గుడ్డు పెంకులు పాడేస్తున్నారా..? వీటితో ఏం చేస్తారో తెలిస్తే అస్సలు పడెయ్యరు..
ఇటీవలి కాలంలో బెస్ట్ అవుట్ ఆఫ్ వేస్ట్ ఐడియాస్‌తో ప్రజలు మరింత స్మార్ట్‌గా మారిపోతున్నారు. ఇంట్లో పనికి రాని ప్రతి వస్తువుతో ఏదో ఒక కొత్తది తయారు చేస్తూ ఔరా అనిపిస్తుంటారు. ఇక వంటింట్లో వాడి పడేసే వస్తువులు, కొన్ని రకాల ఆహార పదార్థాలను కూడా తిరిగి మొక్కల పెంపకం, గార్డెన్‌ ఐడియాస్‌ కోసం ఉపయోగిస్తున్నారు. అలాగే, వంటింటి వ్యర్థాల్లో ఒకటైన గుడ్డు పెంకులు కూడా అద్భుతంగా ఉపయోగపడతాయని తెలిస్తే ఆశ్చర్యపోవాల్సిందే..గుడ్డు పెంకులను ఇంటి మొక్కలకు ఎరువుగా, చీడపీడల్ని నివారించడానికి.. ఇలా పలు రకాలుగా ఉపయోగపడే ఇవి చర్మ సౌందర్యాన్ని పెంపొందించడంలోనూ దోహదం చేస్తాయంటున్నారు నిపుణులు.
మీరు ఉపయోగించిన గుడ్డు పెంకులను చెత్తబుట్టలో పడేయడానికి బదులుగా, మీరు పెంచే మొక్కలకు ఎరువుగా ఉపయోగించవచ్చు. ఇందుకోసం గుడ్డు పెంకులను నీటితో శుభ్రంగా కడిగి, ఆరబెట్టి పొడి చేసుకోవాలి. ఈ పొడిని మొక్కల మట్టిలో కలిపి ఉపయోగిస్తే మొక్క ఏపుగా పెరుగుతుంది. వీటిలో కాల్షియం, ఇతర మినరల్స్‌ మొక్కల పెరుగుదలకు ఉపయోగపడుతుంది.
అలాగే, పక్షులకు పెట్టే ఆహారంగా కూడా గుడ్డు పెంకును ఉపయోగించవచ్చు అంటున్నారు. పక్షులకు కాల్షియం అధికంగా ఉండే ఆహారాన్ని అందించాలనుకుంటే గుడ్డు పెంకులను పగలగొట్టి వాటికి హాని కలిగించన చోట ఉంచొచ్చు.. ఇంటి ముందు పగలగొట్టడం ద్వారా ఇంటికి పక్షులను ఆకర్షిస్తుంది.
అల్సర్, కీళ్ల నొప్పులతో బాధపడేవారికి గుడ్డు పెంకులు అద్భుతమైన ఉపశమనాన్ని అందిస్తాయి. గుడ్డు పెంకులతో చేసిన పొడిని పాత్రలు, సింక్ శుభ్రం చేయడానికి ఉపయోగించవచ్చు. పెంకుల పొడిని, సబ్బు లేదా డిటర్జెంట్ లో కలిపి శుభ్రం చేస్తే మెరుగైన ఫలితం ఉంటుంది. గడ్డు పెంకులను పొడిగా చేసి ఆ పొడిని టూత్ పేస్ట్ లో కలిపి బ్రష్ చేసుకుంటే..పళ్లు తెల్లగా మారుతాయి. కాల్షియం దంతాలను దృఢంగా మారుస్తుంది.
గాయాలు త్వరగా మానేందుకు కూడా గుడ్డు పెంకులు ఉపయోగపడతాయి. గుడ్డు పెంకు లోపలి పొరను గాయాలపై ఉంచితే త్వరగా మానడానికి ఉపయోగపడతాయి. పౌడర్, తేనె కలిపి చిక్కటి పేస్ట్ లాగా చేసుకోవాలి. గాయాలపై రాయడం వలన తేడా ఉంటుంది.
గుడ్డు పెంకులను శుభ్రంగా కడిగి పొడి చేసి, తేనె లేదా అలోవెరాతో కలిపి చర్మంపై స్క్రబ్ చేసుకోవచ్చు. ఇది డెడ్ స్కిన్ సెల్స్ ని తొలగించి, చర్మాన్ని మృదువుగా చేస్తుంది. గుడ్డు పెంకులో రెండు స్పూన్ల తేనె కలుపుకుని చిక్కటి ప్యాక్‌లా తయారు చేసుకోవాలి.. తేమగా ఉన్న ముఖం మీద రాస్తే ప్రయోజనం ఉంటుంది.