కుండీలో పచ్చిమిర్చి మొక్కలు తళతళలాడాలా? ఈ చిట్కాలు పాటిస్తే మొక్క పచ్చి మిరపకాయలతో నిండిపోతుంది!
డెబ్భై శాతం మంది భారతీయుల వంటింట్లో పచ్చిమిర్చి లేనిదే వంట పూర్తి కాదు. బయట మార్కెట్లో దొరికే మిర్చిలో రసాయనాలు ఎక్కువగా ఉండవచ్చు, అందుకే మీ ఇంట్లోనే కుండీలలో లేదా బాల్కనీలో పచ్చిమిర్చిని సులభంగా ఎలా పండించుకోవచ్చు. పచ్చిమిర్చిని ఇంట్లోనే పెంచుకోవడం చాలా సులభం. ఇది ఆరోగ్యకరం కూడా. మీ సొంత తోటలో పండించిన పచ్చిమిర్చిని కోసి కూరలో వేస్తే ఆ రుచే వేరు. మీరు కూడా మీ బాల్కనీలో పచ్చిమిర్చి పెంచాలనుకుంటున్నారా? అయితే ఈ స్టెప్-బై-స్టెప్ గైడ్ మీ కోసమే.
భారతీయ వంటకాల్లో పచ్చిమిరపకాయలను రోజూ ఉపయోగిస్తారు. కారం ఎక్కువగా ఉండే పచ్చిమిరపకాయలను వంట చేయడానికి వాడతారు. పచ్చిమిరపకాయలు వంటకాల రుచిని కూడా పెంచుతాయి. పచ్చిమిరపకాయలు తినడం వల్ల అనేక ప్రయోజనాలు కూడా ఉన్నాయి. మనం మార్కెట్ నుండి తెచ్చిన పచ్చిమిరపకాయలు ఒకటి రెండు రోజుల్లోనే అయిపోతుంటాయి. దీంతో సరైన సమయంలో మిరపకాయలు తెచ్చుకోవడానికి మార్కెట్కు వెళ్లాల్సి వస్తుంది. అటువంటి పరిస్థితిలో ఇంట్లో మిరప మొక్క ఉండటం చాలా ఉపయోగకరంగా ఉంటుంది. కానీ, ఇంటి బాల్కనీలో లేదా కిటికీలో చిన్న కుండీలో నాటిన మిరప మొక్కకు కాయలు కాయడం లేదని చాలా మంది ఫిర్యాదు చేస్తుంటారు. మనం కష్టపడి పెంచుతాము, నీరు పోస్తాము, మొక్క పెరుగుతూనే ఉంటుంది. కానీ కాయలు కాయదు. తరచుగా, మిరప మొక్కలకు చాలా పువ్వులు పూస్తాయి. కానీ, ఈ పువ్వులను సరైన సమయంలో తొలగిస్తే, మొక్కకు చాలా మిరపకాయలు కాస్తాయి. మిరప మొక్కకు ఎక్కువ కాయలు కాసేలా చేయడానికి సరిగ్గా ఏమి చేయాలో చూద్దాం.
మీ దగ్గర ఉన్న నాణ్యమైన ఎండుమిర్చిని విడదీసి లోపల ఉండే గింజలను తీసుకోండి. విత్తనాలు లావుగా, తెల్లగా ఉంటే మొలకలు బాగా వస్తాయి. ఒక చిన్న గ్లాసులో లేదా ట్రేలో మట్టిని నింపి, విత్తనాలను అర అంగుళం లోతులో నాటండి. వారం రోజుల్లోనే చిన్న ఆకులు కనిపిస్తాయి. మొక్క కొంచెం పెద్దయ్యాక (4-5 ఆకులు వచ్చాక), దానిని పెద్ద కుండీలోకి మార్చాలి. 50శాతం తోట మట్టి, 30శాతం వర్మీ కంపోస్ట్ లేదా పశువుల ఎరువు, 20శాతం ఇసుక లేదా కోకోపిట్ కలిపితే వేర్లు బాగా విస్తరిస్తాయి.
ఎక్కువ కాయలు కాయాలంటే ఏం చేయాలి? (Best Fertilizers): చాలామందికి మొక్క పెరుగుతుంది కానీ కాయలు కాయవు. దానికి 3G కటింగ్ తప్పనిసరి. అంటే, మొక్క ప్రధాన కొమ్మను పైన కొద్దిగా కట్ చేస్తే (Pinching), పక్క నుంచి ఎక్కువ కొమ్మలు వస్తాయి. ఎన్ని కొమ్మలు ఉంటే అన్ని పూలు పూస్తాయి.
ఆకులు ముడత పడకుండా ఉండటానికి, పుల్లటి మజ్జిగను నీళ్లలో కలిపి మొక్కపై స్ప్రే చేయండి. ఇది మంచి కీటక నాశినిగా పనిచేస్తుంది. రైన పోషణ కోసం బియ్యం కడిగిన నీరు లేదా పశువుల ఎరువును వాడటం వల్ల మొక్క ఏపుగా పెరిగి ఎక్కువ కాయలు కాస్తుంది. ఆకులు ముడుచుకుపోకుండా ఉండటానికి వేప నూనె (Neem Oil) స్ప్రే చేయడం మంచిది.
పోషకాలు: 15 రోజులకు ఒకసారి ఎండిన ఉల్లిపాయ పొట్టు లేదా అరటిపండు తొక్కల ఎరువును ఇస్తే పొటాషియం అందుతుంది. మరీ ముఖ్యంగా తొట్టిలోని మట్టి పైన తడి ఆరిపోయినప్పుడు మాత్రమే నీరు పోయండి. అతిగా నీరు పోస్తే పూత రాలిపోతుంది. మిర్చి మొక్క ఉష్ణమండల మొక్క, కాబట్టి దీనికి ఎండ చాలా ముఖ్యం. రోజుకు కనీసం 5-6 గంటల ఎండ తగిలే చోట ఉంచాలి. ఈ పద్ధతులు పాటిస్తే మీ ఇంట్లోనే ఏడాది పొడవునా తాజా పచ్చిమిర్చిని పొందవచ్చు.