Team India: ప్రతిభ ఫుల్.. అవకాశాలే నిల్.. ఆ స్టార్ ప్లేయర్‌ ప్లేస్‌కు చెక్ పెట్టేందుకు సిద్ధమైన 5గురు..
భారత జట్టు వైస్ కెప్టెన్, ఓపెనర్ కేఎల్ రాహుల్ కెప్టెన్సీలో, ఇటీవల బంగ్లాదేశ్‌తో జరిగిన టెస్ట్ సిరీస్‌ను భారత్ 2-0తో నమోదు చేసింది. అయితే ఈ సిరీస్‌లోనూ రాహుల్ బ్యాట్ సైలెంట్‌గా కనిపించింది.
భారత జట్టు వైస్ కెప్టెన్, ఓపెనర్ కేఎల్ రాహుల్ కెప్టెన్సీలో, ఇటీవల బంగ్లాదేశ్‌తో జరిగిన టెస్ట్ సిరీస్‌ను భారత్ 2-0తో నమోదు చేసింది. అయితే ఈ సిరీస్‌లో కూడా రాహుల్ బ్యాట్ సైలెంట్‌గా కనిపించడంతో అతడికి జట్టులో చోటు దక్కడంపై నిత్యం ప్రశ్నలు తలెత్తుతున్నాయి. T20 ప్రపంచ కప్ 2022 వంటి పెద్ద టోర్నమెంట్‌లలోనూ కేఎల్ రాహుల్ పరుగులు చేయడంలో కష్టపడ్డాడు. ఈ సందర్భంలో అతని టీ20, టెస్ట్ క్రికెట్ కెరీర్‌కు ముప్పు ఉంది. రాహుల్ స్థానాన్ని కైవసం చేసుకోవడానికి ఐదుగురు యువ ఆటగాళ్లు సిద్ధంగా ఉన్నారు. వారి బలమైన ప్రదర్శన కారణంగా భారత్‌కు ఒంటరిగా విజయాన్ని అందించగలరు. వారెవరో ఇప్పుడు చూద్దాం..
1. శుభమాన్ గిల్: ఈ జాబితాలో టీమ్ ఇండియా ఓపెనర్ శుభ్‌మన్ గిల్ పేరు నంబర్ 1లో ఉంది. ప్రస్తుతం శుభమాన్ గిల్ అద్భుతమైన ఫామ్‌లో ఉన్నాడు. ఇటీవల ముగిసిన టెస్టు సిరీస్‌లో బంగ్లాదేశ్‌పై గిల్ మెరుపు సెంచరీ కొట్టాడు. రెండు మ్యాచ్‌ల టెస్టు సిరీస్‌లో అతను మొత్తం 157 పరుగులు చేశాడు. ఇటువంటి పరిస్థితిలో, అతని అద్భుతమైన ఫామ్ చూస్తుంటే కేఎల్ రాహుల్‌కు ఉత్తమ ప్రత్యామ్నాయంగా పేరుగాంచాడు. అదే సమయంలో, ఫిబ్రవరి 2023లో ఆస్ట్రేలియాతో జరిగే టెస్ట్ సిరీస్‌లో, అతను రోహిత్ శర్మతో కలిసి ఓపెనింగ్‌ను చేయవచ్చు.
2. సంజు శాంసన్: 2వ స్థానంలో టీమ్ ఇండియా వికెట్ కీపర్ బ్యాట్స్‌మెన్ సంజూ శాంసన్ పేరు ఉంది. అతను చాలా కాలంగా టీం నుంచి తప్పిస్తున్నారు. సంజులో ప్రతిభకు లోటు లేదు. అయినప్పటికీ అతనికి ఆడే అవకాశం రాలేదు. టీ20లో, అతను ఓపెనర్‌గా నాలుగు మ్యాచ్‌లలో ప్రారంభించాడు. 26.25 సగటు, 164.06 స్ట్రైక్ రేట్‌తో 105 పరుగులు చేశాడు. సంజూ ఇప్పటి వరకు 226 టీ20 మ్యాచుల్లో 5612 పరుగులు చేయగా, వన్డేల్లో 11 మ్యాచ్‌లు ఆడి 330 పరుగులు చేశాడు. ఇలాంటి పరిస్థితుల్లో కేఎల్ రాహుల్‌కు ప్రత్యామ్నాయంగా సంజూని పరిగణిస్తున్నారు.
