IND vs PAK: పాక్‌పై స్పిన్‌తో చెలరేగిన కుల్దీప్.. కట్‌చేస్తే గంగూలీ-సచిన్ లిస్టులో స్థానం.. బ్యాటర్ల సరసన ఈ బౌలర్ ఎలా చేరాడంటే..?
IND vs PAK: ఆసియా కప్ సూపర్ 4లో భాగంగా భారత్, పాక్ మధ్య జరిగిన మ్యాచ్‌లో కుల్దీప్ యాదవ్ తన స్పిన్ మాయాజాలంతో ప్రత్యర్థి జట్టును ఓడించడంలో ప్రధాన పాత్ర పోషించాడు. ఈ మ్యాచ్‌లో 8 ఓవర్లు వేసిన కుల్దీప్ 25 పరుగులు ఇచ్చి 5 వికెట్లు తీసుకున్నాడు. దీంతో పాక్‌పై టీమిండియా 228 పరుగుల తేడాతో ఘన విజయం సాధించింది. అలాగే 5 వికెట్లు తీసిన కుల్దీప్ యాదవ్ కూడా గంగూలీ-సచిన్ లిస్టులో స్థానం దక్కించుకున్నాడు. దిగ్గజ బ్యాటర్ల లిస్టులోకి స్పిన్ బౌలర్ ఎలా చేరాడో ఇప్పుడు తెలుసుకుందాం..
భారత్, పాక్ మధ్య జరిగిన ఆసియా కప్ సూపర్ 4 క్లాష్‌లో టీమిండియా విజయం సాధించింది. ఇక ఈ విజయం కోసం ఫఖర్ జమాన్, ఆఘా సల్మాన్, ఇఫ్తికర్ అహ్మద్, షదాబ్ ఖాన్, ఫహీమ్ ఆష్రఫ్ రూపంలో 5 వికెట్లు పడగొట్టిన కుల్దీప్ యాదవ్.. పాకిస్తాన్‌పై వన్డేల్లో 5 వికెట్ హాల్ నమోదు చేసిన 5వ ప్లేయర్‌గా రికార్డుల్లో నిలిచాడు. ఈ క్రమంలో కుల్దీప్.. టీమిండియా దిగ్గజాలైన సౌరవ్ గంగూలీ, సచిన్ టెండూల్కర్ సరసన కూడా చేరాడు.
భారత్ తరఫున అర్షద్ అయుబ్ 1998లో పాక్‌పై 5 వికెట్లు తీసి.. ప్రత్యర్ధి జట్టుపై 5 వికెట్ హాల్ తీసిన తొలి భారత్ ప్లేయర్‌గా నిలిచాడు. ఆ ఇన్నింగ్స్‌లో అయుబ్ 21 పరుగులు ఇచ్చుకుని 5 వికెట్లు తీశాడు.
అయుబ్ తర్వాత పాక్‌పై సౌరవ్ గంగూలీ ఇదే ఫీట్‌ను సాధించాడు. 1997లో పాక్‌తో జరిగిన ఓ వన్డేలో గంగూలీ కేవలం 16 పరుగులు ఇచ్చి 5 వికెట్లు తీశాడు.
అలాగే వెంకటేశ్ ప్రసాద్ భారత్ తరఫున పాక్‌పై 5 వికెట్లు తీసిన మూడో ప్లేయర్‌గా నిలిచాడు. 1999లో ప్రసాద్ 27 పరుగులకు 5 పాక్ వికెట్లను పడగొట్టాడు.
ఈ లిస్టులో సచిన్ టెండూల్కర్ నాలుగో ప్లయర్. 2005 భారత్ పర్యటను వచ్చిన పాక్‌పై సచిన్ 50 పరుగులు సమర్పించుకుని 5 వికెట్లు తీశాడు.
ఇక తాజాగా కుల్దీప్ యాదవ్ ఈ లిస్టులో 5వ ప్లేయర్‌గా జాయిన్ అయ్యాడు. అయితే ఉత్తమ బౌలింగ్ ప్రదర్శన ప్రకారం 16 పరుగులకే 5 వికెట్లు తీసిన గంగూలీ ప్రధమ స్థానంలో, 50 పరుగులకు 5 వికెట్లు తీసిన సచిన్ 5 స్థానంలో ఉన్నారు. తాజాగా 25 పరుగులకు 5 వికెట్లు తీసిన కుల్దీప్ వీరిద్దరి నడుమ 3వ స్థానంలో ఉన్నాడు. అయ్యుబ్ రెండో స్థానంలో.. వెంకటేవ్ ప్రసాద్ 4వ స్థానంలో ఉన్నారు.