షుగర్, బెల్లం లేకుండా పిల్లల్లో తెలివితేటలు పెంచే అమృతం.. ప్రతి ఒక్కరు తినాల్సిన లడ్డు
కుటుంబంలో పిల్లలు, పెద్దలు అందరూ శారీరకంగా, మానసికంగా దృఢంగా ఉండటానికి పోషకాలతో కూడిన ఆహారం ఎంతగానో అవసరం. ముఖ్యంగా ఎదుగుతున్న పిల్లల్లో మెదడు చురుగ్గా పనిచేయడానికి మరియు జ్ఞాపకశక్తి, తెలివితేటలు పెరగడానికి డ్రై ఫ్రూట్స్ మరియు గింజలు ఎంతో అద్భుతంగా తోడ్పడతాయి. అయితే చాలా మంది పిల్లలు వీటిని విడిగా తినడానికి అస్సలు ఇష్టపడరు.
పిల్లల కోసం ఎటువంటి చెక్కర లేదా బెల్లం వాడకుండా, ఎన్నో ఔషధ గుణాలు ఉన్న గుల్కంద్ మరియు ఖర్జూరాల తీపితో నోట్లో వేస్తే కరిగిపోయేలా ఎంతో రుచికరమైన 'హెల్తీ డ్రై ఫ్రూట్స్ లడ్డు' ఎలా తయారు చేసుకోవాలో ఇప్పుడు మనం ఈ కథనంలో వివరంగా తెలుసుకుందాం. ఈ లడ్డు తయారీ కోసం ముందుగా స్టవ్ వెలిగించి పాన్ లో ఒక చిన్న చెంచా ఆవు నెయ్యి వేసి వేడి చేయాలి. నెయ్యి వేడెక్కాక ఒక కప్పు బాదాం పప్పులు వేసి లో ఫ్లేమ్ లో కలుపుతూ వేయించాలి.
ఇవి సగం వేగిన తర్వాత అర కప్పు జీడిపప్పులు కూడా వేసి పచ్చిదనం పోయే వరకు దోరగా వేయించి ఒక గిన్నెలోకి తీసుకోవాలి. ఇప్పుడు అదే పాన్ లో అర కప్పు గుమ్మడి గింజలు, అర కప్పు పుచ్చ గింజలు మరియు అర కప్పు పొద్దుతిరుగుడు గింజలు వేసి లో ఫ్లేమ్ లో వేయించాలి. ఇవి సగం వేగాక అర కప్పు అవిసె గింజలు కూడా వేసి మంచి సువాసన వచ్చేంత వరకు మాడిపోకుండా వేయించి పక్కన పెట్టుకోవాలి. గింజలు వేగితే పైన ఉబ్బుగా కనిపిస్తాయి.
తదుపరి దశలో అదే పాన్ లో అర స్పూన్ నెయ్యి వేసి పావు కప్పు కిస్మిస్ లు వేసి కలిపి, అందులోనే ఒక కప్పు తామర గింజలు వేసి చక్కగా వేయించుకోవాలి. వీటిని కూడా ప్లేట్ లోకి తీసుకున్నాక, అర కప్పు ఎండుకొబ్బరి తురుమును వేసి లైట్ గా వేయించి స్టవ్ ఆఫ్ చేయాలి. ఇవన్నీ పూర్తిగా చల్లారిన తర్వాత, మొదటగా బాదాం, జీడిపప్పులను మిక్సీలో వేసి మెత్తటి పౌడర్లా గ్రైండ్ చేసి ప్లేట్ లోకి తీసుకోవాలి.
ఆ తర్వాత వేయించిన గింజల మిశ్రమాన్ని కూడా వేసి కాస్త బరకగా గ్రైండ్ చేసుకోవాలి. చివరగా వేయించిన కిస్మిస్, తామర గింజలతో పాటు ఒక గుప్పెడు విత్తనాలు తీసేసిన తాజా ఖర్జూరాలను వేసి మెత్తగా గ్రైండ్ చేయాలి.ఇప్పుడు ఈ గ్రైండ్ చేసిన పౌడర్ మిశ్రమాన్ని ఒక పెద్ద ప్లేట్ లోకి తీసుకుని అందులో వేయించిన ఎండుకొబ్బరి తురుము వేసి బాగా కలుపుకోవాలి.
ఇక్కడ మనం లడ్డుల బైండింగ్ కోసం షుగర్ ఫ్రీ రోజ్ గుల్కంద్ ను ఉపయోగించండి. ఈ గుల్కంద్ ను పంచదార లేకుండా కేవలం తేనె, పటికబెల్లం మరియు గులాబీ రేకులను ఎండలో పెట్టి సహజంగా తయారు చేస్తారు. ఈ పౌడర్ లో రెండు పెద్ద చెంచాల గుల్కంద్ వేసి బాగా కలుపుకోవాలి. లడ్డులు చక్కగా చుట్టడానికి వీలుగా ఇందులో మరో రెండు చెంచాల ఆవు నెయ్యి వేసి బాగా కలిపి, చిన్న చిన్న సైజులో లడ్డులు చుట్టుకోవాలి. పిల్లలకు రోజుకొకటి ఇస్తే చాలు, మిగిలిన పౌడర్ ను ఫ్రిడ్జ్ లో దాచుకోవచ్చు.