Zika Symptoms: ప్రభలుతున్న జీకా వైరస్ జ్వరాలు.. ఈ లక్షణాలు కనిపిస్తే ఆలస్యం చేయకండి
వర్షాకాలం వచ్చిందంటే దోమల బెడద మొదలౌతుంది. దోమల వల్ల మలేరియా, డెంగ్యూ వంటి విష జ్వరాలు ప్రభలుతాయి. ప్రస్తుతం భయపడుతున్న ఈ రెండు వ్యాధులతోపాటు జికా వైరస్ కూడా తోడైంది. నిజానికి, జికా అనేది దోమ కాటు వల్ల వచ్చే వ్యాధి. ఈ వ్యాధి లక్షణాలు సాధారణ ఫ్లూ మాదిరిగానే ఉంటాయి. ఈ వ్యాధి జ్వరం లక్షణం వల్ల వ్యక్తమవుతుంది..
వర్షాకాలం వచ్చిందంటే దోమల బెడద మొదలౌతుంది. దోమల వల్ల మలేరియా, డెంగ్యూ వంటి విష జ్వరాలు ప్రభలుతాయి. ప్రస్తుతం భయపడుతున్న ఈ రెండు వ్యాధులతోపాటు జికా వైరస్ కూడా తోడైంది. నిజానికి, జికా అనేది దోమ కాటు వల్ల వచ్చే వ్యాధి. ఈ వ్యాధి లక్షణాలు సాధారణ ఫ్లూ మాదిరిగానే ఉంటాయి. ఈ వ్యాధి జ్వరం లక్షణం వల్ల వ్యక్తమవుతుంది.
మలేరియా, డెంగ్యూ, జికా లాంటివి దోమల వల్ల వ్యాపిస్తాయి. కానీ ఈ వ్యాధి డెంగ్యూకి భిన్నమైనది. చాలా సందర్భాలలో ఈ వ్యాధి ప్రమాదకరమైనది కావచ్చు. జికా అంటువ్యాధి. ఈ వ్యాధి ఒక వ్యక్తి నుండి మరో వ్యక్తికి సులభంగా వ్యాపిస్తుంది. గర్భిణీ తల్లికి జికా సోకితే.. పుట్టబోయే బిడ్డకు కూడా ఆ వ్యాధి సోకుతుంది.
వర్షాకాలంలో దోమల బెడద పెరిగినప్పుడు జికా వ్యాప్తి పెరుగుతుంది. ఈ వ్యాధికి ఇంకా టీకా కనుగొనలేదు. ఈ వ్యాధిని నివారించడం ఒక్కటే మార్టం. వ్యాధిని ప్రారంభంలోనే గుర్తిస్తే ఎలాంటి ప్రమాదం ఉండదు. ఈ వ్యాధి లక్షణాలు ఎలా ఉంటాయంటే..
జికా ప్రధాన లక్షణం జ్వరం. తేలికపాటి జ్వరంతో పాటు, తలనొప్పి, కండరాలు, కీళ్ల నొప్పులు, అలసట, కడుపు నొప్పి ఉంటుంది. అంతేకాకుండా చర్మంపై దద్దుర్లు, కనురెప్పల దిగువ భాగంలో మంట ఉంటుంది. జికా దోమ కుట్టిన తర్వాత 3-14 రోజుల తర్వాత వ్యాధి లక్షణాలు కనిపిస్తాయి. ఈ లక్షణాలు కనిపిస్తే వెంటనే వైద్యుడిని సంప్రదించాలి. ఈ వ్యాధి సోకకుండా ఉండాలంటే దోమలకు దూరంగా ఉండాలి. జికాను నివారించడానికి దోమల నుంచి మిమ్మల్ని మీరు రక్షించుకోవాలి. కాబట్టి ఇంటి లోపల, చుట్టుపక్కల నిల్ల నీరు లేకుండా చూసుకోవాలి. నిల్వ నీటిలో దోమలు వృద్ధి చెందుతాయి.
అలాగే ఇంటిని శుభ్రంగా ఉంచుకోవడం, రాత్రి పడుకునేటప్పుడు దోమతెరలు ఉపయోగించడం చేయాలి. దోమలు ఉంటే కాయిల్స్ లేదా మస్కిటో రిపెల్లెంట్ ఆయిల్ వంటివి ఉపయోగించాలి. ఫుల్ స్లీవ్ బట్టలు ధరించాలి. జీకా సోకిన వ్యక్తులకు దూరంగా ఉండాలి.