High Protein: అధిక ప్రోటీన్లు కూడా ఆరోగ్యానికి హానికరమే.. గుండె, కిడ్నీ, కాలేయంపై ఎపెక్ట్ అన్న సంగతి తెలుసా..
శరీర నిర్మాణంలో ఆరోగ్యంగా జీవించడానికి విటమిన్లు, ప్రోటీన్లు, కార్బోహైడ్రేట్లు, లిపిడ్లు ఇలా ఎన్నో కావాలి. అయితే ప్రోటీన్లు శరీర నిర్మాణంలో బిల్డింగ్ బ్లాకులు అంటే ఇటుకల వంటివి. అయితే అతి సర్వత్రా వర్జయేత్ అన్న చందంగా అదనపు ప్రోటీన్లు శరీరానికి ప్రమాదకరంగా మారతాయి.
శరీరాన్ని ఫిట్‌గా ఉంచడంలో ప్రోటీన్ చాలా ముఖ్యమైనది. కండరాల నిర్మాణానికి, బలాన్ని పెంపొందించడానికి, శరీర పోషణను నిర్వహించడానికి ప్రోటీన్ అవసరం. అందువల్ల రోజువారీ ఆహారంలో ప్రోటీన్ అధికంగా ఉండే ఆహారాలైన గుడ్లు, చేపలు, మాంసం, పాలు, పాల ఉత్పత్తులు, కూరగాయలు, పండ్లను చేర్చుకోవాలి.
ఇటీవలి US అధ్యయనం ప్రకారం అధిక ప్రోటీన్ తీసుకోవడం గుండెకు ప్రమాదకరం. అధిక ప్రోటీన్ గుండెపై మాత్రమే కాదు.. కాలేయం, మూత్రపిండాలపై కూడా ప్రభావితం చేస్తుంది.
నిపుణుల అభిప్రాయం ప్రకారం అదనపు ప్రోటీన్ శరీరంలోకి ప్రవేశించినప్పుడు గుండెకు అనుసంధానించబడిన ధమనుల లోపల ప్రోటీన్ నిక్షేపాలు పేరుకు పోతాయి. ఫలితంగా ధమనులలో రక్త ప్రసరణలో ఇబ్బంది ఏర్పడుతుంది. దీంతో హార్ట్ స్ట్రోక్, ఇతర గుండె జబ్బుల ప్రమాదం పెరుగుతుంది.
చాలా మంది ఎక్కువ ప్రొటీన్ పొందడానికి రెడ్ మీట్ లేదా ప్రొటీన్ సప్లిమెంట్స్ ఎక్కువగా తీసుకుంటారు. అయితే చాలా మందికి అవి అదనపు ప్రోటీన్లు కలిగి ఉన్నాయనే విషయం తెలియదు. దీంతో కొందరిలో అధిక ప్రోటీన్లు గుండె జబ్బుల ప్రమాదాన్ని పెంచుతాయి
గుండెకే కాదు, శరీరానికి అవసరమైన అదనపు ప్రొటీన్లు శరీర బరువును పెంచుతాయి. అదనపు ప్రోటీన్ శరీరంలోకి ప్రవేశించినప్పుడు అదనపు అమైనో ఆమ్లాలు స్రవిస్తాయి. ఇవి శరీరంలో కొవ్వుగా నిల్వ చేయబడతాయి. దీనివల్ల శరీరంలో కొవ్వు, బరువు పెరుగుతాయి
అదనపు ప్రోటీన్ కాలేయాన్ని కూడా పరోక్షంగా ప్రభావితం చేస్తుంది. ప్రొటీన్లు అధికంగా ఉండే వండిన ఆహారం లేదా ఎక్కువ పాల పదార్ధాలను తీసుకోవడం వలన ఫైబర్ లోపానికి కారణాలలో ఒకటి. ఫైబర్ తక్కువగా ఉంటే విరేచనాలకు కారణమవుతుంది. అంతేకాదు మలబద్ధకం సమస్యకు కారణం శరీరంలోని అదనపు ప్రోటీన్ కూడా ఒకటి.
అధిక ప్రోటీన్లు మూత్రపిండాలపై ఒత్తిడిని కలిగిస్తాయి. ఎక్కువ సేపు ప్రొటీన్లు శరీరంలో పేరుకుపోతే కిడ్నీ సంబంధిత సమస్యలు వస్తాయి. దీంతోపాటు జలుబు, తలనొప్పికి కూడా అధిక ప్రొటీన్లు కారణమని తాజా పరిశోధన నివేదిక వెల్లడించింది
ప్రొటీన్ల లోపం మైకము, బలహీనత కలిగిస్తుంది. అదేవిధంగా శరీరంలోని అదనపు ప్రొటీన్లు కూడా ఇటువంటి సమస్యలను కలిగిస్తాయి. మలబద్ధకం, తరచుగా పొడి గొంతు కూడా అదనపు ప్రోటీన్ల వల్ల సంభవించవచ్చు. కనుక కండలు తిరిగిన లుక్ కోసం జిమ్ కు వెళ్లేవారు లేదా ప్రొటీన్ సప్లిమెంట్లు తీసుకునే వారు డాక్టర్ లేదా న్యూట్రిషనిస్ట్ సలహా మేరకు అవసరమైన మోతాదులోనే తీసుకోవాలి.