MI vs RCB: ముంబై శనిని ఏరికోరి తెచ్చుకున్నారు.. కట్‌చేస్తే.. రూ. 17.5 కోట్ల ప్లేయర్‌కు షాకిచ్చిన బెంగళూరు
MI vs RCB Cameron Green Dropped: ముంబై ఇండియన్స్‌తో జరిగిన మ్యాచ్‌లో ఆర్‌సిబి ప్లేయింగ్ ఎలెవన్ నుంచి కామెరాన్ గ్రీన్‌ను తొలగించింది. అతని స్థానంలో కుడిచేతి వాటం బ్యాట్స్‌మెన్ విల్ జాక్వెస్ జట్టులో చోటు దక్కించుకున్నాడు. తొలి మ్యాచ్ ఆడిన విల్ జాక్వెస్ కేవలం 6 బంతుల్లో 8 పరుగులు మాత్రమే చేసి పెవిలియన్ చేరాడు.
ఇండియన్ ప్రీమియర్ లీగ్ 2024 ప్రారంభానికి ముందు, రాయల్ ఛాలెంజర్స్ బెంగళూరు కామెరాన్ గ్రీన్‌ను ముంబై నుంచి రూ. 17.5 కోట్ల భారీ ధరకు ట్రేడ్ చేసింది. కామెరాన్ గ్రీన్ వచ్చి జట్టును చాలా మ్యాచ్‌లు గెలిపిస్తాడని RCB ఊహించింది. కానీ, సరిగ్గా అందుకు విరుద్ధంగా జరిగింది.
అసలు మ్యాచ్ గెలవడం పక్కన పెడితే.. కామెరాన్ గ్రీన్ ప్రతీ విభాగంలో ఘోరంగా విఫలమయ్యాడు. అటు బ్యాటింగ్, ఇటు బౌలింగ్‌లోనూ సత్తా చాటలేకపోయాడు. దీంతో అతనికి RCB భారీ శిక్ష విధించింది.
ముంబై ఇండియన్స్‌తో జరిగిన మ్యాచ్‌లో ఆర్‌సిబి ప్లేయింగ్ ఎలెవన్ నుంచి కామెరాన్ గ్రీన్‌ను తొలగించింది. అతని స్థానంలో కుడిచేతి వాటం బ్యాట్స్‌మెన్ విల్ జాక్వెస్ జట్టులో చోటు దక్కించుకున్నాడు. తొలి మ్యాచ్ ఆడిన విల్ జాక్వెస్ కేవలం 6 బంతుల్లో 8 పరుగులు మాత్రమే చేసి పెవిలియన్ చేరాడు.
కామెరాన్ గ్రీన్ 5 మ్యాచ్‌ల్లో 68 పరుగులు మాత్రమే చేశాడు. అతని సగటు 17. ఇది మాత్రమే కాదు, అతని స్ట్రైక్ రేట్ కూడా 107 మాత్రమే.
బౌలింగ్‌లో కెమెరూన్‌ గ్రీన్‌కు 2 వికెట్లు మాత్రమే దక్కాయి. ఈ ఆటగాడు 9.40 ఓవర్ల ఎకానమీ రేటుతో పరుగులు ఇచ్చాడు. ఈ కారణంగానే RCB కఠిన నిర్ణయం తీసుకోవలసి వచ్చింది.