Pak vs Aus: డబుల్ సెంచరీ మిస్సయినా.. ప్రత్యేక జాబితాలో చేరిన పాక్ సారథి.. టాప్ 5లో టీమిండియా దిగ్గజ ప్లేయర్ కూడా..
బాబర్ ఆజం ఆస్ట్రేలియాపై డబుల్ సెంచరీ చేయడంలో విఫలమయ్యాడు. కానీ అతని ఇన్నింగ్స్ కారణంగా పాకిస్థాన్ మ్యాచ్ను డ్రా చేసుకుంది.
కరాచీ వేదికగా జరుగుతున్న రెండో టెస్టు మ్యాచ్లో పాకిస్థాన్ ముందు 506 పరుగుల టార్గెట్ను ఉంచింది. తొలి ఇన్నింగ్స్లో పాకిస్థాన్ 148 పరుగులకే ఆలౌటైంది. కానీ పాక్ కెప్టెన్ బాబర్ అజామ్, మిగిలిన బ్యాట్స్మెన్ల అద్భుతమైన ఇన్నింగ్స్ బలంతో, పాకిస్తాన్ ఈ మ్యాచ్ను డ్రా చేసుకుంది. దీంతో బాబర్ రికార్డు సృష్టించాడు.
తన వికెట్పై నిలవడం చాలా ముఖ్యమని బాబర్కు తెలుసు. అందుకే అతను మ్యాచ్ నాలుగో ఇన్నింగ్స్లో నెమ్మదిగా బ్యాటింగ్ చేశాడు. ఇందులో అతను ఓ రికార్డును కూడా సృష్టించాడు. అతని పేరు ప్రత్యేక జాబితాలో చేరింది. టెస్టు మ్యాచ్లోని నాల్గవ ఇన్నింగ్స్లో అత్యధిక డెలివరీలు ఆడిన ఆటగాళ్లలో అతను మొదటి ఐదు స్థానాల్లోకి చేరాడు.
ఈ జాబితాలో బాబర్ నాలుగో స్థానంలో ఉన్నాడు. బాబర్ నాలుగో ఇన్నింగ్స్లో 425 బంతుల్లో 196 పరుగులు చేశాడు. అతను తన తొలి డబుల్ సెంచరీని కోల్పోయినప్పటికీ, టెస్టుల్లో తన అత్యధిక స్కోరును నమోదు చేశాడు.
ఇంగ్లండ్ మాజీ కెప్టెన్ మైకేల్ అథర్టన్ టెస్టు మ్యాచ్లో నాలుగో ఇన్నింగ్స్లో అత్యధిక బంతులు ఆడిన ఆటగాడిగా రికార్డు సృష్టించాడు. 1995లో జోహన్నెస్బర్గ్లో దక్షిణాఫ్రికాతో జరిగిన మ్యాచ్లో అథర్టన్ 492 బంతుల్లో 185 పరుగులు చేశాడు.
1928లో మెల్బోర్న్లో ఆస్ట్రేలియాపై 462 బంతులు ఆడిన ఆస్ట్రేలియాకు చెందిన హెర్బర్ట్ సట్క్లిఫ్ ఈ జాబితాలో రెండో స్థానంలో ఉన్నాడు. భారత ఆటగాడు సునీల్ గవాస్కర్ మూడో స్థానంలో ఉన్నాడు. అతను 1979లో ఓవల్లో నాలుగో ఇన్నింగ్స్లో 443 బంతులు ఎదుర్కొన్నాడు. 1925లో ఆస్ట్రేలియాపై 390 బంతులు ఎదుర్కొన్న హెర్బర్ట్ మళ్లీ ఐదో స్థానంలో నిలిచాడు.