Post Retirement Life: ఉద్యోగ విరమణ చేసిన వారికి శుభవార్త.. ఈ వ్యాపారాలతో బోలెడన్నీ డబ్బులు..
భారతదేశంలో మధ్యతరగతి ఉద్యోగస్తులు ఎక్కువ. ముఖ్యంగా చాలా మంది పదవీ విరమణ తర్వాత బాధ్యతల నేపథ్యంలో ఏదైనా వ్యాపారం చేయాలని చూస్తూ ఉంటారు. ప్రైవేట్ సంస్థల్లో పదవీ విరమణ వయస్సు 58గా ఉంది. అయితే కొంచెం ఆలస్యంగా పెళ్లిళ్లయిన వారు పిల్లలు సెటిల్ కావడానికి, అలాగే పోస్ట్ రిటైర్‌మెంట్ వయస్సులో ఎవరిపై ఆధారపడకుండా జీవించడానికి చాలా మంది రిటైరయ్యాక వ్యాపారాలు చేయాలని కోరుకుంటూ ఉంటారు. అయితే ప్రస్తుత రోజుల్లో పెట్టుబడుల నేపథ్యంలో కొంతమంది వెనుకడుగు వేస్తూ ఉంటారు. అయితే తక్కువ పెట్టుబడులతో డబ్బులు సంపాదించే మార్గం ఏంటో ఓ సారి తెలుసుకుందాం.
సేవింగ్స్ ఉద్యోగంలో ఉన్న సమయం నుంచే పదవీ విరమణ గురించి ఆలోచించే వారు ముందు నుంచే పొదుపు మంత్రం పాటిస్తూ ఉంటారు. ఇలాంటి వారు ఎవరిపై ఆధారపడకుండా తమ పొదుపుపై వచ్చే వడ్డీతో జీవితాంతం హాయిగా బతకవచ్చు.
ఫ్రాంచైజీ తక్కువ ఖర్చుతో అధునాతనంగా ఆలోచించే వారు ఫ్రాంచైజీల ద్వారా వ్యాపారం చేయవచ్చు. ఇలా చేయడం ద్వారా నిపుణుల పర్యవేక్షణలో వ్యాపారం చేసే అవకాశం ఉంటుంది. అలాగే తక్కువ ఖర్చుతో ఎక్కువ లాభాలు పొందవచ్చు.
మొక్కల నర్సరీ పెద్దగా పని చేయకుండా మొక్కల నర్సరీ పెట్టడం ద్వారా ఆదాయం పొందవచ్చు. ఎందుకంటే ఇలా చేయడం ద్వారా ఒత్తిడి తగ్గుతుందని నిపుణుల సూచన. అలాగే ఇది ఆదాయ మార్గంగా కూడా ఉపయోగపడుతుంది.
యూ ట్యూబ్ చానల్ ప్రస్తుతం పెరిగిన టెక్నాలజీ నేపథ్యంలో యూ ట్యూబ్ చానల్ పెట్టుకుంటే ఆదాయ మార్గంగా పని చేస్తుంది. కనీసం వంటల ఎలా చేయడమో నేర్పడం ద్వారా చానల్ క్లిక్ అయ్యితే అధిక ఆదాయం వస్తుంది.
అద్దెకు ఇవ్వడం మనకు ఉన్న ఇంటిని గానీ, కార్ లేదా స్థలాన్ని అద్దెకు ఇవ్వడం ద్వారా ఆదాయం సంపాదించవచ్చు. ఇలా చేయడం ద్వారా కష్టపడకుండానే ఆదాయం పొందవచ్చు. రిటైరయ్యాక వచ్చే సొమ్ముతో ఏదైనా ఇంటిని కొని దాన్ని అద్దెకు ఇచ్చి ఆదాయం పొందవచ్చు.
వ్యక్తిగత కోచింగ్ మానసిక సమస్యలతో బాధపడుతున్న వారికి, అలాగే జీవితంలో ఏదైనా సాధిద్దామనుకునే వారికి వ్యక్తిగత కోచింగ్ ఇవ్వవచ్చు. జీవితంలో మనకు ఎదురైన సంఘటనలకు ఉదహరిస్తూ వ్యక్తిగత కోచింగ్ నిపుణుల్లా మారవచ్చు.