MS Dhoni: ఫ్యాన్స్కి పండగే.. ఐపీఎల్ 2025లో ఆడడంపై ధోని కీలక స్టేట్మెంట్.. ఏమన్నాడంటే?
IPL 2025: ఐపీఎల్ 2025 కోసం మోగం వేలం జరగనుంది. ఇందుకోసం అన్ని జట్లు సిద్ధమవుతున్నాయి. ఈనెల చివరిలోపు రిటైన్, రిలీజ్ ప్లేయర్ల జాబితాను సిద్ధం చేయాల్సి ఉంంది. అలాగే, సీనియర్ ప్లేయర్ ఎంఎస్ ధోనిపై ఓ కీలక న్యూస్ బయటకు వచ్చింది. ఐపీఎల్ 2025లో ఆడడంపై ఆయనే ఓ స్టేట్ మెంట్ ఇచ్చాడు.
MS Dhoni on Playing IPL 2025: ఐపీఎల్ 2025 సీజన్ వచ్చే ఏడాది జరగనుంది. అయితే, మెగా వేలం కారణంగా, అభిమానులలో ఇప్పటికే క్యూరియాసిటీ ఏర్పడింది. చాలా చర్చలు ఇప్పటికే మొదలయ్యాయి. నవంబర్ చివరి వారంలో మెగా వేలం ప్లాన్ చేస్తున్నారు. దీనిపై అధికారిక ప్రకటన త్వరలో వెలువడనుంది. మెగా వేలంతో పాటు ఎంఎస్ ధోనీ వచ్చే సీజన్ ఆడతాడా లేదా అనే పెద్ద ప్రశ్న కూడా అభిమానుల మదిలో ఉంది. అయితే, ఇప్పుడు ఈ మాజీ కెప్టెన్ ప్రకటన బయటకు వచ్చింది. ఇది అభిమానులను ఎంతో ఆనందపరుస్తుంది.
ఎంఎస్ ధోని ఐపీఎల్ 2024లో కూడా ఆడేందుకు ఇబ్బంది పడ్డాడు. ఆ సీజన్ మొత్తం గాయంతో ఆడాడు. ఈ సమయంలో కొన్ని అద్భుతమైన సిక్సర్లు కొట్టి అభిమానులను అలరించాడు. ధోని 17వ సీజన్కు ముందు తన పొడవాటి జుట్టును పెంచుకున్నాడు. అతని కెరీర్ ప్రారంభ సంవత్సరాల్లో ఉన్న రూపాన్ని పోలి ఉన్నాడు. ఈ కారణంగా, అతను రిటైర్మెంట్ కూడా తీసుకోవచ్చని అనిపించింది. కానీ, ఇప్పటి వరకు అతను అలాంటిదేమీ సూచించలేదు. అయితే, వచ్చే సీజన్లో ధోని కనిపించడంపై త్వరలో అధికారిక ప్రకటన వెలువడుతుందని అభిమానులు ఎదురుచూస్తున్నారు.
ఓ ప్రమోషనల్ ఈవెంట్ సందర్భంగా, మాజీ భారత కెప్టెన్ మాట్లాడుతూ, నిబద్ధత, భావోద్వేగాలను పరిగణనలోకి తీసుకుంటే ప్రొఫెషనల్ క్రీడ అంత సులభం కాదంటూ చెప్పుకొచ్చాడు. అయితే మరి కొన్నాళ్లు ఆడేందుకు సిద్ధమయ్యాడని ఈ వార్తతో తెలుస్తోంది.
"నేను గత కొన్నేళ్లుగా క్రికెట్ను ఆస్వాదించాలనుకుంటున్నాను. నా చిన్నతనంలో సాయంత్రం 4 గంటలకు ఆడే ఆటను ఆస్వాదించా. కానీ ప్రొఫెషనల్ గేమ్ ఆడుతున్నప్పుడు, మీరు ఆటలాగే క్రికెట్ను ఆస్వాదిస్తారు. ఇది కష్టం. భావోద్వేగాలు ఉంటాయి. నేను రాబోయే కొన్ని సంవత్సరాలు ఆటను ఆస్వాదించాలనుకుంటున్నాను' అంటూ చెప్పుకొచ్చాడు.
ఎంఎస్ ధోని IPL 2025లో ఆడాలని నిర్ణయించుకుంటే, చెన్నై ఫ్రాంచైజీ అతన్ని 4 కోట్ల రూపాయలకు మాత్రమే ఉంచుకోగలదు. ఎందుకంటే ధోని అన్క్యాప్డ్ ప్లేయర్ కేటగిరీలోకి రానున్నాడు. కొత్త రూల్ ప్రకారం ఐదేళ్లుగా అంతర్జాతీయ క్రికెట్ ఆడకుండా ఉండి, సెంట్రల్ కాంట్రాక్ట్ లేకపోతే అతడిని అన్క్యాప్డ్ ప్లేయర్గా పరిగణిస్తారు. ఈ కారణంగా, CSK ధోనిని తక్కువ ధరకు నిలుపుకోగలదు.