Hair Fall: చలి కాలంలో జుట్టు పొడిబారి రాలిపోతుందా.. ఈ పూల ఆయిల్స్ బెస్ట్!
చలి కాలంలో ఉండే కామన్ సమస్యల్లో జుట్టుకు సంబంధించినవి కూడా ఉంటాయి. జుట్టు చిట్లిపోవడం, పొడిబారిపోవడం, జిడ్డుగా తయారవడం, విరిగిపోవడం, రాలడం వంటి సమస్యలు ఉంటాయి. మీరు కూడా ఇలాంటి సమస్యలతో ఇబ్బంది పడితే.. ఈ చిట్కాలు ట్రై చేయండి..
చలి కాలంలో ఉండే సమస్యల్లో జుట్టు రాలడం కూడా ఒకటి. ఈ సీజన్‌లో చాలా మందికి జుట్టు పొడిబారిపోయి రాలిపోతుంది. దీంతో ఏం చేయాలో అని ఆలోచిస్తూ ఉంటారు. ఏవోవే ప్రయత్నాలు చేస్తూ ఉంటారు. కానీ ఈసారి ఈ ఆయిల్స్ రాసారంటే ఖచ్చితంగా రిజల్ట్ ఉంటుంది.
ఒక గిన్నె తీసుకుని.. దానిలో నాలుగు చెంచాల కలబంద గుజ్జు వేయాలి. ఆ తర్వాత అందులో రెండు టేబుల్ స్పూన్ల ఆలివ్ ఆయిల్ వేసి బాగా కలపాలి. తర్వాత మరో రెండు టేబుల్ స్పూన్ల కొబ్బరి నూనె వేసుకోవాలి. ఇప్పుడు అన్నింటినీ బాగా కలుపుకోవాలి.
గులాబీ పూలతో కూడా జుట్టు అందాన్ని పెంచుకోవచ్చు. ఈ పూలలో యాంటీ సెప్టిక్ గుణాలు ఉంటాయి. ఇవి తలపై ఉండే మురికిని వదలగొట్టి.. కుదుళ్లు బలంగా ఉండేలా చేస్తాయి. గులాబీ పువ్వు రేకులను రోజ్ వాటర్‌లో ఉడికించాలి. ఈ వాటర్‌ను జుట్టుకు పట్టించి అరగంట తర్వాత స్నానం చేయాలి.
అదే విధంగా మనకు ఎక్కువగా లభ్యమయ్యే పూలలో మల్లె పూలు కూడా ఒకటి. వీటితో కూడా ఆయిల్ తయారు చేస్తారు. ఈ ఆయిల్ వాడటం వల్ల జుట్టు మృదువుగా బలంగా మారుతుంది. జుట్టు రాలడం తగ్గి.. చక్కగా పెరుగుతుంది.
బంతి పూలతో కూడా కేశ సౌందర్యాన్ని పెంచుకోవచ్చు. బంది పూలను చర్మానికి కూడా ఉపయోగిస్తూ ఉంటారు. ఇందులో యాంటీ ఇన్ ఫ్లమేటరీ గుణాలు ఉన్నాయి. కొబ్బరి నూనెను వేడి చేసి.. అందులో బంతిపూల రేకులు వేయాలి. ఇలా అరగంట ఉంచి.. ఆ ఆయిల్ తలకు రాసుకోవాలి. (NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. )