Menopause: మెనోపాజ్ దశలో శారీరక, మానసిక సమస్యలు.. ఈ చర్యలతో ఈ దశను నవ్వుతూ దాటేయ్యండి
మెనోపాజ్ అనేది మహిళల్లో సంభవించే సహజ ప్రక్రియ. ఇది సగటున 51 సంవత్సరాల వయస్సులో సంభవిస్తుంది. దాదాపు 1 సంవత్సరం పాటు పీరియడ్స్ రాకుండా ఆగిపోతే దానిని మెనోపాజ్ అంటారు. ఇది ప్రతి మహిళతో జరుగుతుంది. ఇంకా చెప్పాలంటే మహిళల హార్మోన్ల మార్పుల్లో ఇదొక మైలురాయి. అయితే ఈ సమయంలో మహిళలు అనేక శారీరక సమస్యలను ఎదుర్కోవలసి వస్తుంది. మెనోపాజ్ సమయంలో కొన్ని లక్షణాలు కనిపిస్తాయి. శరీరం వేడి ఎక్కడం, నిద్రలేమి, అలసట, మానసిక కల్లోలం, బరువు పెరగడం, రాత్రిపూట చమటలు పట్టడం, బరువు పెరగడం, యోని పొడిబారడం మొదలైనవి.
మెనోపాజ్ కారణంగా అనేక శారీరక, మానసిక మార్పులు సంభవిస్తాయని డాక్టర్ దయాళ్ చెప్పారు . హార్మోన్లలో మార్పుల వల్ల ఇది జరుగుతుంది. అయితే ఈ సమయంలో కలిగే లక్షణాలను తగ్గించడానికి, కొన్ని ముఖ్యమైన విషయాలను జాగ్రత్తగా చూసుకోవడం చాలా ముఖ్యం. ఈ లక్షణాలు స్త్రీని శారీరకంగా, మానసికంగా ప్రభావితం చేస్తాయి. కనుక రోజువారీ జీవితంలో తీవ్ర ప్రభావాన్ని చూపిస్తాయి. అందువల్ల మెనోపాజ్ ప్రభావాలను ఎలా తగ్గించవచ్చో డాక్టర్ ఆస్తా దయాల్ (లీడ్ కన్సల్టెంట్, గైనకాలజీ , ప్రసూతి విభాగం, సికె బిర్లా హాస్పిటల్, గురుగ్రామ్) కొన్ని విషయాలను చెప్పారు. అవి ఏమిటో తెలుసుకుందాం.
సమతుల్య ఆహారం తీసుకోండి- మెనోపాజ్ సమయంలో అలసట, బలహీనత వంటి లక్షణాలు కనిపిస్తాయి. అందువల్ల తినే ఆహారంపై ప్రత్యేక శ్రద్ధ తీసుకోవడం చాలా ముఖ్యం. ఆహారంలో అన్ని రకాల కూరగాయలు, పండ్లు, తృణధాన్యాలు మొదలైన వాటిని చేర్చుకోండి. శరీరానికి అవసరమైన అన్ని పోషకాలు లభించే ఆహారాన్ని తప్పనిసరిగా తినే ఆహారంలో చేర్చుకోవాలి. అలాగే విటమిన్ డి, కాల్షియం సమృద్ధిగా లభించే ఆహారాలను తీసుకోండి.
హైడ్రేటెడ్‌గా ఉండండి- శరీరం సరైన పనితీరుకు హైడ్రేటెడ్‌గా ఉండటం చాలా ముఖ్యం. అందువల్ల నీరు ఎక్కువగా తాగాలి. అలాగే నిమ్మరసం, కొబ్బరి నీళ్లు వంటి పానీయాలు తాగాలి.
ఒత్తిడిని నిర్వహించండి- అధిక ఒత్తిడి కారణంగా రుతువిరతి లక్షణాలు మరింత తీవ్రంగా మారవచ్చు. అందువల్ల, ఒత్తిడిని తగ్గించడానికి, యోగా, ధ్యానం, ప్రాణాయామం సహా ఇతర ఒత్తిడిని తగ్గించే హాబీలను దినచర్యలో భాగంగా చేసుకోండి. ఇవి మానసిక ఆరోగ్యాన్ని మెరుగుపరుస్తాయి.
వ్యాయామం చేయండి - క్రమం తప్పకుండా చేసే వ్యాయామం ఆరోగ్యాన్ని మెరుగ్గా ఉంచడంలో సహాయపడుతుంది. ఇది బరువును నిర్వహిస్తుంది. మానసిక స్థితిని మెరుగుపరుస్తుంది. ఇది మెనోపాజ్ లక్షణాలను నియంత్రించడంలో సహాయపడుతుంది. శక్తిని, కార్డియో, వశ్యతను పెంచే వ్యాయామాలు చేయండి.
ధూమపానానికి దూరంగా - ధూమపానం మెనోపాజ్ లక్షణాలను మరింత తీవ్రంగా చేస్తుంది. అందుచేత ధూమపానం చేయవద్దు. ధూమపానం చేయకపోవడం వల్ల మెనోపాజ్‌కు సంబంధించిన బోలు ఎముకల వ్యాధి, గుండె జబ్బులు వంటి ఇతర సమస్యల ప్రమాదాన్ని కూడా తగ్గిస్తుంది.
మద్యం సేవించవద్దు - ఆల్కహాల్ మెనోపాజ్ లక్షణాలను మరింత తీవ్రంగా చేస్తుంది. బోలు ఎముకల వ్యాధి ప్రమాదాన్ని కూడా పెంచుతుంది. అందువల్ల మద్యం సేవించవద్దు.
హార్మోన్ థెరపీ- అవసరమైతే డాక్టర్ ని సంప్రదించి హార్మోన్ థెరపీని తీసుకోవచ్చు. ఇది మెనోపాజ్ లక్షణాల నుంచి ఉపశమనం పొందడంలో సహాయపడినప్పటికీ.. అయితే అందరికీ సరిపోదు. దీనికి కొన్ని ప్రతికూలతలు కూడా ఉన్నాయి. అందువల్ల డాక్టర్ నుండి హార్మోన్ థెరపీ గురించి మొత్తం సమాచారాన్ని పొందిన తర్వాత మాత్రమే నిర్ణయం తీసుకోండి.
మాయిశ్చరైజర్లు - మెనోపాజ్ లక్షణాల్లో ఒకటి యోని పొడి బారడం. దీని నుంచి ఉపశమనం పొందడానికి ఓవర్-ది-కౌంటర్ యోని లూబ్రికెంట్లు, మాయిశ్చరైజర్లను ఉపయోగించండి.