WPL 2026 Auction: ప్రపంచంలోనే అత్యంత ఫాస్ట్ బౌలర్.. కట్చేస్తే.. తక్కువ బిడ్తోనే సొంతం చేసుకున్న ముంబై..
World Fastest Bowler Shabnim Ismail: దక్షిణాఫ్రికా ఫాస్ట్ బౌలర్ షబ్నిమ్ ఇస్మాయిల్ WPL 2026లో ముంబై ఇండియన్స్ తరపున ఆడనుంది. ఈ అనుభవజ్ఞురాలైన కుడిచేతి వాటం బౌలర్ మహిళల క్రికెట్లో అత్యంత వేగవంతమైన బౌలర్ కావడంతో బ్యాటర్లకు పీడకలలా మారింది.
షబ్నిమ్ ఇస్మాయిల్ తన కెరీర్లో అనేక ఒడిదుడుకులను ఎదుర్కొంది. ఆమె ఒకప్పుడు స్పీడ్ పాయింట్ టెక్నీషియన్గా పనిచేసింది. ఆమె క్రికెట్ను రాత్రింబవళ్లు ప్రాక్టీస్ చేస్తూనే, పగలు, రాత్రి కూడా పనిచేసింది. ఆమె మెకానికల్ ఇంజనీర్ కావాలని కూడా ఆకాంక్షించింది. కానీ క్రికెట్ ఆమెను ఆకర్షించింది. అనేక రికార్డులు సృష్టించింది.
షబ్నిమ్ ఇస్మాయిల్ అంతర్జాతీయ క్రికెట్ నుంచి రిటైర్ అయింది. కానీ ఆమె ప్రపంచవ్యాప్తంగా ఉన్న T20 లీగ్లలో ఆడుతూనే ఉంది. ఆమె WBBL, ఉమెన్స్ 100, WPL, WCPL వంటి ప్రధాన లీగ్లలో ఆడుతుంది. ఆమె అంతర్జాతీయ T20లలో 123 వికెట్లు, ఉమెన్స్ ప్రీమియర్ లీగ్లో 20 వికెట్లు పడగొట్టింది.
షబ్నిమ్ ఇస్మాయిల్ను ముంబై ఇండియన్స్ కేవలం రూ. 60 లక్షలకు కొనుగోలు చేసింది. పవర్ప్లే, డెత్ ఓవర్లలో మ్యాచ్లను ఒంటిచేత్తో తిప్పగల షబ్నిమ్ ఇస్మాయిల్ లాంటి శక్తివంతమైన బౌలర్కు ఇది చాలా చిన్న మొత్తం.
2024 ఉమెన్స్ ప్రీమియర్ లీగ్లో ఢిల్లీ క్యాపిటల్స్తో జరిగిన మ్యాచ్లో షబ్నిమ్ ఇస్మాయిల్ చారిత్రాత్మక బంతిని సంధించింది. ఆమె గంటకు 132.1 కి.మీ వేగంతో బౌలింగ్ చేయడం ద్వారా చరిత్ర సృష్టించింది. ఇస్మాయిల్ ఫాస్ట్ బౌలింగ్ దక్షిణాఫ్రికాను అనేక విజయాలకు నడిపించింది. ఇప్పుడు ఆమె ముంబై ఇండియన్స్ను మళ్లీ విజయానికి నడిపించడానికి సిద్ధంగా ఉంది.
దక్షిణాఫ్రికా ఫాస్ట్ బౌలర్ షబ్నిమ్ ఇస్మాయిల్ WPL 2026లో ముంబై ఇండియన్స్ తరపున ఆడనుంది. ఈ అనుభవజ్ఞురాలైన కుడిచేతి వాటం బౌలర్ మహిళల క్రికెట్లో అత్యంత వేగవంతమైన బౌలర్ కావడంతో బ్యాటర్లకు ఓ పీడకలలగా మారింది.