Potato Juice Benefits : ఆలుగడ్డ జ్యూస్‌తో అద్దిరిపోయే ప్రయోజనాలు?.. తెలిస్తే ఇక విడిచిపెట్టరు..!
సాధారణంగా మ‌నం ఆరెంజ్‌, ఆపిల్, అర‌టిపండ్లు, ద్రాక్ష, సపోటా, క్యారెట్‌, బీట్‌రూట్‌ ఇలా ప‌లురకాల జ్యూస్ ల‌ను తాగుతాం. ఎండ వేడిమి నుంచి త‌ట్టుకోవ‌డానికి ఇవి ఎంత‌గానో ఉప‌యోగ‌ప‌డుతాయి. అయితే, మీరు ఎప్పుడైనా బంగాళదుంపలతో తయారు చేసిన జ్యూస్ తాగారా..? కనీసం ఎప్పుడైనా ఇలాంటి జ్యూస్ కూడా ఒకటి ఉంటుందని విన్నారా..? ఏంటీ షాక్ అవుతున్నారు కదా..? మాములుగా మ‌నం ఆలుగడ్డ‌ల‌తో ప‌లు ర‌కాల వంట‌లు చేసుకుంటాం. ఆలుగడ్డ క‌ర్రీ, ప్రై, ఆలు ట‌మాటా ఇలా ప‌లు రకాలుగా ఆలును మ‌నం వాడుతాం. కానీ, ఆలు జ్యూస్ ను తాగడం వల్ల మానవ శ‌రీరానికి చాలా రకాలుగా ప్రయోజనాలు క‌లుగుతాయ‌ని ఓ స‌ర్వేలో వెలువ‌డింది.
నివేదిక ప్రకారం.. ఆలుగ‌డ్డ‌లో విట‌మిన్ సి ఎక్కువ‌గా ఉంటుంది. దీంతో శ‌రీరంలో రక్త ప్ర‌స‌ర‌ణ స‌రిగా జ‌రుగుతుంది. ఆలుగడ్డ జ్యూస్ తాగడం వల్ల క‌ళ్ల కింద వ‌చ్చే న‌ల్ల‌ని మ‌చ్చ‌లు తొల‌గిపోతాయి. ఈ జ్యూస్ లో యాంటీ ఆక్సిడెంట్లు పుష్క‌లంగా ఉంటాయి. ఎటువంటి ఇన్ ఫెక్ష‌న్లు రాకుండా ఆలుగడ్డ జ్యూస్ కాపాడుతోంది. మైగ్రేన్‌తో బాధపడే వారు ఆలుగడ్డ జ్యూస్‌ను తాగితే ఫలితం ఉంటుంది.
ఆలుగడ్డ జ్యూస్ తాగడం వల్ల మ‌న‌కు రోజువారిగా కావాల్సిన 40శాతం వ‌ర‌కూ బి విట‌మిన్లు ల‌భిస్తాయి. అంతేకాదు.. బంగాళదుంప జ్యూస్‌తో చర్మసమస్యలు కూడా నయమవుతాయని చెబుతున్నారు. చర్మం ముడ‌త‌లు పడకుండా కాపాడుతూ, వయసు పైబడిన లక్షణాలను దూరం చేస్తుంది.
అయితే, ఆలు గ‌డ్డ‌ను తింటే ప‌లు నొప్పులు వ‌స్తాయ‌నుకుంటారు చాలా మంది.. కానీ ఆలుగడ్డ జ్యూస్ ను తాగితే చాలా వ‌ర‌కూ బ‌రువు కూడా త‌గ్గుతారని ఓ స‌ర్వే నివేదిక చెబుతుంది. ఎటువంటి కిళ్ల నొప్పులు లేకుండా ఉండ‌వ‌చ్చు. ఇక హైబీపీనుంచి కూడా ఉప‌శ‌మ‌నం ల‌భిస్తోంది.
ఆలుగడ్డ జ్యూస్‌లో ఉండే ఫైబర్ మలబద్దకం సమస్య నుంచి ఉపశమనాన్నిస్తుంది. ఆలుగడ్డ జ్యూస్ తాగడం వల్ల క్యాన్స‌ర్ బారీ నుంచి కూడా ఉప‌శ‌మ‌నం పొంద‌వ‌చ్చు. ఇలా ఆలుగడ్డ జ్యూస్ తాగడం వల్ల ప‌లు రోగాల బారీ నుంచి త‌ప్పించుకోవ‌డమే కాకుండా ఆరోగ్యంకూడా కుదురుగా ఉంటుంది.
బంగాళా దుంప జ్యూస్ క్రమం తప్పకుండా తీసుకోవటం వల్ల సహజ శోథ నిరోధక శక్తి పెరుగుతుంది. హృదయనాళ ఆరోగ్యాన్ని మెరుగుపరుస్తుంది. ఇది మనల్ని ఎనర్జిటిక్గా ఉంచుతుంది. కళ్లు, చర్మం, దంతాల ఆరోగ్యం, నాడీ వ్యవస్థ కూడా మెరుగవుతుంది. అజీర్తికి కూడా తోడ్పడుతుంది. చర్మాన్ని శుభ్రపరుస్తుంది. ఉబ్బరాన్ని తగ్గిస్తుంది. అకాల వృద్ధాప్యాన్ని దూరం చేస్తుంది. మెరుగైన రోగనిరోధక వ్యవస్థకు తోడ్పడుతుంది. (గమనిక: ఇలాంటివి ట్రై చేసే ముందు మీ వైద్యుని సలహా తీసుకోవటం ఉత్తమం. ఇంటర్‌నెట్‌లో లభించిన సమాచారం మేరకు మాత్రమే ఇక్కడ అందించాం)