Team India: ఒకే ఓవర్లో 6 బౌండరీలు.. 16 బంతుల్లో 9 ఫోర్లు, 1 సిక్స్.. 281 స్టైక్రేట్తో బౌలర్లపై ఊచకోత..
అండర్-19 ప్రపంచకప్లో భారత జట్టుకు సారథ్యం వహిస్తున్న షెఫాలీ వర్మ బ్యాట్తోనే కాకుండా బంతితోనూ తన సత్తా చూపి భారత్ విజయంలో కీలక పాత్ర పోషించింది.
తన చిన్న అంతర్జాతీయ కెరీర్లో తుఫాన్ బ్యాటింగ్తో తనకంటూ ప్రత్యేక గుర్తింపు తెచ్చుకున్న భారత యువ ఓపెనర్ షెఫాలీ వర్మ అండర్-19 ప్రపంచకప్లో తొలి మ్యాచ్లోనే విధ్వంసం సృష్టించింది. దక్షిణాఫ్రికాలో జరుగుతున్న మహిళల అండర్-19 టీ20 ప్రపంచకప్లో దక్షిణాఫ్రికాతో జరిగిన తొలి మ్యాచ్లో షెఫాలీ తన వయస్సు చిన్నదైనప్పటికీ, అండర్-19 స్థాయికి మించి ఆడింది.
బెనోనిలో దక్షిణాఫ్రికా నిర్దేశించిన 167 పరుగుల లక్ష్యానికి సమాధానంగా ఓపెనర్గా బరిలోకి దిగిన భారత కెప్టెన్ షెఫాలీ.. వచ్చిన వెంటనే బ్యాటింగ్ ప్రారంభించి తొలి ఓవర్లోనే రెండు ఫోర్లు బాదింది.
ఆరో ఓవర్లో షెఫాలీ అత్యంత దూకుడుగా ఆడింది. 19 ఏళ్ల భారత బ్యాట్స్మన్ ఈ ఓవర్లో 26 పరుగులు సాధించింది. వరుసగా 6 సార్లు బంతిని బౌండరీకి పంపింది.
ఈ ఓవర్ తొలి 5 బంతుల్లో వరుసగా 5 ఫోర్లు బాదిన షెఫాలీ చివరి బంతిని సిక్సర్కి పంపింది. ఎనిమిదో ఓవర్లో షెఫాలీ ఔటైంది. కేవలం 16 బంతుల్లోనే 45 పరుగులు (9 ఫోర్లు, 1 సిక్స్) బాదేసింది.
బ్యాట్తో భయాందోళనలు సృష్టించే ముందు, షెఫాలీ బంతితో కూడా అద్భుతాలు చేసింది. భారత కెప్టెన్ 4 ఓవర్లలో 31 పరుగులిచ్చి 2 వికెట్లు పడగొట్టి జట్టులో అత్యంత విజయవంతమైన బౌలర్గా నిలిచింది.