Glenn Maxwell: 12 ఫోర్లు, 8 సిక్సర్లు.. 218కుపైగా స్ట్రైక్‌ రైట్‌తో సెంచరీ.. రోహిత్ రికార్డుకు మ్యాక్సీ ఎసరు
ఆస్ట్రేలియాలోని అడిలైడ్ ఓవల్‌లో ఆతిథ్య ఆస్ట్రేలియా, వెస్టిండీస్‌ల మధ్య జరిగిన మూడు మ్యాచ్‌ల టీ20ఐ సిరీస్‌లో రెండో మ్యాచ్‌లో ఆస్ట్రేలియా జట్టు 34 పరుగుల తేడాతో విజయం సాధించింది. దీంతో మరో మ్యాచ్‌ ఉండగానే సిరీస్‌ను కైవసం చేసుకుంది.
ఆస్ట్రేలియాలోని అడిలైడ్ ఓవల్‌లో ఆతిథ్య ఆస్ట్రేలియా, వెస్టిండీస్‌ల మధ్య జరిగిన మూడు మ్యాచ్‌ల టీ20ఐ సిరీస్‌లో రెండో మ్యాచ్‌లో ఆస్ట్రేలియా జట్టు 34 పరుగుల తేడాతో విజయం సాధించింది. దీంతో మరో మ్యాచ్‌ ఉండగానే సిరీస్‌ను కైవసం చేసుకుంది.
ఈ మ్యాచ్‌ లో టాస్ ఓడి తొలుత బ్యాటింగ్ చేసిన ఆస్ట్రేలియా జట్టు నిర్ణీత 20 ఓవర్లలో 4 వికెట్లు కోల్పోయి 241 పరుగులు చేసింది. జట్టులో మెరుపు బ్యాటింగ్ చేసిన గ్లెన్ మాక్స్వెల్ మెరుపు సెంచరీతో రాణించాడు.దీంతో పాటు ఎన్నో రికార్డులు బద్దలు కొట్టాడు.
తన ఇన్నింగ్స్‌లో 55 బంతులు మాత్రమే ఎదుర్కొన్న మ్యాక్స్‌వెల్ 12 ఫోర్లు, 8 భారీ సిక్సర్ల సాయంతో 120 పరుగులు చేశాడు. దీంతో మ్యాక్స్‌వెల్ టీ20 అంతర్జాతీయ మ్యాచ్‌లో 5వ సెంచరీ రికార్డును అందుకున్నాడు.
ఈ సెంచరీతో టీ20 ఫార్మాట్‌లో అత్యధిక సెంచరీలు బాదిన భారత ఆటగాడు రోహిత్ శర్మ ప్రపంచ రికార్డును మ్యాక్స్‌వెల్ సమం చేశాడు. రోహిత్ శర్మ ఇటీవల జనవరిలో ఆఫ్ఘనిస్తాన్‌తో జరిగిన T20Iలో తన ఐదవ సెంచరీని ఛేదించడం ద్వారాఈ ఫార్మాట్‌లో అత్యధిక సెంచరీలు సాధించిన ప్రపంచంలోనే మొదటి బ్యాటర్‌గా రికార్డు సృష్టించాడు.
ఇప్పుడు ఆ రికార్డును మ్యాక్స్‌వెల్ సమం చేశాడు. గత కొన్ని నెలలుగా గ్లెన్ మాక్స్వెల్ అద్భుత ఫామ్‌లో ఉన్నాడు. నవంబర్‌లో జరిగిన వన్డే ప్రపంచకప్‌లో ఆఫ్ఘనిస్థాన్‌పై డబుల్ సెంచరీ సాధించి జట్టును విశ్వ విజేతగా నిలవడంలో కీలక పాత్ర పోషించాడు.