Home Remedies for Hair: చిన్న వయసులోనే జుట్టు రాలుతోందా? కురులకు వెయ్యి ఏనుగుల బలాన్ని ఇచ్చే చిట్కాలు
జుట్టు ఆరోగ్యంగా ఉండాలంటే ఆహారం, పానీయాలపై అవగాహన ఉండాలి. ఆహారంలో విటమిన్ బి7, జింక్, ఐరన్, ప్రొటీన్లు పుష్కలంగా ఉండే ఆహారాలు ఆరోగ్యకరమైన జుట్టును నిర్మించడంలో సహాయపడతాయి. ఎంత పోషకమైన ఆహారం తీసుకుంటే, జుట్టు అంత మెరిసిపోతుంది. అలాగే స్కాల్ప్ లో రక్తప్రసరణ సరిగా లేకున్నా జుట్టు సమస్యలు పెరుగుతాయి. రోజుకు కనీసం 5 నిమిషాల పాటు తలకు మసాజ్ చేసుకోవాలి. ఇది వెంట్రుకల కుదుళ్లకు రక్త ప్రసరణను పెంచుతుంది..
జుట్టు మూలాలు బలంగా లేకుంటే జుట్టు రాలిపోయే సమస్య మరింత పెరుగుతుంది. ఒత్తిడి వల్ల కూడా జుట్టు విపరీతంగా రాలుతుంది. దీంతో తల దువ్వితే దువ్వెన నిండా జుట్టు రాలి వస్తుంది. ఇలా అకారణంగా చాలా మందిలో చిన్న వయసులోనే జుట్టు రాలిపోతూ ఉంటుంది. జుట్టు మూలాలను ఎలా బలోపేతం చేయాలంటే..
జుట్టు ఆరోగ్యంగా ఉండాలంటే ఆహారం, పానీయాలపై అవగాహన ఉండాలి. ఆహారంలో విటమిన్ బి7, జింక్, ఐరన్, ప్రొటీన్లు పుష్కలంగా ఉండే ఆహారాలు ఆరోగ్యకరమైన జుట్టును నిర్మించడంలో సహాయపడతాయి. ఎంత పోషకమైన ఆహారం తీసుకుంటే, జుట్టు అంత మెరిసిపోతుంది. అలాగే స్కాల్ప్ లో రక్తప్రసరణ సరిగా లేకున్నా జుట్టు సమస్యలు పెరుగుతాయి. రోజుకు కనీసం 5 నిమిషాల పాటు తలకు మసాజ్ చేసుకోవాలి. ఇది వెంట్రుకల కుదుళ్లకు రక్త ప్రసరణను పెంచుతుంది. మూలాలకు ఆక్సిజన్ చేరుకుంటుంది. ఇది జుట్టు వేగంగా పెరిగేందుకు సహాయపడుతుంది. అలోవెరా జెల్‌ను తలకు, జుట్టుకు అప్లై చేయవచ్చు. ఇందులోని యాంటీ బ్యాక్టీరియల్, యాంటీ ఇన్‌ఫ్లమేటరీ గుణాలు చుండ్రు, దురద సమస్యను తొలగిస్తాయి. అలోవెరా జెల్ సహజ హెయిర్ కండీషనర్‌గా కూడా పనిచేస్తుంది.
ఎగ్ హెయిర్ మాస్క్ ను జుట్టుకు అప్లై చేయవచ్చు. కోడిగుడ్లలో బయోటిన్, ఫోలేట్, విటమిన్ ఎ, డి వంటి పోషకాలు ఉంటాయి. ఇవి జుట్టు, శిరోజాల ఆరోగ్యానికి సహాయపడతాయి. గుడ్లు జుట్టును బలంగా నిర్మించడంలో సహాయపడతాయి.
తల స్నానం చేసిన తర్వాత జుట్టు మీద గ్రీన్ టీ నీళ్లను పోసుకోవాలి. గ్రీన్ టీలో యాంటీఆక్సిడెంట్లు ఉంటాయి. ఇవి ఆరోగ్యకరమైన జుట్టును నిర్మించడంలో సహాయపడతాయి. అలాగే జుట్టు తెల్లబడకుండా కాపాడుతుంది. జుట్టు రాలడాన్ని తగ్గిస్తుంది.
జుట్టు సంరక్షణకు మందార పువ్వును ఉపయోగించవచ్చు. మందార పువ్వు జుట్టు కుదుళ్లను బలోపేతం చేయడానికి సహాయపడుతుంది. అంతేకాకుండా మందార పువ్వు జుట్టుకు సహజ కండిషనింగ్ ఏజెంట్‌లా పనిచేస్తుంది. మందార తైలం లేదా మందార హెయిర్ మాస్క్‌ని ఏదైనా ఉపయోగించవచ్చు. అలాగే జుట్టుకి కొబ్బరి పాలు కూడా పోషణ అందిస్తాయి. ఈ సహజ పదార్ధం జుట్టును మాయిశ్చరైజింగ్ చేయడంలో, కండిషనింగ్ చేయడంలో సహాయపడుతుంది. కొబ్బరి పాలు తలకు, జుట్టుకు తేమను అందిస్తాయి.