Rice: బియ్యం పురుగు పడుతోందా? ఇలా చేశారంటే ఏడాదంతా నిల్వ చేయొచ్చు..
ఏడాది పొడవునా బియ్యం నిల్వ ఉంచుకోవడానికి గృహిణులు ఇబ్బంది పడిపోతుంటారు. చిన్న చిన్న పురుగులు చేరి బియ్యం పాడు చేస్తాయి. బియ్యం నుంచి పురుగులను వేరు చేయడానికి నానా అగచాట్లు పడవల్సి వస్తుంది. ఈ చిట్కాలు పాటించారంటే బియ్యం పురుగుపట్టకుండా సంవత్సరం పొడవునా నిల్వ చేయోచ్చు. అవేంటో తెలుసుకుందాం..
ఏడాది పొడవునా బియ్యం నిల్వ ఉంచుకోవడానికి గృహిణులు ఇబ్బంది పడిపోతుంటారు. చిన్న చిన్న పురుగులు చేరి బియ్యం పాడు చేస్తాయి. బియ్యం నుంచి పురుగులను వేరు చేయడానికి నానా అగచాట్లు పడవల్సి వస్తుంది. ఈ చిట్కాలు పాటించారంటే బియ్యం పురుగుపట్టకుండా సంవత్సరం పొడవునా నిల్వ చేయోచ్చు. అవేంటో తెలుసుకుందాం..
బియ్యం పురుగు పట్టకుండా ఉండాలంటే కర్పూరం బిళ్లలను మెత్తగా పొడిగా చేసుకుని చిన్న చిన్న కాటన్‌ క్లాత్‌లలో ఉంచి, బియ్యం సంచిలో వేయాలి. ఇలా చేస్తే పురుగు పట్టకుండా నిరోధించవచ్చు.
ఎండిన వేపాకులు తీసుకుని పొడిగా చేసుకోవాలి. ఇలా పొడిగా చేసుకున్న తర్వాత చిన్న చిన్న ఉండలుగా చేసుకుని పొడి వస్త్రంలో కట్టుకుని, బియ్యం సంచిలో ఉంచడం వల్ల పురుగు పట్టకుండా ఆపవచ్చు.
బియ్యంలో పురుగులు ఎక్కువగా ఉన్నప్పుడు లేదా పురుగులు పట్టకుండా ఉండాలంటే వెల్లుల్లి రెబ్బలను పొట్టు తీయకుండా బియ్యం డబ్బాలో వేస్తే పురుగులన్నీ ఇట్టే పారిపోతాయి.
బియ్యం పురుగు పట్టకుండా ఆపడంలో లవంగాలు మరింత ఎఫెక్టివ్‌గా పనిచేస్తాయి. కొన్ని లవంగాలను తీసుకుని, పొడిగా చేసుకుని ఆ పొడిని పలుచటి పొడి వస్త్రంలో కట్టి బియ్యంలో ఉంచాలి. అలాగే పొడి చేయకుండా లవంగాలను వస్త్రంలో కట్టి, బియ్యంలో ఉంచినా సరే పురుగు పట్టకుండా నివారించవచ్చు.