ఆడింది 15 మ్యాచ్లు.. ఒక్కటి కూడా ఓడిపోని తోపు కెప్టెన్.. ఆ టీమిండియా ప్లేయర్ ఎవరంటే?
Ishan Kishan Unbeaten Record: దులీప్ ట్రోఫీ సెమీ-ఫైనల్లో ఈస్ట్ జోన్ టీ సెంట్రల్ జోన్ను 4 వికెట్ల తేడాతో ఓడించింది. కెప్టెన్ ఇషాన్ కిషన్ మరోసారి తన అద్భుత ప్రదర్శనతో ఆకట్టుకున్నాడు. ఈ క్రమంలో తనపేరుతో ఓ స్పెషల్ రికార్డ్ ను లిఖించుకున్నాడు.
ఇషాన్ కిషన్ కెప్టెన్సీలో ఈస్ట్ జోన్ దులీప్ ట్రోఫీ ఫైనల్కు చేరుకుంది. సెమీఫైనల్స్లో సెంట్రల్ జోన్ను ఓడించిన తర్వాత, ఇషాన్ కిషన్ అద్భుతమైన రికార్డు వెలుగులోకి వచ్చింది.
కెప్టెన్గా ఇషాన్ కిషన్ ఒక్క ఫస్ట్-క్లాస్ మ్యాచ్లో కూడా ఓడిపోలేదని తెలిస్తే మీరు ఆశ్చర్యపోతారు. అతను గత ఎనిమిదేళ్లుగా ఫస్ట్-క్లాస్ జట్లకు కెప్టెన్గా వ్యవహరిస్తూ అజేయంగా నిలిచాడు.
గత ఎనిమిదేళ్లలో, ఇషాన్ కిషన్ 15 ఫస్ట్-క్లాస్ మ్యాచ్లకు జట్టుకు కెప్టెన్గా వ్యవహరించి, ఒక్క మ్యాచ్లో కూడా ఓడిపోలేదు. అతను ఎనిమిది గెలిచి, ఏడు డ్రా చేసుకున్నాడు.
2018లో జరిగిన ఒక ఫస్ట్-క్లాస్ మ్యాచ్లో ఇషాన్ కిషన్ జార్ఖండ్కు కెప్టెన్గా వ్యవహరించాడు. ఆ మ్యాచ్లో జార్ఖండ్ అస్సాంతో డ్రా చేసుకుంది. ఆ తర్వాత హర్యానాపై తమ తొలి విజయాన్ని నమోదు చేసింది.
ఈస్ట్ జోన్ విజయంలో ఇషాన్ కిషన్ కీలక పాత్ర పోషించాడు. అతను 41 బంతుల్లో అజేయంగా 39 పరుగులు చేశాడు. రెండో ఇన్నింగ్స్లో వైభవ్ సూర్యవంశీ కూడా 40 పరుగులు చేశాడు. తొలి ఇన్నింగ్స్లో 93 పరుగులు చేసిన అతను, కేవలం 7 పరుగుల తేడాతో సెంచరీని కోల్పోయాడు.