Rohit Sharma: ప్రపంచ రికార్డ్కు 22 పరుగుల దూరంలో హిట్మ్యాన్.. ప్రపంచంలోనే తొలి ప్లేయర్గా..
ICC World Cup 2023: అక్టోబర్ 5న జరిగే తొలి మ్యాచ్లో ఇంగ్లండ్, న్యూజిలాండ్ జట్లు తలపడనున్నాయి. అక్టోబరు 8న ఆస్ట్రేలియాతో ఆడడం ద్వారా టీమిండియా ప్రపంచకప్ ప్రచారాన్ని ప్రారంభించనుంది. అయితే, కంగారులతో జరగబోయే మ్యాచ్లో టీమిండియా కెప్టెన్ రోహిత్ శర్మ 22 పరుగులు చేస్తే.. సరికొత్త ప్రపంచ రికార్డ్ క్రియేట్ అవుతుంది. అది కూడా మరో ప్రత్యేక ప్రపంచకప్ రికార్డు కానుంది. ఆ వివరాలేంటో ఇప్పుడు తెలుసుకుందాం.. ఈ లిస్టులో ఎవరున్నారో చూద్దాం..
World Cup 2023: వన్డే ప్రపంచకప్నకు మరికొద్ది రోజులు మాత్రమే మిగిలి ఉన్నాయి. అక్టోబర్ 5న జరిగే తొలి మ్యాచ్లో ఇంగ్లండ్, న్యూజిలాండ్ జట్లు తలపడనున్నాయి. అక్టోబరు 8న ఆస్ట్రేలియాతో ఆడడం ద్వారా టీమిండియా ప్రపంచకప్ ప్రచారాన్ని ప్రారంభించనుంది.
విశేషమేమిటంటే ఈ మ్యాచ్లో టీమిండియా కెప్టెన్ రోహిత్ శర్మ 22 పరుగులు చేస్తే సరికొత్త ప్రపంచ రికార్డు క్రియేట్ అవుతుంది. అది కూడా మరో ప్రత్యేక ప్రపంచకప్ రికార్డ్ అవుతుంది.
అంటే, వన్డే ప్రపంచకప్లో అత్యంత వేగంగా 1000 పరుగులు చేసిన ఆటగాడిగా సచిన్ టెండూల్కర్ రికార్డు సృష్టించాడు. వన్డే ప్రపంచకప్లో కేవలం 20 ఇన్నింగ్స్ల్లో వెయ్యి పరుగులు పూర్తి చేసిన మాస్టర్ బ్లాస్టర్ రికార్డు సృష్టించాడు.
ఇప్పుడు ఈ రికార్డును బద్దలు కొట్టాలంటే రోహిత్ శర్మకు 22 పరుగులు మాత్రమే కావాలి. ప్రస్తుతం 17 ఇన్నింగ్స్ల్లో 978 పరుగులు చేశాడు. ఆస్ట్రేలియా లేదా ఆఫ్ఘనిస్థాన్తో జరిగే మ్యాచ్లో అతను మొత్తం 22 పరుగులు చేస్తే, వన్డే ప్రపంచకప్లో అత్యంత వేగంగా 1000 పరుగులు చేసిన ప్లేయర్గా నిలవనున్నాడు.
వన్డే ప్రపంచకప్లో వెయ్యి పరుగులు పూర్తి చేసేందుకు విరాట్ కోహ్లీ 25 ఇన్నింగ్స్లు తీసుకున్నాడు. ఇప్పుడు రోహిత్ శర్మ కేవలం రెండు ప్రపంచకప్లలో (2015, 2019) వెయ్యి పరుగులు పూర్తి చేసి సరికొత్త చరిత్రను లిఖించబోతున్నాడు.