Unwanted Hair: అవాంఛిత రోమాలతో ఇబ్బంది పడుతున్నారా? మీ కోసమే చక్కటి ఇంటి నివారణ చిట్కాలు
ఇలా చేశారంటే మొహం మీద ఉన్న అవాంఛిత రోమాలు తొలగిపోయి మీ ముఖం మరింత కాంతివంతంగా కనిపిస్తుంది.
మొహం మీద ఉండే వెంట్రుకలు తొలగించుకునేందుకు చాలా మంది బ్యూటీపార్లర్ కి వెళ్ళి నానా పాట్లు పడుతుంటారు.. అయితే, అలాంటి ఇబ్బందులేవీ పడకుండా సింపుల్‌గా ఇంట్లో దొరికె వాటితోనే ఫేషియల్ చేసుకుని మొహం మీద ఉన్న వెంట్రుకలు తొలగించుకోవచ్చు.
బొప్పాయి ముక్కలు పేస్ట్ లా చేసుకుని అందులో కొద్దిగా పసుపు వేసుకుని ముఖానికి రాసుకుంటే అవాంఛిత రోమాలు పెరగకుండా అడ్డుకుంటుంది.
శనగపిండి, రోజ్ వాటర్ కలిపి రాసుకుంటే ఎక్స్ ఫోలియెంట్ గా పని చేస్తుంది. వెంట్రుకల పెరుగుదల ఆపుతుంది.
కొద్దిగా పంచదార, నిమ్మరసం, తేనె, కార్న్ ఫ్లోర్ కలుపుకుని ముఖానికి రాసుకుని మసాజ్ చేసుకోవాలి. ఇలా చేస్తే వెంట్రుకలు తొలగిపోతాయి.
ఓట్స్, పండిన అరటిపండు కలిపి పేస్ట్ లా చేసుకుని ముఖానికి రాసుకుని స్క్రబ్ చేయాలి. చర్మం మృదువుగా ఉండేలా చేస్తాయి.
పుదీనా టీ ముఖంపై వెంట్రుకలు వదిలించుకోవడానికి సహాయపడుతుంది. రక్తంలో టెస్టోస్టెరాన్ తగ్గిస్తుంది. దీంతో మొహం మీద ఉన్న అవాంఛిత రోమాలు తొలగిపోయి మీ ముఖం మరింత కాంతివంతంగా కనిపిస్తుంది.