Kiwi Health Benefits: ప్రతి రోజూ కివి పండు తింటే ఏం జరుగుతుందో తెలుసా? మీ ఆరోగ్యంలో వచ్చే మార్పులివే
కివీ పండ్లు ఇప్పుడు ప్రతి మార్కెట్లో దర్శనమిస్తున్నాయి. కొన్నేళ్ల క్రితం వరకు ఈ పండు పేరు చాలా మందికి తెలియదు. కివి కేవలం రుచికి మాత్రమే కాకుండా దీనిలో పోషక విలువలు కూడా మెండుగా ఉన్నాయి. కివిలో అధిక మొత్తంలో విటమిన్ సి ఉంటుంది. ఇది శరీరం రోగనిరోధక శక్తిని పెంచడంలో ప్రత్యేక పాత్ర పోషిస్తుంది. కివిలో పాలీఫెనాల్స్, కెరోటినాయిడ్స్ వంటి యాంటీ ఆక్సిడెంట్లు ఉంటాయి. ఇవి శరీరంలో ఆక్సీకరణ ఒత్తిడితో పోరాడటానికి సహాయపడతాయి. ఈ యాంటీఆక్సిడెంట్లు ఫ్రీ రాడికల్స్‌తో పోరాడి, శరీరంలో మంటను తగ్గిస్తాయి. దీర్ఘకాలిక వ్యాధుల ప్రమాదాన్ని కూడా తగ్గిస్తాయి..
కివీ పండ్లు ఇప్పుడు ప్రతి మార్కెట్లో దర్శనమిస్తున్నాయి. కొన్నేళ్ల క్రితం వరకు ఈ పండు పేరు చాలా మందికి తెలియదు. కివి కేవలం రుచికి మాత్రమే కాకుండా దీనిలో పోషక విలువలు కూడా మెండుగా ఉన్నాయి. కివిలో అధిక మొత్తంలో విటమిన్ సి ఉంటుంది. ఇది శరీరం రోగనిరోధక శక్తిని పెంచడంలో ప్రత్యేక పాత్ర పోషిస్తుంది.
కివిలో పాలీఫెనాల్స్, కెరోటినాయిడ్స్ వంటి యాంటీ ఆక్సిడెంట్లు ఉంటాయి. ఇవి శరీరంలో ఆక్సీకరణ ఒత్తిడితో పోరాడటానికి సహాయపడతాయి. ఈ యాంటీఆక్సిడెంట్లు ఫ్రీ రాడికల్స్‌తో పోరాడి, శరీరంలో మంటను తగ్గిస్తాయి. దీర్ఘకాలిక వ్యాధుల ప్రమాదాన్ని కూడా తగ్గిస్తాయి.
ప్రతి రోజూ కివి తినడం వల్ల సీజనల్‌ వ్యాధుల బారిన పడకుండా కాపాడుకోవచ్చు. బరువును కూడా అదుపులో ఉంచుకోవచ్చు. కివి బరువును నియంత్రించడంలో ప్రత్యేకంగా సహాయపడుతుంది. ఈ పండ్లలో పీచుపదార్థాలు ఎక్కువగా ఉంటాయి. కేలరీలు తక్కువగా ఉంటాయి. ఇది ఆకలిని తగ్గిస్తుంది. బరువు పెరగకుండా చేస్తుంది. జీర్ణ సమస్యలతో బాధపడేవారు కివీని తప్పకుండా తినాలి. కివీఫ్రూట్‌లోని డైటరీ ఫైబర్ పేగు ఆరోగ్యం మెరుగుపడుతుంది. ఈ పండు పొట్టను శుభ్రపరుస్తుంది. మలబద్ధకం సమస్యను నివారిస్తుంది.
కివిలోని విటమిన్ సి, యాంటీఆక్సిడెంట్లు చర్మ ఆరోగ్యాన్ని మెరుగుపరుస్తుంది. ఈ పండు చర్మంలో కొల్లాజెన్ ఏర్పడటానికి సహాయపడుతుంది. కివిలోని పోషకాలు మచ్చలు, మొటిమల సమస్యలను తగ్గిస్తుంది. ఈ పండులోని ఎలక్ట్రోలైట్స్ రక్తపోటును అదుపులో ఉంచుతాయి. తద్వారా హృదయ సంబంధ వ్యాధుల ప్రమాదాన్ని తగ్గిస్తాయి. ఒక వారం పాటు కివి తింటే మీ లిపిడ్ ప్రొఫైల్ (కొలెస్ట్రాల్) సాధారణ స్థాయికి తీసుకువస్తుంది. రక్తంలో చక్కెర స్థాయిలను తగ్గించడం ద్వారా గుండె ఆరోగ్యాన్ని కాపాడుతుంది.
కివి తినడం వల్ల నిద్ర మెరుగుపడుతుంది. ఈ పండులో విటమిన్ కె ఉంటుంది. ఇది ఎముకల ఆరోగ్యాన్ని కాపాడుతుంది. ఇది బోలు ఎముకల వ్యాధి వంటి ఎముకల వ్యాధుల ప్రమాదాన్ని తగ్గిస్తుంది. అంతేకాకుండా, కివి తినడం వల్ల కంటి ఆరోగ్యం కూడా మెరుగుపడుతుంది.