పురుషులూ బీ అలెర్ట్.! మీలో ఈ లక్షణాలు కనిపిస్తున్నాయా..? డేంజర్లో ఉన్నట్లే
టెస్టోస్టెరాన్ అనేది లైంగిక హార్మోన్.. ఇది పురుషుల శారీరక, మానసిక ఆరోగ్యంలో ముఖ్యమైన పాత్ర పోషిస్తుంది. వయసు పెరిగే కొద్దీ టెస్టోస్టిరాన్ స్థాయి తగ్గడం అనేది సహజమైన ప్రక్రియ, కానీ యవ్వనంలో తగ్గితే అది సమస్యగా మారుతుంది.
టెస్టోస్టెరాన్ అనేది లైంగిక హార్మోన్.. ఇది పురుషుల శారీరక, మానసిక ఆరోగ్యంలో ముఖ్యమైన పాత్ర పోషిస్తుంది. వయసు పెరిగే కొద్దీ టెస్టోస్టిరాన్ స్థాయి తగ్గడం అనేది సహజమైన ప్రక్రియ, కానీ యవ్వనంలో తగ్గితే అది సమస్యగా మారుతుంది. మీరు దాని లోపాన్ని ఎదుర్కొంటున్నట్లయితే శరీరంలో కనిపించే ఈ సంకేతాల ద్వారా మీరు తెలుసుకోవచ్చు.. ముందే వీటిని పసిగడితే చికిత్స సులభం అవుతుందని వైద్య నిపుణులు చెబుతున్నారు. పురుషుల ఆరోగ్యంలో కీలకమైన టెస్టోస్టెరాన్ హార్మోన్ స్థాయి తగ్గితే.. ఎలాంటి లక్షణాలు కనిపిస్తాయో తెలుసుకోండి..
కండరాల బలం తగ్గిపోతుంది: టెస్టోస్టెరాన్ కండరాల పెరుగుదల, బలానికి సహాయపడుతుంది. మీ కండరాల బలం తగ్గుతోందని లేదా మీరు మునుపటిలా బరువును ఎత్తలేమని మీరు భావిస్తే, ఇది కూడా టెస్టోస్టెరాన్ లోపం సంకేతమే..
లైంగిక శక్తి తగ్గుతుంది: టెస్టోస్టెరాన్ పురుషుల లైంగిక శక్తి (లిబిడో), చర్య పై ప్రత్యక్ష ప్రభావాన్ని చూపుతుంది. మీకు లైంగిక కోరికలు తగ్గుతున్నట్లయితే, అది టెస్టోస్టెరాన్ లోపానికి సంకేతం కావచ్చు.
మానసిక కల్లోలం - నిరాశ: తక్కువ టెస్టోస్టెరాన్ స్థాయిలు మానసిక ఆరోగ్యాన్ని కూడా ప్రభావితం చేస్తాయి. మూడ్ స్వింగ్స్, ఆందోళన, డిప్రెషన్ లక్షణాలు కూడా టెస్టోస్టెరాన్ లోపంతో సంబంధం కలిగి ఉండవచ్చు. మీరు నిరంతరం డిప్రెషన్గా లేదా ఆందోళనగా ఉంటే దానిని విస్మరించకూడదు..
నిద్ర సమస్యలు: టెస్టోస్టెరాన్ లేకపోవడం వల్ల నిద్రకు సంబంధించిన సమస్యలు వస్తాయి. మీరు నిద్రలేమి లేదా స్థిరమైన అలసటను ఎదుర్కొంటుంటే, శరీరంలో తగినంత టెస్టోస్టెరాన్ లేదని ఇది సంకేతం.
పొట్ట దగ్గర కొవ్వు పేరుకుపోవడం: టెస్టోస్టెరాన్ తక్కువ స్థాయి కారణంగా, శరీరంలో కొవ్వు పెరగడం ప్రారంభమవుతుంది. ముఖ్యంగా పొట్ట చుట్టూ కొవ్వు పెరుగుతుంది.. ఇది ఆరోగ్యానికి హానికరం.