IPL 2024: లక్నో టీంలో భారీ ప్రక్షాళన.. మారిన ప్రధాన కోచ్.. గంభీర్ మెడపై వేలాడుతోన్న కత్తి?
Lucknow Super Giants: ఇండియన్ ప్రీమియర్ లీగ్ ఫ్రాంచైజీ లక్నో సూపర్ జెయింట్స్ తమ కొత్త ప్రధాన కోచ్గా జస్టిన్ లాంగర్ పేరును శుక్రవారం ఖరారు చేసింది.
ఇండియన్ ప్రీమియర్ లీగ్ ఫ్రాంచైజీ లక్నో సూపర్ జెయింట్స్ తమ కొత్త ప్రధాన కోచ్గా జస్టిన్ లాంగర్ పేరును శుక్రవారం ఖరారు చేసింది. ఈ సమాచారాన్ని ఫ్రాంచైజీ తమ అధికారిక ట్విట్టర్ ఖాతాలో షేర్ చేసింది.
గతంలో జస్టిన్ లాంగర్ ప్రవేశంతో మొదటి రెండు సీజన్లకు లక్నో సూపర్జెయింట్స్ ప్రధాన కోచ్గా ఉన్న ఆండీ ఫ్లవర్ తప్పుకోవాల్సి వచ్చింది.
ఈ మేరకు ఫ్రాంచైజీ తెలియజేసింది. లక్నో సూపర్జెయింట్స్ ఆస్ట్రేలియా మాజీ క్రికెట్ గ్రేట్ కోచ్, బ్యాట్స్మెన్ జస్టిన్ లాంగర్ను తమ ప్రధాన కోచ్గా నియమించింది. ఆండీ ఫ్లవర్ రెండు సంవత్సరాల కాంట్రాక్ట్ కూడా ముగిసింది.
2024 IPL సీజన్కు ముందు ఫ్రాంచైజీ తీసుకుంటున్న నిర్ణయాలను చూస్తుంటే, జట్టు మెంటార్ గౌతమ్ గంభీర్ భవిష్యత్తు సందేహాస్పదంగా మారింది. ఆయనతో పాటు ఇతర సహాయక సిబ్బంది కూడా మారే అవకాశం ఉందని తెలుస్తోంది.
మే 2018లో ఆస్ట్రేలియా కోచ్గా నియమితులైన జస్టిన్ లాంగర్ నేతృత్వంలోని యాషెస్ సిరీస్లో ఆస్ట్రేలియా ఇంగ్లాండ్ను ఓడించింది. ఆ తర్వాత 2021లో తొలిసారి టీ20 ప్రపంచకప్ను గెలుచుకుంది. ఇంకా, లాంగర్ మార్గదర్శకత్వంలో పెర్త్ స్కార్చర్స్ బిగ్ బాష్ లీగ్ టైటిల్ను మూడుసార్లు గెలుచుకుంది.
అయితే క్రికెట్ ఆస్ట్రేలియా స్వల్పకాలిక కాంట్రాక్ట్ ఆఫర్ను తిరస్కరించిన జస్టిన్ లాంగర్, IPL ఫ్రాంచైజీ లక్నో సూపర్జెయింట్స్ నుంచి వచ్చిన ఆఫర్ను అంగీకరించాడు. ఇప్పుడు తదుపరి IPL సీజన్లో, లక్నో సూపర్ జెయింట్స్ జట్టు జస్టిన్ లాంగర్ మార్గదర్శకత్వంలో నడవనుంది.