IND vs ZIM: టీమిండియాను వేధిస్తోన్న 300.. ఈసారైన 20 ఏళ్ల కరువుకు ముగింపు పలికేనా?
జింబాబ్వేలో పర్యటిస్తున్న భారత జట్టుకు కేఎల్ రాహుల్ నాయకత్వం వహించనున్నాడు. జింబాబ్వేపై వన్డేల్లో భారత్ 5 భారీ స్కోర్లను నమోదు చేసింది. అవెప్పుడో ఒసారి చూద్దాం..
గురువారం నుంచి వన్డే సిరీస్: ఆగస్టు 18 (గురువారం) నుంచి భారత్-జింబాబ్వే మధ్య మూడు వన్డేల సిరీస్ ప్రారంభం కానుంది. భారత జట్టుకు కేఎల్ రాహుల్ నాయకత్వం వహించనున్నాడు. జింబాబ్వేపై వన్డేల్లో భారత్ 5 భారీ స్కోర్లను నమోదు చేసింది. అవెప్పుడో ఒసారి చూద్దాం..
మోంగియా సూపర్ బ్యాటింగ్‌తో: జింబాబ్వేపై 19 మార్చి 2002న గౌహతిలో భారత్ 333/6 భారీ స్కోర్ నమోదు చేసింది. ఈ మ్యాచ్‌లో దినేష్ మోంగియా అజేయంగా 159 పరుగులు చేశాడు. భారత్ 101 పరుగుల తేడాతో విజయం సాధించింది.
రెచ్చిపోయిన గంగూలీ: 10 మార్చి 2002న మొహాలీలో భారత జట్టు 319/6 స్కోర్ చేసింది. దీనికి ప్రతిస్పందనగా జింబాబ్వే 255 పరుగులకు ఆలౌటైంది. భారత్ తరపున సౌరవ్ గంగూలీ అత్యధికంగా 86 పరుగులు చేశాడు.
గంగూలీ సెంచరీ ఇన్నింగ్స్: జింబాబ్వేపై భారత్ మూడోసారి 306/5 అత్యధిక స్కోరు నమోదు చేసింది. ఇందులో సౌరవ్ గంగూలీ 144 పరుగుల ఇన్నింగ్స్ కీలకంగా నిలిచింది. 5 డిసెంబర్ 2000న అహ్మదాబాద్‌లో జరిగిన ఈ మ్యాచ్‌లో భారత్ 61 పరుగుల తేడాతో విజయం సాధించింది.
అజారుద్దీన్ తుఫాన్ ఇన్నింగ్స్: 1998 ఏప్రిల్ 9న జింబాబ్వే ముందు భారత్ 3 వికెట్ల నష్టానికి 301 పరుగులు చేసింది. కటక్‌లో మహ్మద్ అజారుద్దీన్ అజేయంగా 153, అజయ్ జడేజా అజేయంగా 116 పరుగులతో ఆకట్టుకున్నారు. ఈ మ్యాచ్‌లో భారత్ 32 పరుగుల తేడాతో విజయం సాధించింది.
బదానీ-అగార్కర్ ఆధిపత్యంతో: 5 డిసెంబర్ 2000న రాజ్‌కోట్‌లో జింబాబ్వేపై టీమ్ ఇండియా ఐదవసారి అత్యధిక స్కోరు చేసింది. భారత్ 6 వికెట్లకు 301 పరుగులు చేసింది. ఈ మ్యాచ్‌లో 39 పరుగుల తేడాతో విజయం సాధించింది. భారత్ తరపున హేమంగ్ బదానీ 77, అజిత్ అగార్కర్ అజేయంగా 67 పరుగులు చేశారు.
ఈ సారి కూడా ఇదే జరిగేనా: జింబాబ్వేపై వన్డేల్లో భారత్ ఐదుసార్లు 300కు పైగా స్కోర్లు నమోదు చేసింది. అయితే, 2002 సంవత్సరం నుంచి టీమ్ ఇండియా ఈ సంఖ్యను టచ్ చేయలేదు. కాగా, ప్రస్తుతం భారత ఆటగాళ్లు ఉన్న రిథమ్‌ను పరిశీలిస్తే, ఈ స్కోరు కరువు ఈ సిరీస్‌లో తీరొచ్చని అభిమానులు భావిస్తున్నారు.