చుక్క కూరతో ఇలా రోటి పచ్చడి చేస్తే రెండు ప్లేట్స్ ఎక్కువే లాగిస్తారు
Chukka Kura Roti Pachadi: చుక్క కూర రోటి పచ్చడి రెండు తెలుగు రాష్ట్రాల్లో బాగా తింటారు. పాత రోజుల్లో ఏ పచ్చడి అయినా రోటిలోనే చేసే వాళ్ళు. ఇప్పుడు అంటే మిక్సీలో చేస్తున్నారు. ఈ పచ్చడిని రోటిలో చేసుకుంటే టేస్ట్ అదిరిపోతోంది.
కావాల్సిన పదార్ధాలు : రెండు కట్టలు చుక్క కూర , మూడు టమాటాలు, 4 పచ్చి మిర్చి, 10 వెల్లుల్లి రెబ్బలు, రుచికి తగినంత ఉప్పు, రెండు టేబుల్ స్పూన్స్ నిమ్మరసం, ఉల్లిపాయ ముక్కలు, కొత్తిమీరను, నూనెను తీసుకోవాలి.
ముందుగా చుక్క కూరను తీసుకుని శుభ్రం చేసుకుని ఒక ప్లేట్ లోకి తీసుకుని తేమ లేకుండా ఫ్యాన్ కింద ఆరబెట్టాలి. ఇప్పుడు పచ్చి మిర్చిని కూడా కడిగి ముక్కలు వేసి పక్కన పెట్టుకోవాలి.
ఆ తర్వాత పాన్ తీసుకుని స్టవ్ మీద పెట్టి దానిలో కొద్దిగాఆయిల్ వేసి చుక్కకూర ఆకులు, టమాటాలు ముక్కలు, పచ్చి మిర్చిని వేసి బాగా వేయించుకోవాలి. ఆ తర్వాత వీటిని తీసుకుని రోటిలో వేసి మెత్తగా రుబ్బుకోవాలి.
రోటిలో నూరే టప్పుడు మధ్యలో కొద్దిగా ఉప్పు, చింతపండు వేసి దంచాలి. ఆ తర్వాత వెల్లుల్లి రెబ్బలు కూడా దంచుకోవాలి. అలాగే, రుచికి సరిపడా ఉప్పు దీనిని ఒక ప్లేట్ లేదా గిన్నెలోకి తీసుకోవాలి.
చుక్క కూర రోటి పచ్చడి నూరిన తర్వాత దీనిలో నిమ్మరసాన్ని కూడా కలుపుకుంటే రుచి అద్భుతంగా ఉంటుంది. మంట ఎక్కువగా ఉంటె ఒక కప్పు ఉల్లిపాయ ముక్కలు వేసుకుంటే మంట తగ్గుతుంది. అంతే వేడి వేడి చుక్క రోటి పచ్చడి రెడీ.