Tea Tree Oil: ఒక్క టీ ట్రీ ఆయిల్‌ని ఇన్ని రకాలుగా ఉపయోగించవచ్చా..
టీ ట్రీ ఆయిల్ గురించి పెద్దగా పరిచయం అవసరం లేదు. ఈ మధ్య కాలంలో ఆయిల్‌ని ఎక్కువగా ఉపయోగిస్తున్నారు. కిచెన్‌ హ్యాక్‌గా చక్కగా ఉపయోగ పడుతుంది. కానీ ఈ ఆయిల్‌తో అనేక అనారోగ్య సమస్యలను కంట్రోల్ చేసుకోవచ్చు. మరి ఈ ఆయిల్‌ని ఎలా యూజ్ చేయాలో తెలుసుకోండి..
ఈ మధ్య కాలంలో ఎక్కువగా వింటున్న పేర్లలో టీ ట్రీ ఆయిల్ కూడా ఒకటి. ఎసెన్సియల్ ఆయిల్స్‌లో ఇది కూడా ఒకటి. టీ ట్రీ ఆయిల్‌ని ఇంటి చిట్కాలకు ఎక్కువగా ఉపయోగిస్తారు. దీంతో అనేక ఆరోగ్య ప్రయోజనాలు ఉన్నాయి. అయితే ఈ ఆయిల్‌ని ఇలా కూడా ఉపయోగించుకోవచ్చన్న విషయం చాలా మందికి తెలీదు.
టీ ట్రీ ఆయిల్‌ని నేచరల్ హ్యాండ్ శానిటైజర్‌లా కూడా ఉపయోగించుకోవచ్చు. దీని నుంచి మంచి సువాసన కూడా వస్తుంది. అంతే కాకుండా ఇందులో అనేక యాంటీ బ్యాక్టీరియల్ గునాలు ఉన్నాయి. న్యుమోనియా, హెచ్.ఇన్‌ఫ్లూయెంజా, ఇతర వైరస్‌లను కూడా నాశనం చేయగలదు.
ఈ ఆయిల్‌ని స్ప్రే బాటిల్‌లో వేసి ఇంట్లోని మూలల్లో స్ప్రే చేస్తే దోమలు, ఈగలు, పురుగులు వంటివి ఇంట్లోకి రావు. అలాగే కాలిన గాయాలు, పుండ్లు వంటి వాటిని తగ్గించడంలో కూడా ఈ ఆయిల్ చక్కగా పని చేస్తుంది.
పింపుల్స్‌తో బాధ పడేవారు టీ ట్రీ ఆయిల్‌ని ఉపయోగించుకోవచ్చు. పింపుల్స్‌పై కాటన్ సహాయంతో టీ ట్రీ ఆయిల్ అద్దాలి. ఇలా చేస్తూ ఉంటే ఈ సమస్య త్వరగా కంట్రోల్ అవుతుంది. ఈ ఆయిల్‌ని మౌత్ వాష్‌గా కూడా ఉపయోగించవచ్చు.
నోట్లోని క్రిములు, బ్యాక్టీరియాను దూరం చేయడంలో ఈ ఆయిల్ చక్కగా పని చేస్తుంది. అంతే కాకుండా దంతాలు, చిగుళ్ల సమస్యలు రాకుండా అడ్డుకుంటుంది. తలకు రాసుకోవడం వల్ల చుండ్రు సమస్య కూడా తగ్గుతుంది. (NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)