3. ఇషాన్ కిషన్: మూడో స్థానంలో టీమ్ ఇండియా ఓపెనర్ ఇషాన్ కిషన్ పేరు ఉంది. ఇతను ఓపెనర్‌గా కేఎల్ రాహుల్‌కు ఉత్తమ ప్రత్యామ్నాయంగా పరిగణిస్తున్నారు. ఈ ఎడమచేతి వాటం బ్యాట్స్‌మన్ ఇప్పటివరకు టీ20 క్రికెట్ ఆడాడు. తన కెరీర్‌లో మొత్తం 21 T20 మ్యాచ్‌లు ఆడాడు. అందులో అతను 29.45 సగటు, 589 పరుగులు చేశాడు. ఇటీవల బంగ్లాదేశ్‌తో జరిగిన వన్డే సిరీస్‌లో ఇషాన్ డబుల్ సెంచరీ సాధించాడు. అతను 131 బంతుల్లో 24 ఫోర్లు, 10 సిక్సర్లతో 210 పరుగులు చేశాడు. ఇటువంటి పరిస్థితిలో టీ20 ఫార్మాట్‌లో కేఎల్ రాహుల్‌కు ఇషాన్ ఉత్తమ ప్రత్యామ్నాయంగా పేర్కొంటున్నారు.
4. పృథ్వీ షా: 4వ నంబర్‌లో టీమ్ ఇండియా ఓపెనర్ పృథ్వీ షా పేరు ఉంది. అతను ప్రస్తుతం భారత్‌కు ఆడే అవకాశాలు లేవు. కానీ, ప్రస్తుతం పృథ్వీ ఫామ్ అద్భుతంగా ఉంది. సయ్యద్ ముస్తాక్ అలీ ట్రోఫీ సీజన్‌లో, పృథ్వీ ముంబై జట్టు కోసం అద్భుతంగా ఆడాడు. ముంబై జట్టు తరపున అత్యధిక పరుగులు చేసిన ఆటగాడిగా కూడా నిలిచాడు. అతను 2018 నుండి 2022 వరకు మొత్తం 92 T20 మ్యాచ్‌లు ఆడాడు. తన బ్యాట్‌తో 2401 పరుగులు చేశాడు. అలాగే 18 హాఫ్ సెంచరీలు, ఒక సెంచరీ చేశాడు. ఈ సమయంలో అతని స్ట్రైక్ రేట్ 151.67గా నిలిచింది. ఇటువంటి పరిస్థితిలో అతని అద్భుతమైన ప్రదర్శనను చూస్తుంటే కేఎల్ రాహుల్‌కు ఉత్తమ ప్రత్యామ్నాయంగా పరిగణిస్తున్నారు.
5. రుతురాజ్ గైక్వాడ్: 5వ స్థానంలో భారత జట్టు ఓపెనర్ రితురాజ్ గైక్వాడ్ పేరు ఉంది. అతని బ్యాట్ దేశవాళీ క్రికెట్‌లో నిప్పులుచెరుగుతూ కనిపించింది. విజయ్ హజారే ట్రోఫీ 2022లో అతను మహారాష్ట్ర జట్టుకు ఆడుతూ 4 సెంచరీలు సాధించాడు. యూపీతో ఆడిన మ్యాచ్‌లో, అతను ఓవర్‌లో 7 సిక్సర్లు కొట్టిన ఘనత కూడా సాధించాడు. దీంతో పాటు ముస్తాక్ అలీ ట్రోఫీలోనూ అద్భుత ప్రదర్శన చేశాడు. ఇలాంటి పరిస్థితుల్లో కేఎల్ రాహుల్ స్థానంలో అతనే బెస్ట్ ఆప్షన్‌గా పరిగణిస్తున్నారు.