ఇంటి గుడి(పూజా మందిరం)లో ఉంచకూడదని విశ్వాసం ఉంది. ఇవి తీవ్రమైన శక్తికి ప్రతీకలు కాబట్టి గృహ వాతావరణానికి అనుకూలంగా ఉండవని భావిస్తారు.
వీటికి బదులుగా, దేవతల సౌమ్య, శాంతియుత రూపాలను ప్రతిబింబించే విగ్రహాలను మాత్రమే ఉంచాలి. ఇవి ఇంట్లో ప్రశాంతత, సానుకూల వాతావరణాన్ని పెంచుతాయి.
ఇంకా కొన్ని ముఖ్యమైన సూచనలు: పూజా గది ఇంటి ఈశాన్య మూలలో ఉండటం అత్యంత శుభప్రదం. విగ్రహాల మధ్య కనీసం 1–2 అంగుళాల దూరం ఉండాలి. గుడి పడకగది లేదా మరుగుదొడ్డి దగ్గర ఉండకూడదు. మెట్ల కింద పూజా స్థలం ఏర్పాటు చేయడం నివారించాలి. ఈ నియమాలను పాటించడం ద్వారా గృహంలో ఆధ్యాత్మికత, శాంతి, సానుకూల శక్తి పెరుగుతాయి. (Disclaimer: ఈ వార్తలోని సమాచారం జ్యోతిష్య శాస్త్రం, మత సంబంధమైన అంశాలపై ఆధారపడి ఉంది. టీవీ9 తెలుగు ధృవీకరించదు.)