Sachin Tendulkar: చరిత్ర సృష్టించిన కివీస్ సారథి.. 24 ఏళ్ల సచిన్ టెండూల్కర్ ‘స్పెషల్’ రికార్డుకు బీటలు..
Odi Cricket Records: సచిన్ టెండూల్కర్ 24 ఏళ్ల రికార్డును బద్దలు కొట్టాడు. టామ్ లాథమ్ బద్దలు కొట్టిన సచిన్ టెండూల్కర్ రికార్డును మాస్టర్ బ్లాస్టర్ 1998లో సృష్టించాడు. టామ్ లాథమ్..
Odi Cricket Records: న్యూజిలాండ్ తరపున టామ్ లాథమ్ వన్డే క్రికెట్లో ఆరో సెంచరీని నమోదు చేశాడు. నెదర్లాండ్స్పై 123 బంతుల్లో అజేయంగా 140 పరుగులు చేసి ఈ ఘనత సాధించాడు. దీంతో ఓ చరిత్ర కూడా సృష్టించారు. అలాగే సచిన్ టెండూల్కర్ 24 ఏళ్ల రికార్డును బద్దలు కొట్టాడు. టామ్ లాథమ్ బద్దలు కొట్టిన సచిన్ టెండూల్కర్ రికార్డును మాస్టర్ బ్లాస్టర్ 1998లో సృష్టించాడు. టామ్ లాథమ్ తన పుట్టినరోజున సెంచరీ చేసిన తొలి కెప్టెన్గా నిలిచాడు. కేన్ విలియమ్సన్ లేకపోవడంతో, నెదర్లాండ్స్తో జరిగిన వన్డే సిరీస్లో కివీ జట్టుకు టామ్ లాథమ్ కెప్టెన్గా వ్యవహరిస్తున్నాడు.
ప్రస్తుతం సచిన్ టెండూల్కర్ రికార్డును టామ్ లాథమ్ బద్దలు కొట్టాడు. ఆ రికార్డు పుట్టినరోజు నాడు చేసిన అత్యధిక ODI స్కోరుగా నిలిచింది. సచిన్ టెండూల్కర్ 1998లో తన పుట్టినరోజున 134 పరుగులు చేశాడు. ఇప్పుడు టామ్ లాథమ్ అజేయంగా 140 పరుగులు చేసి దానిని బ్రేక్ చేశాడు.
2011 సంవత్సరంలో 131 పరుగులు చేసిన రాస్ టేలర్ పుట్టినరోజున భారీ వన్డే స్కోరు చేసిన ఆటగాళ్ల జాబితాలో మూడో స్థానంలో ఉన్నాడు. అదే సమయంలో, సనత్ జయసూర్య 2008 సంవత్సరంలో 130 పరుగులు చేసి నాలుగో స్థానంలో ఉన్నాడు. కాగా, వినోద్ కాంబ్లీ 1993లో తన పుట్టినరోజున 100 పరుగులు చేశాడు.