Ground Clearance Car: పర్వత ప్రాంతాల్లో విహార యాత్రకు వెళ్తున్నారా? ఈ 5 కార్లు ఉత్తమం..!
Ground Clearance Car: మన దేశంలో వర్షాకాలం వచ్చిందంటే చాలు రోడ్లపై నీళ్లు నిలిచిపోయి చెరువులను తలపిస్తాయి. అందుకే వాహనాల తయారీ కంపెనీలు కూడా ఈ పరిస్థితిని దృష్టిలో ఉంచుకునే వాహనాలను తయారు చేస్తుంటాయి. గ్రౌండ్ క్లియరెన్స్ కార్లను మార్కెట్‌లోకి విడుదల చేస్తుంటారు. ఇక పర్వత ప్రాంతాల్లో ట్రిప్‌కు వెళ్లాలనుకునే వారికి హై గ్రౌండ్ క్లియరెన్స్ ఉన్న కారు అవసరం. ఎందుకంటే ఆ ప్రదేశాల్లో రోడ్డు చాలా ఎగుడుదిగుడుగా ఉంటుంది. పైగా పూర్తి తేమగా ఉంటుంది. గ్రౌండ్ క్లియరెన్స్ ఉన్న ఐదు వాహనాల గురించి ఇవాళ మనం తెలుసుకుందాం..
Mahindra Thar: లైఫ్‌స్టైల్ ఆఫ్-రోడర్ థార్ దేశంలోని ఏ కారుకు లేని విధంగా అత్యధిక గ్రౌండ్ క్లియరెన్స్ కలిగి ఉంది. దీని గ్రౌండ్ క్లియరెన్స్ 226226mm. ఇది 18-అంగుళాల పెద్ద చక్రాలు, ఫ్లేర్డ్ వీల్ ఆర్చ్‌లు, వర్టికల్ స్లాట్డ్ గ్రిల్ కలిగి ఉంది. థార్ మూడు ఇంజన్ ఎంపికలతో వస్తుంది.
Toyota Fortuner: టయోటా ఫార్చ్యూనర్ 225ఎమ్ఎమ్ గ్రౌండ్ క్లియరెన్స్‌తో వస్తుంది. ఇంజన్ విషయానికి వస్తే ఫార్చ్యూనర్ 2.7-లీటర్ పెట్రోల్, 2.8-లీటర్ డీజిల్ ఇంజన్ పవర్‌ను కలిగి ఉంది. ఫార్చ్యూనర్ టయోటా కంపెనీకి చెందిన బెస్ట్ సెల్లింగ్ కార్లలో ఒకటి.
Toyota Urban Cruiser Hyryder: ఈ టయోటా కారును మారుతి గ్రాండ్ విటారాతో పోలిస్తే 210ఎమ్ఎమ్ గ్రౌండ్ క్లియరెన్స్‌ని పొందుతుంది. గ్రాండ్ విటారా ధర రూ. 12.75 లక్షల నుండి రూ. 23.42 లక్షల వరకు ఉంది.
Maruti Grand Vitara: గ్రౌండ్ క్లియరెన్స్ పరంగా, మారుతి 210ఎమ్ఎమ్ గ్రౌండ్ క్లియరెన్స్ పొందింది. ఇది హోండా ఎలివేట్ ప్రవేశపెట్టే వరకు సెగ్మెంట్లో అత్యుత్తమంగా ఉంది.
Maruti Jimny: మారుతి జిమ్నీ 5-డోర్‌తో భారతదేశంలో ప్రారంభించబడింది. ఒక లైఫ్‌స్టైల్‌ని రూల్ చేసే SUV, జిమ్నీ 210mm గ్రౌండ్ క్లియరెన్స్‌తో వస్తుంది. పర్వతాలకు వెళ్లేందుకు ఇది ఉత్తమ ఆప్షన్‌గా నిలుస్తోంది.